World Cup Ih Goal Thun Tam Bik Tu Pawl

Kum	Ngahtu	Ram	Lekzat	Goal zat
1930	Guillermo Stabile	Argentina	4	8
1934	Angelo Schiavio	Italy *	4	4
	Oldrich Nejedly	Czechoslovakia	4	4
	Edmund Conen	Germany	4	4
1938	Leonidas da Silva	Brazil	4	8
1950	Marques Ademir	Brazil *	6	7
1954	Sandor Kocsis	Hungary	5	11
1958	Just Fontaine	France	6	13
1962	Drazen Jerkovic	Yugoslavia	6	5
1966	Ferreira Eusebio	Portugal	6	9
1970	Gerd Muller	West Germany	6	10
1974	Grzegorz Lato	Poland	7	9
1978	Mario Kempes	Argentina *	7	6
1982	Paolo Rossi	Italy *	7	6
1986	Gary Lineker	England	5	6
1990	Salvatore Schillaci	Italy	7	6
1994	Oleg Salenko	Russia	3	6
	Hristo Stoitchkov	Bulgaria	7	6
1998	Davor Suker	Croatia	7	6
2002	Ronaldo	Brazil *	7	8
2006	Miroslav Klose	Germany	7	5
2010	?	?	?	?

* Champion ram tinak a si….

Siar Bet

• World Cup Ih Hminsin Pawl..
• World Cup ngah zo tu pawl
• Bawhlungsitthiam Bik Pawl Zo An Si?

Mawtaw Zuangthei Theh Zikte

Vanzamleng vek ih zuang thei, leikhal ih Mawtaw vekih feh thei Mawtaw zuangthei cu US pawl in Leitlun ih pholan ding an man zikte thu an phuang.

Leitlun ih a hmaisabik Mawtaw zuangthei dingih thlengdanglam mi hi second 30 ah Vanzam ihsin Mawtaw ah a thleng aw thei cih ding. US thu nei tu pawl in a mawng theitu ding pawl hrangah thlun ding dan an tuah sak ih Pilot licence (vanzam mawn theinak) nei lo khal ih mawn thei dingin tuah a si.

Mawtaw zuangthei thlengdanglamnak ih tuantu Anna Dietrich cun a ttum hmun ih na ttum veten a thla pawl na bil dingih nangmah ttum tullo in mawtaw vek in na hmang cih thei ding tin a sim.

- BBC

BAIBAL HI RINTLAK A SI MAW? – By Hre Kio

BAIBAL HI RINTLAK A SI MAW?

(Can the Bible be trusted?)

Rev. Stephen Hre Kio, Ph.D 

Tui san ah cun zumtu Khristian (hrekkhat) khal in Baibal hi rintlak a si lo, ti ruahnak a um theu. Mifimpawl ih ngan mi a si ko lo maw? titu tla an um. Cunah a tawi zawngin Baibal hi rintlak a si, ti duhnak dot sarihin ka ngan duh.  

(1) Baibal hi an ngan pekte ihsin tuisun tiang kum 3000 lenglo a um zo mi cabu a si. Siangpahrang David san BC 1000 hrawng ihsin an ngan thok ih Zisuh san hnu kum 100 AD tiang an ngan. A ngantu 40 hrawng an si. Cabu 66 a si nain cabu pakhat a si. A tumtah mi cu Pathian duhdawtnak le rundamnak thu a si. Kum tin leilungtlun ah an lei duhbik mi cabu a si ringring. Communist China hmanah kum 20 sungah (1987-2007), UBS (United Bible Societies) hohatnakin Tuluk Baibal  milllion 50 an lei. Cabu menmen a si lo; Milai in an rinsan ruangah an lei a si.   

(2) Baibal Cathiang hi Pathian tongkam a sangtu profet le tirhthlahpawl ih ngan mi a si ruangah Pathian Tongkam (The Word of God) ih ruah mi a si. Baibal Amah in hiti’n a ti:

(i) Bawipa ih thu (tongkam) cu a dik (Saam 33:4),

(ii) Na tongkam cu thutak a si (John 17:17),

(iii) Ca Thianghlim hmuahhmuah hi Pathian ih thawtkhum mi a si (2 Tim 3:16),

(iv) Profet ih thusim mi cu milai duhnak men ihsin a ra mi a si lo; Pathian hnen                 ihsin a ra mi thuthang an phuan tikah Thlarau Thianghlim forhfialnakin an phuan mi a si (2 Pit 1:21). 

(3) Baibal Cathiang hi Jesuh in thuneitu ah a pom. Setan nehnak ah a hmang. Ni sawmli sung sualforhnak a tuar tikah Ca Thianghlim thawn Setan sualforhnak kha a neh (Mat 4:4-10). “Ca Thianghlim in a ti,” tiah voi thum rori Setan kha a ti. Zisuh hmanin thuneitu ih a ruah a si ahcun kannih in “mifim ih ngan cop mi” ti ding a si lo. 

(4) A hlan ihsin an rak simsung mi (prophesying) kha a kim ngaingai.

(i) Dan 2, 7, 8 sungah Leilungtlun ih Cozah panga (a sangsangin) an suak ding tiih a simsung mi a kim ngaingai: Babilon, Mede, Persia, Greece le Rom an si.

(ii) Isai 13:19-20, le Jer 51:37 sungah siatsuah mi Babilon khawpi cu zohmanin an din sal nawn lo ding ih milai zohmanih umnak a si nawn lo ding, a ti. BC 330 hrawngih ram tampi a nehtu ralbawi hminthang Alexander the Great in sak sal a tum; a ralkap 600,000 hrang an ei ding rawl a suah thluh zo. Asinan rinlopi ah a thi. Kum 2300 hnuah Iraq uktu President Saddam Hussein in sak sal a tum zet (pungsan tla a suai thluh zo: 2003) nain rinlopi ah a thi. (USA ralkap in an kai ih Iraq Cozah in kum 2006 ah an that).

(iii) Israel mipawl an ram ah an kir sal leh ding, ti hi khuahlan lai ihsin an rel ringring mi a si. Assiria ram in siseh, Babilon ram in siseh, khuazakip ihsin an kir ding ti hi an zum zet vekin an kir ngaingai. Cui simsung mi cu kum 1948 ih Israel ram a hung um ih Judah mi tampi an thenthekawknak ihsin an kir sal tikah Zentel can a cem (Luk 21:24); Israel an kir a si tiah tampi in an zum.

(5) Messiah a suak ding, ti an simsung mi, Zisuh Khrih thuhla a kim ngaingai:

      Profet simsungnak                     Thukam Hlun                  Thukam Thar ah a kim

   (i) Bathlehem ah a suak ding Mik 5:2  Mat 2:1-7;

   (ii) Fala him in a hring ding Isai 7:14 Mat 1:18-23;

   (iii) David cithlah a si ding Jer 23:5 Thup 22:16;

   (iv) Thah thei an tum ding Jer 31:15 Mat 2:16-18;

   (v) A rualpi in a phiar ding Saam 41:9 John 13:8, 19, 26;

   (vi) Paisa 30 ah an zuar ding Zek 11:12 Mat 26:14-16;

   (vii) Fei in an dawt ding Zek 12:10 John 19:16-18, 37;

   (viii) A puan camcawhfung an zuk ding  Saam 22:18 Mat 27:35;

   (ix)  A ruh an khiak lo ding                    Saam 34:20; (Suah 12:46) John 19:31-36;

   (x)  Milianpa ih thlan ah an phum Isai 53:9 Mat 27:57-60;

   (xi) A thih kum le can simsungnak Dan 9:26; Suah 12:6 Mat 27:45-50;

   (xii) Ni thumnak ni ah a thawhter sal Hos 6:2, Tirh 10:38-40; 

(6) Baibal Thianghlim hi hmual a nei ih milai nunnak thlengtu a si theu. Cabu dang hi bangtuk hi milai thuanthu sungah kan hmu lo. Paul in, “Khrih sungih mi pakhatkhat a um ahcun siamthar mi a si,” a ti (2 Kor 5:17). Asilole, mi pakhatkhat sungih Khrih a um ahcun siamthar mi a si, ti tla a ngah. Voi khat cu tikulh pakhat ah khuaram zoh duhtu khualtlawng (tourist) tampi an feh. Pakhatpa cu “Pathian a um lo,” a titu a si (Saam 51:3). Cuih tikulh ih um patarpa pakhat Baibal Cathiang a siar rero kha a hmu ih, “Ziangahso cuih cabu thuphan tampi an ngannak, milai tuahcop mi cu na siar duh rero?” tiah nautatnak mithmai thawn a sut. Patarpa cun, “Hi Cathiang hi um hlah sehla nang hi kan zanriah ah kan lo ei zo ding,” tiah a let. Hi tikulh um minungpawl nunnak thlengtu cu Baibal Thianghlim a si. Khristian an si hlanah cun misa-ei (cannibals) an rak si. 

