Cawlhter Thei Lomi Thuruahcatnak

June 5

Zarhte Ni

Cawlhter Thei Lomi Thuruahcatnak

Siar:

2 Korin. 5:16-21

Himi hmuahhmuah hi Pathian ih tuahmi an si ttheh; a raal a simi kannih cu Khrih thawngin Pathian in a rualpi ah in tuah ih midang khal  a rualpi si dingin sawm dingah ttuanvo in pek.   – 2 Kor. 5:18

Kumkhat Sung Baibal:

–   2 Sansiarnak 23-24

–   John 15

M

oody  Bible tlawng ih Pathian thuzirhtu si ih a hlawknak pakhat cu hih tlawng ihsin a suaktu pawl hi leilungpi ah hmual neizet in Jesuh hrangah hna an ttuan timi thu theih hi a si.  An pumpeknak, beidong lo ih an zuamnak, thuthangttha karhzaiter an duhnak pawl hin thaazang mi a pekzet.

Kum zabu 19 cemlam ah Mary McLeod Bethune cu Africa ram ah missionary ttuan dingin Chicago ih Moody Bible tlawng ah kum hnih a kai. Asinan tlawng kai a ttheh tikah African-American kahpia numi pakhat a si ruangah missonary ttuan dingin a thlahtu mission board an um lo. Afirica ih missionary feh ding a tumtahnak a hlawhtling lo tikah beidong loin African-American kahpia numi pawl hrangah Bethune-Cookman College kha Florida ah a phuan ih numi pawl dinhmun thlenghtu ah a hung cang.

Mary ih sunmang cu kekzaam ttheh hmansehla Jesuh rian dingih a tumtahnak le a thuruahcatnak cu kham theih le cawlter theih a si cuang lo. Pathian in amah thawn pehzom awk saalnak hnattuan ttuan dingin ttuanvo a pek (2 Korin 5:18) ti a thei fiang ruangah beidong loin a ttuan pehzom vingvo thotho.

Mary vekin Jesuh Khrih thawngin midang kha Pathian ih rualpi an si theinak dingah sim le sawm dingin kawhmi kan si. Tuih sun na umnak ihsin Jesuh hrangah thil lamdang tuah aw.   -Joe Stowell

Khui tawk ih in ret khal asile Bawipa,

Na thuthangttha phuang dingin raltthatnak in pe aw;

Sualnak sungih a hlomi pawl hnenah,

Jesuh hmin in mi thar ah an cang thei.  – Sper

A mi pawl sungah Pathian ih a hawlmi sinak pakhat cu

Amah rian dingih pumpek duhnak thinlung a si.

Comments

comments

Comments

%d bloggers like this: