Cawmhlawm Tulnak

March 1

Nipi Ni

Cawmhlawm Tulnak

Siar: Saam 37:1-11

Bawipa cu rinsan awla thil ttha tuah aw. Cuti cun hih ram sungah himdam te’n na um ding.    – Saam 37:3

Kumkhat Sung Baibal:  Mipumsiarnak 23-25

   Marka 7:14-37

Kan tupa Cameron cu thla kim lo zarhruk duh in a suak. A fatezet ih thih ding phaan a um hrangah a tthan deuh hngahnak in nau hrinnak siizung ah zarh hnih tluk a um. Amah hrangih a poibikmi cu rawl a ei zik a talbuainak ah a taksa cahnak ih a lutmi hnakin a suaklam a tam sawn. Himi in a tthannak a dawn. Karbak pakhat a tthangso le karhnih dungsip vek a bang. Sii le zingbawlnak zianghman a tthahnem lo; a ttulmi cu thazaang cakternak thapetu rawl lawng a si.

Khrih dungthluntu kan si bangin atu le tu kan thinlung tuar theinak kha a tlasiami leilung ih harsatnak in in siatsuah ttheu. Cuvek caan ah cahnak petu kan ttul. Saam 37 sungah David in kan thinlung cakter dingah kan thinlung cawm a ttul ti in forh. “Bawipa cu rinsan awla thil ttha tuah aw, cuti cun hih ram sungah himdam te’n na um ding” (c. 3).

Ttonttaihnak in in tlun hnawh tikah Pathian ih thukamnak le a cem thei lo rin-umnak in Amah hmin pu dingah in bawm thei. Amah ih rin-um kilvennak cu, “Rinsan tlak Mitum Na Si” timi hla sungih “Thazaang cahnak le ruahsannak tla in pek” a ti bangin kan ttulmi caktertu in pek a si.

                                                                                 Kan nun sual ngaithiam in remnak in run pe,

In hruai in kilveng aw a kumkhua in;

Thazaang cahnak le ruahsannak tla in pe,

Thluasuah mal in sawm aw rel cawk loin!

 

 Na ttulmi thazaang ngah dingin Pathian ih rin-umnak parah nung aw.

(Visited 27 times, 1 visits today)

Comments

comments

Comments

%d bloggers like this: