CB Bank in Master Card (Credit Card) A Tlangzarh

Kawlram sung lawng hman siloin leitlun ramtinkim ah olsam zetih hman theih mi CB Master Card (Credit Card = paisa neih cia tul lo, a bak ih thil lei theinak band card) hman thok theih a si zo thu CB Bank Excutive Vice Chairman & CEO U Kyaw Linn in a sim.

Master Card pawl hi leitlun ramtinkim ah mipum 2.3 billion lenglo ih hman rero mi a si ih, kawlram sungih mipi pawl khalin sumpai hmannak thawn pehpar in remcang zetih an hman ve theinak dingah tu vekin service kan pek nak a si, tiah a sim.

CB Master Card hi kum 21 kim zo tu ih piang CB Bank zungbunnak hmunpi bik thawn a nai aw mi zungthen pawlah tuah sak dil theih a si. A hmangtu pawl hrang ih duh hril thei nak dingah CB Master Card hi Classic Card, Gold Card le Platinum Card tiah phun 3 ih then a si.

Classic Card hrangah a bak ih sumpai hman theih zat bikhiah cu Kyat.500000 ihsin Kyat.1000000 tiang siseh, Gold Card hmangtu hrangah Kyat.1000000 tiang siseh, Platinum Card hrangah a bak ih thil lei thei zat bikhiah cu Kyat.4000000 ihsin 5000000 tiang puk lawk sian sak a si.

CB Master Credit Card sung ihsin sumpai rak hman lawk cia mi hrangah a mal bik ni 15 ihsin ni 45 karlak cu sumthang lak a si lo ding. International level a si ruangah Credit Card Discount pawl khal an ngah ve ding a si.

CB Master Card hmangtu pawl hrangah leitlun ramtinkim ih um Master Card hminsin nak symbol a tel mi ATM paisa suahnak cet pawlah siseh, POS (bank card thawn paisa peknak dawr) pawl ah siseh, E-commerce (Online shopping) hrang pawl khalah olsam tei hman theih a si thu, bank card security lam khal rinngamtlak zetih tuah a sit hu theih a si.

Ref: Myanmar Ahlin. 06.12.2016

-Sen Hngilh Piang

(Visited 416 times, 1 visits today)

Comments

comments

Comments

%d bloggers like this: