Cawhnawi Tidawl

12376851_1068290076561609_6005301526891013181_n

Sianglianuk Kianghrol

Vei khat lai ahhin, siangpahrang in a hnattuantu pawl cu tidawl pakhat a laihter. Tidawl an laih ttheh tikah siangpahrang cun, tuizan ah innsang pakhat ihsin minung pakhat cio in cawhnawi no khat cio himi tidawl ahhin nan ra sung pei, tiah thupek a suah. Siangpahrang cun tidawl cu a thaizing ah cawhnawi thawn rak khat seh ti a duh ruangah a si. Thupek an theih thluh tikah mipi cu an ttiak.

Zan a rung thlen tikah, pacang pakhat cu tidawl sungih cawhnawi va sung ding in a pok. A feh phah in thu a ruat vivo. Midang pawl in cawhnawi an rak ken cio ding ruangah anih cun tidai no khat sun mai a ttha tiah a ruat. Zan khawthim a si ruangah zohman in tidai a si ti an theihthiam a zum lo. Curuangah tidawl ahcun tidai no khat a va sung ih a tlung sal.

A thaizing ah, siangpahrang cun a tidawl cu a va vehvai. Cutikah tidawl cu tidai fim kiangkiang hlir in a khat ti a hmu ih a mang a bang zet. Ziangahtile a ram mipi hmuahhmuah in “Kei cun cawhnawi ka sun a ttul lo, midang in an rak sung ding pam, tidai no khat ka sung mai ding” ti ih an rak ruat cio ruangah a si.

Ziangvek hnattuan khal va si sehla, midang in an tuah ding pam ti ih ruat ding a si lo. Nangmah ihsin na thok a ttul. Nangmah ih na tuah lo ahcun midang in an tuah lo ding ti ih ruat sawn ding a si. Curuangah nangmah kha thlengawknak nei sawn aw. Cutikah thil danglam a thleng ding.

(Visited 60 times, 1 visits today)

Comments

comments

Comments

%d bloggers like this: