CBA, NA Khawmpi Nei Ding

416462_3088762666657_50094071_o

2013 CBA, NA Khawmpi

Chin Baptist Association of North America (CBA, NA) cun kumtin a tuah theu mi a voi 4nak khawmpi cu May 23-25, 2014 karlak sung Chin Community Baptist Church (Atlanta, GA) ah tuah a si ding. Cumi ah Myanmar ihsin LBA GS, FBA GS le hlasakthiam Mai Far Men Par pawl cu khuallian dinhmun in sawm a si. Cun CCIT ih Professor Rev. Dr. Joel Za Hlei Kap khal CBA, NA khawmpi hmang phah dingin USA ah a thleng zo.

Himi khawmpi ah pakzai, hlarem, Nubu hlalaam le Bible zohlo siarnak tivek pawl zuamawknak tla tuah a si ding ih Mino pawl hohanak in nazi 3 sung thu le hla thawn hlasakthiam pawl in hlasaknak tla an nei ding. Himi Mino program ih hlasaktu ding pawl cu:

1. Mai Elizabeth Thiam (American Idol ih tel thei)

2. Salai David Bawi (Singer of the Year, CCUSA, 2013)

3. CBA, NA ih CD suahcin le ahlan khawpi ih laksawng ngahtu pawl an si ding.

Nubu pawl in CCIT ih saya inn saknak ah tiah motor tharte $ 15,000 man in ‘Mivanthabik’ hrilnak tuah a si ding.

CBA, NA hi May, 2008 ah kawhhran 2 komaw in rak dinmi a si ih tu ah USA le Canada ram sungah kawhhran 26 an kim thlang. (27nak ding kawhhran lut ding khal um zo.) Khuallian sawmmi lakah LBA, GS Rev. Run Herh Ling cu May 20 ni ah thleng thei dingin theihfel a si zo ih FBA, GS cu try rero lai a si. Hlasakthiam Far Men Par cu a feh remcang lo ding, tiin thu theih a si. Bawipa ni zing khawm ah Siangbawi Rev. Dr. Stephen Hre Kio in thusimnak a nei ding. Khawmpi ah Chinmi zatein ral tel cio dingin khal sawmnak a neih duh thu H.Cungte cun CT hnenah a sim.

CBA, NA cangvaihnak pawl a tanglam ih links pawl ah zoh theih a si.

http://youtu.be/zBkXq69lAuY

http://www.cbana.info/

http://youtu.be/YNWX20xeIjo

http://www.cbana.us/

http://www.cbana.us/

(Visited 845 times, 1 visits today)

Comments

comments

Comments

%d bloggers like this: