Thusuhnak: Facebook A Cem Ngai Ngai Pei Maw?

Facebook hi an (close) khaar tum taktak maw si? Tiah mino lakah thusuhnak a tamzet ih sannak ngaingai a um thei hrihlo in a lang. A zum lo tu pawl khal cun an khar ngaingai lo dingah kan zum tifang lo cun sannak dang an nei lo in a lang lala.

Facebook a cem taktak ahcun mino tam takih pehtlaihawknak a catsiat ding lawng siloin group mail, video le zuk a phunphun kan retcia mi pawl a hlo theh ding ruangah lungphan umzet cu a si.

Himi thu ah online vote lak ding an zum thu an rel ih cun, facebook hi an lei ding khalah zumnak a neitu an um thotho fawn.

Kan dung baihte November 2011 ahkhan Facebook hmusuaktu le neitu Mark Zuckerberg cun 2012, March thla ih a cem ter tum thu mipi hmai ah TV thawn le thuthangca pawl thawn a phuang fel zo a si.

Himi thuthawn pehparaw in Salai Zilthli ih rak nganmi Facebook Mangtha! timi ah kimcangzet in a rak phuan daan pawl siar le zoh a theih lai a si. Facebook tualrawn sung ih nitin khawsa pawl cun hithu hi an ngaihsak  hrimhrim dingah kan ruat a si!

CT Thusuhnak Kuang

Q1.
Dear Pu CT,

Na answers pek mi pawl ka rak siar ih na zet ih ka mit tla vangter …kei khal thu pakhat ten lo sut duh mi ka nei ih ram le miphun hrangah mah le thei tawk in kan taun hai ih(eg.pawlkom,calai,awnmawi,etc), zuknung (film) lam vek ih tuantu kan um lo hi thansoh nakah a tlak lo ti nak maw? kan mi le sa cawisan nakah atul lemlo ti nak si pei maw?

Salaimangte

Sannak:
Dear Salai Mangte,

Zuknung (film) lamah hnatuantu kan umlonak hi thu tampi a um ding. Cumi lakah kan thansoh lo tikah hivek lam hnatuan theitu tla an um hrih lo, kan tlin hrih lo. Kan thansohzat in zuknung lam hnatuantu pumcawmnak ah a hmangtu tla an suak vivo ko ding.

Q2.
Dear Pu CT,

Ka rual Nute cu, a duh lo zet mi tlangval pa thawn nei aw dingah a Nu le pa in anaa in an thit aw ter tum! Ziangah tile Dollar hmam ter ve an duh.A mah cu a thup ten a ttap ringring.  Hiti vek hi kan Lai daan dik asi thei pei maw? Lole Christian daan thawn teh….. ?
Lungawi.

Salai Bte

Sannak:
Dear Salai Bte,

Kan pupa san lai ahcun nulepa, sungkhat pawlin nupi pasal hi an rak hawlsak ih an rem ti mimi fanu fapa pawlin nupi pasal an rak nei theu. Fala le tlangval khalin anmai tikcu le san ih zir in senpi vangtlang hmantlangmi le lungkim tlangmi asi vekin a sual lo kan ti thei. Asinan santhar san ahcun santhuanthu a thleng aw vivo ih fanu fapa ih duhlo cingin tap rero cingin nupi pasal neihter mi hi Pathian thu zawngin siseh cozah kumpi dan dinglai thu in siseh santhar lai nunphung thawn khal a kaih aw nawn lo mi asi.

Ziangah tile fanu fapa pawlin nupi pasal neih an cut tikah an duhril theinak a kau sinsin in senpi angtlang, nulepa khalin an pek vivo mi asi tikah duhnalo cingin nupi pasal neihter timi hi kan miphun lakah kan tawpter hrimhrim dingmi pakhat asi.

Q3.
Dear Pu CT,

Kan dungah ka lo sut zo nan, nan remcang lo ruangah tla a si men ding,, Ka lo sut lala ding ih,, Nu le pa lakah nuamnak timi le lungawinak timi hi ziangti-ih kan tuah le kan um le kan nuam thei ding?? In sim thei ahcun ka lungawituk ding,, Siar ding in ka rak thlir……

Salai Jack

Sannak:
Dear Salai Jack,

Na thusut mi ka rak lo sang lohli lo mi cu in rak ngaithiam aw. “Nu le pa lakah nuamnak timi le lungawinak timi hi ziangti-ih kan tuah le kan um le kan nuam thei ding??” na timi hi nupi le pasal karlak nawm awknak, lungawinak thu na sim asi ding ti ah ruat in a hnualam vekin na thusutnak ka lo sang asi.

Bible vekin kan sim asile, pakhatnakah, Pathian duhbik awla na nuam aw ringring dingih na lungawi ringring ding. Ziang kan duhbik timi parah kan lungawinak le kan nawm awknak a hngat aw ringring. Pathian ka zum tisi in Pathian hnakin nupi pasal maw nawm awknak dang, lungawinak dang pakhatkhat
parah thinlung  a hngat aw tu cu a damsung nun diriamnak a nei dah lo ding. Pathian na duhbik ahcun mai duhbikmi thawn um tlang cu a nuambik ringring ih lungawi diriamnak sangbik nun na nei ding.

Pahnihnakah, Pathian na duhbik ahcun Pathian duhmi na duh dingih a huatmi na hua ding, nuam a timi nuam na ti dingih a lungawi zawngah na lung a awi ding. Pathian in nahrang tha bik a lo pek mi hlei ah na duhbet ciamco lo ding.

Pathumnakah, na nun, na insangah Pathian Thlarau a lal asi ahcun thlarau rah asi mi lungawinak, hnangam daihnak, duhdawtnak luangliam nun na nunah a rah ding. Pathian Thlarau a lal lo tikah nangmah na lal asile midang uk duhnak, dinhmun parah na duhzawngin umter duhnak thawn dah amnak in na thinlung a luahkhat ahcun nun diriam lungawinak famkim le a catbanglo mi nawm awknak na nei dah lo ding.

Q4.
Dear Pu CT,

Pathianthu ah hin ka buai nak a ri zo ih hiti vekih thusuhnak nan run ong hi ka lungawi ngaingai. Keihi ka nauhak kum 10 ka si hrawng ihsin leitlin sualnak zu le sa lamah ka nuam thei zet. Asinan, ram dang ka thlen hnu ah cun Zu le sa hi kawlram um lai hnak cun ka thlah vivo in, 2007 ih Saya Fai thusimnak in Pathian henah lungawinak nei in ka hna angam…Piantharnak ka nei ti sela a sual lo ding. Asinan, a hnui kum hrek hrawng ihsin rualpi thawn kan tonawk caan,ka nun ah (sumpailam siseh tlangval ka si vek in ka fala thawn kan buai caanah sieh) zu inn sal in le midang ka thawi,ka sual tikah athai zingah sirawknak le thin nuam lo nak rawl khal ei thei lo,hnattuan khal nuam lo, ziang ti khal nuam lo in ka um ttheu ih Pathian ka hlam ring ring…

Cun lungawinak le hnangam nak ka ngah sal ttheu ih ka rim ding tin thu ka tiamkam aw ttheu..asinan, rualpi thawn tonawk lonak arei ih kan vun tongawk tik ah zu hi ka rak in sal ttheu ringring(tutiang)..a thai zingah sir awknak ka nei ih Pathian lawnglawng ka hmai song ih ka ti nawn lo ding tin ka tiam aw lala ttheu ..ka rak ti pang ttheu fawn hihi ziang ruangah si pei…Pathiang hming thangtthat le khawm le ka duh,Biakinn ka thlen le ka hlim, nuam ka ti,biak inn ka thlen le ziang dang ruat lo in Pahian hnen in lungawinak longlong in ka khat fawn…Ka nunah hin ziang si ka ttul zangfah ten in sim thei hram aw…

Sannak:
Dear ..,

Na hmuhtawnmi thu in sut ruangah ka lungawi. Pathian Thlarau na nun
sunglamah phuang aw hram seh!

Na hmuhtawnmi hi piangthar Pathian fate tampi in an tawnmi asi ding ti ka zum. Piangthar Pathian fate si zo hnu ah sualnak sungah a thlalut saltu zohman mi lungawi an um lo. Sualnak le Pathian a kawp in nawmpi theih asilo. Cuihleiah Pathian fate piangthar, hrinthar zomi tlusia in tisa duhnak ih nun cu ihnung ngaingai asi. Pathian Fate na si hnu ahcun Pathian Thlarau in thu a lo sim ringring ding. Na lung duhlo ih na lung a ruh, a sual asi ti thei na cingin na tuah sunzawm asi ahcun naute meipi sungah amahlemah a paih kang aw vek na si ding ih leitlunah na nung dam hrih asi khal le leitlun cu na hrangah hellram vek asi ding. Cucu Pathian in a lo hrem si loin Pathian fate si na cingin Pathian thu sungah na nung lo tikah, Pathian Thlarau in na khat lo tikah satan in a duhtawk in a lo hrem ding. Sual tuah dingin a lo thlem dingih a tawpnak hacang rialnak asi ringring ding.

Ziangtin na tisa nan eh thei ding? Rawl pen awn hlah. Rawl ul in thlacam aw. Pathian Thlarau in lo uk seh. Na tisa rawl pe nawn hlah. Na tisa rawl cu na mit in na hmuh mi, na kaa in na ei/in mi, na hna in na theih mi le na pawlkom, pehzawm mi na thleng, na tawpter a tul. Na nitin nunah Pathian duhlo zawng, satan lungawi zawng lamzin parah na thlarau hrem tuar dingin a lo hruaitu pawl na tlansan, na ulh theih a tul. Curuangah kawhhran timi cu leitlun satan uknak lalram sung ihsin lakhranmi, kawhsuakmi tinak asi. Sual le Pathian na kawp thei lo. Cutin na tisa rawl pe nawn lo in na ul hnu ahcun na sungih thlarau in a duh duahdo mi Thlarau Thianghlim pawlkom nakah na nuam aw dingin na lung a awi ding, nun diriamnak na nei ding.

CT Thusuhnak Kuang Awnnak Nei Sal

Pu CT Thusuhnak le Sannak Nov 4th week

[ CT Box hin na harsatnak a lo bawm sinsin theinak dingah hmang thiam vivo aw ]

Q1:

Dear Pu CT,

Ziangtin kim ah kan ni falam mi cu falam mi cu. Hruaitu, calailam, Hlasak lam, Fimnak lam khal ah mi kan bang thei lo,Tin in pa khat le pakhat kan rel siatawk mi in kan falam mi phun thanso nak ape thei pei maw?

Silom Hmuntha

Dear Silom Hmuntha,

Relsiat awknak in ziang thiltha hman a suahpi dah lo. Tappi kawm ihsin hmuansak hmuanthlang, kawhhran lemibur, khaw le ram hruaitu, cozah kumpi le tuanvo neitu pawl relsiat thangsiatnak tongkam in kan san minung pawl thinlungput a siatsuah thehmi asi: hruai theihlo minungah tuisan minung pawl a canter. Asinan, ka pipu, nulepa, ule pawlih tlamtlin lonak, santlaih lonak cu santhar minung pawlin thiltha tuahnak canpualtha ah kan lakih punzai le midang mawhsiat tu siloin a tuantu, hmalatu ah kan cang asi ahcun kan miphun thansohnak cu kanmai kutsungah a um timi kan santhuanthu a thleng aw mi in kanmai san sung lala ah in hmuhter in theihter ding.

Q2:

Dear Pu CT,

Ziang hmuahhmuah na thei thluh maw? Ziang poh poh lo sut sehla na rak sang/let thluh thei ding maw? Cutin ti ruangah na thinheng pei maw?

Ma Mang

Dear Ma Mang,

Na thusutmi pawl pakhat hnu pakhat lo san thei ka zuam ding.

i) Ziang hmuahhmuah na thei thluh maw?

Ziang hmuahhmuah ka thei thluh lo. Na thusuhnak cu naute suak thlapek hnenah “tong phunziat na thiam?” tiah thusut vek asi! Leitlunah, milai um tawk ihsin si lo, a tu rori ah milai 6 billion lenglo a nungmi kan umih ka theihmi cu zatel fang an si. Theih dingmi ziang hmuahhmuah cu tipithuanthum zat sisehla ka theihmi zate kawm cu tikhu fawrkhat hman a tluklo ding. Ziang hmuahhmuah theithluh vekin a um tu cu a theihlomi ziang a um ti a theilo asi.

ii) Ziang poh poh lo sut sehla na rak sang/let thluh thei ding maw?

Ziang pohpoh in sut asile “ziang pohpoh” na timi ih zirin ka lo sang thluh thei tla asi thei, thei lo tla asi thei.

iii) Cutin ti ruangah na thinheng pei maw?

Cutin ti ruangah ka thin a heng lo pei. “Mah ih thinhengnak a sup thei lotu cu, khawkulhnak hauhruang a cim ih a siatmi khua bangtuk a si. Olte in ral an lut ding” (Thuf. 25:28).

Q3.

Dear Pu CT,

Laimi pawlin kan nunphung hi ziangtin kan hmang ding ?.

1, Kan hnipuan hruk dan,

2, Kan sakhua, Biaknak

3, Kan ttong

Tahthimnak..kan nunphungah ,Mipa in Hnakhai an rak khaih maw?

Nunau in ziangtin hnipuan an rak hru ?tivek pawl,

Titus Mang

Sun, Nov 20, 2011 at 1:51 AM

Dear Titus,

Na thusuhmi pawng a cang thei tawk lo san thei ka zuam ding.

Thusuhnak: Laimi pawlin kan nunphung hi ziangtin kan hmang ding? Kan nunphung vek cekci in hman ding asi ko.

1, Kan hnipuan hruk dan,

Laimi pawlin kan nungphung hi kan kenkawh, kan thansohter in kan hman sinsin ding a thupi. Kan hnipuan pawl tla hi santhar milin a phunphun in kan thansohter a tul. A thitdan (design) pawl tla thansohter in santhar minung pawlin mawizet le sunsak zetin kan hman sinsin ding a thupi. Puai tuahnak, ni hleice, caan hleice pawlah tla kan hman sinsin ding a thupi. Biaknak lam siseh ei hawlnak lam thansoh ruangah nunphung tlansan ding timi hi at cikhat asi.

2, Kan sakhua, Biaknak

Kan biaknak hi kan thansoh a tul nasa. Kan pupa rirai bia pawl hman kan thluk nawn lo nak tampi a um. Kan biaknak in kan thinlung in uk lo. Tuisan minung pawl cu cozah in siseh khawsung upa pawl in siseh biaknak lam thurin in siseh a uk lomi kan si. Curuangah kan biaknak, sakhua hin bulpak nun, insang, khawsung, cozah kumpi, fim zirnak, le pursum leilawnnak tiangin kan biaknak thurin hi thurampi ah hmangin kan nunpi thei a thupi tuk. Culo asile, kan pawnglang ahcun laimi vek kan si hmanah kan sunglam cu a zuva, kan siat kan hlo theh ding. Kan biaknak thurin, Bible thu in kan nun kilkip in uk hrimhrim dingmi asi.

3, Kan ttong

Chin mi ka si ti tapoh cun mai tong siar, ngan, zirh thiam dingin kan thiam theh a tul. Kan tong hi calai in nasa ten a thansohter a tul. Famkim lo mi pawl thansoh ter in leitlun calai thatha thawn tlan zuam aw thei dingin kan tong hi calai thawn kan thansohpi a tul tuk.

Q4.

Dear Pu CT,

(1) Chin Mi – Nu Nau pawl in Ziang ha an thun pit ter bik mi (a) Sum Saw – maw ? (b) Duh Dawt Nak – maw ? (c) Sex ?

(2) Ziang ah ha, Bible thlawng theh tam pi in Thu thang tha an sim nawn lo ? (or) Rong an bawl nawn lo ?

(3) Ziang ah ha, Bible Thlawng theh le Koh hran U pa Tuan pawl (mi tam sawn) in  - mah le mah – Mi Fim tuk ah an ruah aw theu ?

(5) Zuu zuar maw – Zuu a in tu ha, Zoh a sia ?

(6) Kan Chin Mi lak ah – Pasal neih cing ih Mi pa dang thawn “PAWNG” aw hmang maw – Nu NAU “Taw Zuar” ha sual deuh ?

(7) Lei Thlun hmun tin ih um – Kan Falam Mi le Sa lak ih sin Nu Nau ” Taw Zuar” ti ih theih mi an um pang maw?

San No Mang (Mang Te), Kum 29

Fri, Nov 18, 2011 at 8:32 PM

Dear Mang Te,

Thu insut ruangah ka lungawi, na thusuhnak pakhat hnu pakhat theitawk lo san thei ka zum ding.

(1)   Chin Mi – Nu Nau pawl in Ziang ha an thun pit ter bik mi (a) Sum Saw – maw ? (b) Duh Dawt Nak – maw ? (c) Sex ?

Chin mi pawl hi social studies ah kan tawtlai tuk tikah statistics ngaingai kan neih lo tikah thlirvelnak (observation) lawngin na thusuhmi thutlangpi thu in lo san asi tikah a zatciah ka sim thei lo mi in rak theihthiam sak ko. Chin mi nunau pawlin an pasal dingah rinsantlakmi, an damsung hngat awk theinak mipi pasal ding an duhbik. Cumi lakah sumsaw hawl suak thei, duhdawtnak ih siseh sex lam khalin diriam ter theitu a tel theh.

(2)   Ziang ah ha, Bible thlawng theh tam pi in Thu thang tha an sim nawn lo ? (or) Rong an bawl nawn lo ?

Thuthangtha sim dingin Bible tlawng an kai lo tinak asi ko ding. Bible tlawngah Pathian thu, Bible zir theh hnu ah Thuthangtha sim lo tu pawl cu Thuthangtha sim dingin Pathian kawhmi an silo tinak asi ko. Pathian kawhmi cu tlansuaknak a um lo, Johnah vekin an tlan asile thlipi le tisuar in a dawi mei ding.

(3)   Ziang ah ha, Bible Thlawng theh le Koh hran U pa Tuan pawl (mi tam sawn) in  - mah le mah – Mi Fim tuk ah an ruah aw theu ?

Mahlemah fimtukah a ruat aw tu pawl cu an fimlo tinak asi. Cuvek thotho in thusuttu tla  nangmah hnakin an fim tuk na cingin na at tuk ruangah an fimnak na thei lo ih anmah sawn kha fim tuk bangin an umah na ruat sual tla asi thei ve ko. Theihnak lawng cun mi  a porh awk ter ih fimnak cun tangdornak thawn theihmi pawl kha a tak nunramah hmansuah thiamnak mi a pe.

(4)   Zuu zuar maw – Zuu a in tu ha, Zoh a sia ?

Voksa bazar um dingin a leitu le a zuartu an um a tul vekin zuu zuartu le a in tu khal an tul dan a bang aw ko. Zo a sual deuh timi cu ziang daan in na tah, cuai na thlai timi parah a hngat aw mi asi.

(5)   Kan Chin Mi lak ah – Pasal neih cing ih Mi pa dang thawn “PAWNG” aw hmang maw – Nu NAU “Taw Zuar” ha sual deuh ?

Jews pawl daan cun uire cu lungto in denthat ding asi. Ziang daan in cuai na thlai timi parah a hngat aw aw. Hmun hrekkhat ahcun Taw Zuar cu sian asi. Uire siannak hmun le miphun leitlun ah ka theihmi a um hrih lo. An pahnih in an sual veve. Ziang a sual deuh timi cu na tahfung parah a hngat aw mi asi.

(7) Lei Thlun hmun tin ih um – Kan Falam Mi le Sa lak ih sin Nu Nau ” Taw Zuar” ti ih theih mi an um pang maw?

Langhngan zetin “ka taw ka zuar asi” tiah zaphuan aw tu Chin mi nunau an um hrih lo, theihban cinah.

Q. 5.

Dear Pu CT,

Kohhran ah mino le bupi buai tivek a um theu…kan kawhhran tla cuvek a um theu…ziangruangah ti ka theilo…kawhhran upa pawlih ruahnak nei mal ruangah maw minopawl ih mawh si pei?

Kawhhran member ;

Mon, Nov 21, 2011 at 11:43 AM ;

Dear Kawhhran Member,

Mino le bupi lakah buainak a suakmi cu a dinhmun ciah hrangah sim theih asilo dingih thu tlangpi thu lawngin sim theih asi ding. Kawhhran upa pawl mawhnak khal a cang thei, mino pawl mawh khal a cang thei mi asi. A pahnih in zo ih mawh khal asile thlarau lam pitlinglo, Thiang Thlarau ih uknak hnuai ah an pahnih in silole pakhat sangsang an um lo ruangah ti cu a fiang. “Ziangah tile Pathian cu buainak le hnahnawhnak Pathian a si lo; remnak le daihnak Pathian a si,” ( I Kor. 14:33). Cutin Pathian Thlarau ih ukhnak, kaihruainak hnuai ah hnatuantu le laireltu pawl an up awk, an nun theh lo tikah milai tisa ihsin a suak theu mi asi. “Cuti a sile hiti in ka lo forh duh: nan ruahnak hmunkhat seh, duhdawtnak khalah pakhat le pakhat duhdaw aw ton uh; nan thinlung le nan tummi khal bangrep aw sehla cuticun lungawinak ka neihmi hi nan kimter sinsin ding a si. Mi nahsuahnak nei in, mahih zawn lawng ruat ih, mahih hminthatnak lawng hawl in zianghman tuah hlah uh. Pakhat le pakhat tangdor awk tonnak thinlung nei uhla midang hnakin ka tha deuh tiah ziangtik hmanah ruat aw hlah uh. Nanmah duhnak lawng si loin midang in an hrangah a thupi bikih an ruahmi kha a hmuhzia thiam ve uh. Nan thinlung put daan cu Khrih Jesuh ih thinlung put daan vekin siseh,” Phi. 2:2-4).

Cuvek thotho in Nubu le kawhhranpi, pastor le kawhhran upa, mino le nubu, tvp, buainak a suah tinte kawhhran laireltu, hnatuantu pawl cu Thiang Thlarau uknak, kaihhruainak hnuai ah an nung in an cangvai lo tinak a langter. Thlarau lamah an nauhak tuk lai tinak khal asi thei.

Q. 6.

Dear Pu CT,

Tufang ka duhmi ka fala hi, kan umtlang ih kan leng tlang kan ei tlang theu. Nupa sinak vun hmanpi ding ka tum tikah a nihcun  ,kan neihawk tik lawngah kan hmang ding tilam si sawn loin, fate rai sehla ziangtin saw na ti ding, na harsat ding le na zawnzaih ding ka lo siang lo inti ringring. Cucu ,i duhdawt taktak ruangah maw asilole nawmnak men ah i duh men saw asi ding ti cu ka theithiam thei lo.

Pu/Pi CT in sim hram aw..Himi hi duhdawtnak taktak a si thei pei maw?

Salai Tah Ben

Mon, Nov 21, 2011 at 9:28 AM

Dear Salai Tah Ben,

“Salai” timi cafang le “tahben” timi a kawpin nganmi ka hmuh hmaisak bik asi. Na thusut mi ka lo sannak in tap nawnlo hram aw.

Nan pahnih karlak thu in simmi zat lawng thei in na fala nu ih a lo duhdawtnak cu duhdawtnak taktak asi thei pei maw ti ah lo sang dingin nan karlak thu in simmi a mal tuk lai, na sutmi sang thei ding khawpin nan thu hla theihmi ka nei hrih lo. Asinan ziangtin a lo saang tla asile nupi pasal neih awk hlanah nupa sinak hmang lo dingin a lo el mi cu thiltha asi. Zumtu pawlin kan nuncan ziaza ding asi. Nupa sinak hmang tlang lo dingin a lo el ruangah a lo duhdawt taktak lo, a lo duhdawt taktak tiah sim theinak a um lo. Nupi pasal nei aw loin fate neih ding a phang mi tla cu nunau hmuahhmuah in an phan mi le an duhlo mi asi ko ding. Lungthiang ten sunzawm vivo ko aw, nangmah na lung a thianding kha a thupi sawn.

Q.7.

Dear Pu CT,

Hivekin thusuh theinak nan on ruangah lungawi. Suhduhmi le theihduhmi tampi lakah pakhat te lo suh duhmi ka nei.

“Kan miphun(Falam) thansonak dingah ziangmi a thupibik, phundang deuh in sim sehla

ziangmi no.1 ah ret in kan tuan a tul? timi a si.

Lungawi,

Chin Vapual

Fri, Nov 25, 2011 at 2:49 AM

Dear Chin Vapual,

Na thusuhmi hi fiahciami (facts based) in lo san theih asilo ruangah khaikhawm (observation based) in lo san ding asi ruangah ruahdan, a thupibik tiah ruahmi a dangdang a um thei ruangah ka lo sannak vek ciah hi na hmuddan pomdan asilo tla le na palh, ka palh ti awk ding asilo ti ka lo sim hmaisa duh.

Kan miphun thansohnak ding hrangah a thupibik pakhat nakah Pathian thawn kan pehzawm awknak athat a tul. Kan zummi kan nunpi ih a kilkip nunah kan Bible in a simvekin kan nunpi thei cio ding hi kan miphun thansohnak hrangah a thupibik asi. Sunglam nun pitlinnak um loin pawnglang thansohnak cun miphun a siatsuah sawn asi. Pathian thawn pehzawm awknak tha timi cun milai bulpak nun, insang, khawsung, vengsung, sumpai lennak, ram le miphun, hrin le hram, kumpi cozah, leitlun khawmual le sersiammi ziangkim parah ziangvek dinhmunah ziangtik cu caanah ziangtin kan nung dingih kan pehtlai ding, ziang a bur in kan tuah ding, zo in ziangvek tuanvo a kai ding, zo ih thu kan ngai dingih zo  hnenah ziangvek upatnak pe in a dung kan thlun ding, tvp, milai pehtlaihnak, thansohnak, le hnatuan tlang daan ziangkim a huap tel theh. Kan khua le ram a rawp duahdo nak khal hi kawlram cozah a thatlonak lawng si loin kan zumnak thubulcawng kan nunpi ruang khalah asi tiah sim theinak kan nei. Insang, khawsung, kumpi cozah, mibur umkhawmnak ah Absolom a lalih a lam rero lai caan poh cu siatnak in in hngak cia ti theih a tha.

Ziang kan tuah ding?

“Ka hmin in kawhmi ka minung pawl in ka hnenah lungsiir in thla an cam ih ka mithmai an hawl ih an thil ?ha lo tuahnak ihsin an kirsal a si ahcun van in an thlacamnak ka thei ding ih an sualnak ka ngaithiam ding ih an ram cu ka damter ding,” ( II Sansiarnak 7:14).

Kan society hi cancer natnak vekin a damlo mi asi. Minaa damlo pakhat cu a natnak damter hmaisa loin rawl tampi kan pek khal asile a thihni a naiter sawn theu. Pathian in kan ram a damter lawngah kan society hi a dam in a thangso ding.

++++++++++++++++++++++++++++++++++++++++++

Cakuatnak le Thusuhnak: chinlandhornbill@gmail.com

Ramsung/ramleng Chin Mipi In Ziangtin Timtuahnak Kan Nei ???

By: David Nun Tho

Casiartu zaten,

Tuisun ah kawlram uknak a that lo ruangah hmuntin ramkip ah Chin mi kan vai ticu el theih a silo. Asilen kan zaten kan hmuhdaan kan rel khawm hnik pei;

President Thein Sein acozah cun thlengh danglam awnak tampi an nei rero ti cu US le ram dangdang khal in an pompi rero thlang.

US president Obama le Pi Suu Kyi khal an biak aw thei zo lawng hman siloin palai an thlah ringring mi ihsin a rei hlanah Hillary Clinton tiang kum-50 sung US rinum hruitu in tlawn dah lo mi kawlram cu thlingthla ding ah tlawn a tum zo. UN palai le ramdang dang ih an palai pawl khal an ra tlawng rero ih  ramsung ah sumdawng tumtu Foreign Company tamp an um.Kum-2014 Asean Chairmanship le Kawlram in a ngah bet zo ih NLD party le register tuah ding ah an lungkim  zo fawn. Kan pompi le dinpi lo khalle a feh rero mi thil umtu daan ah kan ruah daan le taan lak kan tum daan cio rel hnik uh si law;

Thusuhnak 01.  Hitivek speed cekci in Kawlram ukawnak a tlan peh vivo asi ahcun tulo Kum-5 lole Kum-10 Kawlram ziangvek ram le dinhmun ah kan din ding?

Thusuhnak 02. US le Euro ramkulh pawl in Sumdawnnak a khaukhihmi an phelh tikah ramsung ah nasa zet in sumdawn theinak Sangkapi a ong tikah Chin mi in ka zoh cuahco men ding maw??

Thusuhnak 03. Ramsung ah Opportunities tampi a um tikah, zalennak, tuan theinak lamzin a ong ngaingai tikah ramleng um Chin mithiam le mipi teh tlung kir kan tum maw?

Thusuhnak 04. Rule Of Law in luahkhatmi Democracy Kawlram in ngah ding in mithiam pawl in an buaipi laiah Chin mipi in ziangmi a si kan buaipi??? Falam,Hakha,Tedim Or Kawhhran ah kan buaipi Or Phun hnam tete ah kan buaipi??Ziangtin si kan Chin miphun kai hruai ding in tumtah kan nei?

Thusuhnak 05. US ,Asean ramthen le nitlaknak ram pawl in Kawlram cozah ukaw daan an rel lai ah kannih teh Calai ( O&Aw, Lalpa& Bawipa, Tt cafung) maw kan buaipi?

Thusuhnak 06. Ramleng thlengzo Chin nu le pa pawl in kan fale pawl kan suahkehnak Kawlram/Chinram thu kan ruah dah maw? Ukawknak thlengh dang ih zalennak

(kawlram tlun theinak) tikcu a thlen tikah ziangvek dinhmun ih tlun kan tum? Ramleng ah hlawhfa dinhmun in maw kan nun, caantha hmang liam kan tum?

Thusuhnak 07. Ramsung ah Taluk,Kawl,Vai pawl an thangso an lian rero mi cu Chin mi pawl in ka zoh cuahco men ding maw? Chin mi pawl in teh hnam dang pawl vek in minei nung (millionaire, billionaire) kan si ve thei lo maw? Asancu Pathian thei lo Taluk le hnadang pawl hmuah an lian tuk thotho fawn!

Note: Atlun ih cangan mi pawl hi zobul sawhkhih duh mi a nei lo, cangan tui thinlung sung ihsin a putsuak mi lawng a si.Thusuhnak pawl ihsin Chin mi pawl ih kan dinhmun le ruahnak tampi a langter phah ding ti khal zum a si.

PU CT IH QUESTION BOX Letnak

Pu CT,
Himi thusuhnak nan on cu ka lungawi tuk,Cun Knowledge dangdang tla suh a theih tin nan tarlang ruangah ka lung awi sinsin.
Ka thusuh duhmi cu,
1. Tufang ah Falam khawsung mipum ziangzat an si. Cun hmundang thawn kom in Falam mi ziangzat hrawng kan si pei.
2. Falam khua ah inn ziangzat a um.
3. Falam pengah khua paziat a um.
4. Falam peng hi ziangtluk a kau.
5. Falam khawsungah hlawh nei ih Pathian hnatuan paziat hrawng an um. A tampi lai nan, ka lo hmaisong phah. Hizat hi i run sim thei awla, ka lungawi dan ding cu!!!

Famkim Siarbet

Pu CT in Question Box A Ong Zo

Dear Rinsan mi Pu CT,

Fala tlangval duhdawtawtu in sex an hmangtlang tikah duhdawt nak a ti hnget sinsin maw?

Thang

Dear Thang,

America ram ah hliakhlaitupawl in an hmuhsuak mi ah cun neihawk hlanah a umtlangtu (living together) pawl hi neihawk hlanah umtlang lo ten nei (tthi) awtupawl hnakin a let in an thenaw, ti a si (33% le 63%).

Famkim Siarbet

Laimi Umnak Delhi Ka Ra Tum Ih A Tha Kem?

Ka Rual, Delhi ah ka ra ve tum ih thuhla malten i sim thei aw. Culole ka mualpho pang ding. Um daan tla ka thiam lo tuk pang ding.

Theihduh: UNHCR ngah a har maw?

Appointment  hngah sung a rei. Asinan na interview ngah ahcun na ngah cih ding ka zum. Tulai hi UN ngah awlbik lai caan a si an ti celcel. Na hrangah a tha zet ding ka zum. Asinan, thlatin bawmnak Rs 2000 leng an pek theumi kha an ngah nawn lo ih kum kimlo pawl lawng in an ngah.

Famkim Siarbet