(7) Kan Baibal in, “Zisuh Khrih kan Bawipa thawn pawlkomnak nei dingih a lo kotu Pathian cu rintlak a si,” a ti (1 Kor 1:9). Kan Baibal hi Pathian thuhla le a hnatuannak ngannak cabu a si. Pathian Thlarau ih fialnak le bomnak thawn ngan mi a si. Pathian cu rintlak a si bangin a Cabu khal rintlak a si ve.  
 

FCFS Magazine Avei(3)nak ta a si.
 

Khensa Kan Ti Mi Hi Ziang Bik A Si?

Cancer timi cu:-

Natnak phunkhat a si ih kan taksa sung ih thil um (Cell) pawl control thei loin a thang/lian/bawk vivo ih kan Thihri, Ruh tipawl le kan taksa sung ummi peng pawl a siatsuah a si. Cancer hi kan Thihri (thisen fehnak) le cell in kan sungah a karh. Cui control thei lo ih um Cell pawl cu an tum vivo tik ah kan Cell dangdang pawl an hnaihnok ter. Cui cell cu Cancer hrik ummi Cell a si ih kan Pumpi hnatuan dan, Thahri le kan taksa sung canghvaih dan pawl a siat ter theh. 

Natnak lang dan pawl:-

• Mumal lo/ danglam zet ih Taksa Thling/Vung
• Thin Lian
• Jaundice (Taksa/Mit aihre)
• Ka thawlo/ Pawng (weight) thlaniam
• Ruh mawt (tliakawl tuk)
• Bang
• Thlansuak tuk
• Anemia (Tan dat mal)
• Taksa Na

ti pawl hi a lan dan tlangpi cu an si. 

Cancer Phun Pawl:-

• Cuap Cancer
• Pumpi Cancer
• Rilpi Cancer
• Thin Cancer
• Hnawi Cancer

              Pawl hi a tambik an si. A dangdang phun 200 lai a um.

 Cancer cang tertu  ruang pawl:-

• Te sin fa (cithlah) ihsi suanawk
• Ni heng ruang ah
• Chemical leh Bal
• Kuhsi hman (kuak,khaini, sadah, etc) hman ruangah
• Zuu in ruang ah
• Tar (kum upa)
• Boruak Bal ruang ah
• Hanghnah/hangrah ei mal ruang ah
• Lehcintkhan (Exercise) lak mal le Thau ruang ah.

an si.

Kuak fawh:

Tih a nung zet mi Cuap Cancer hi Kuat fawh (kuhsi hman) ruang ah neih bik a si. Tu leh a hlan ih kuat fawp pawl 100 ah 90% hrawng hi Cuap cancer in a na. Hi natnak neitupawl hi kuak fawp mi lawng si lo in mi rak fawp mi a khu rak hiptupawl khal an tel. kan fawp tam le fawp rei po ahcun hi natnak neih nak ding dinhmun a sang sin sin a si. 

Ruahdik lo:-

• Thil hmuah hmuah hi Cancer a can ter.
• Khawn den awk men khal in cancer neih a theih.
• Pakhat le pakhat suan awk theih a si.
• Natnak a suah ter mi thil pakhat maw hnak I tam na tuah tik le a lanh dan pakhat na neih a si len Cancer na nei…

               tivek pawl hi ruahdan hman lo an si. 

Kham dan:-

• Thinghnah/hanghnah hangrah tampin ei ding
• Kan taksak ni salak ihsin kham awk ding
• Lehcinkhan tuah ringring le hahdam ten umding
• Zu le kuhsi hman lo ding
• Hmanten’ sibawi hnen ah zoh ter awk ding 

Kilkhawi/ Zohkhen awk dan:-

• Natnak a phun, a umnak hmun hlan le a dinhmun thlen dan a zir in zohkhenawk leh damter theih a si.
• Zohkhen awk dan phun khat lawng in hi natnak hi tuamhlawm asilo ih zohkhen dan phun tampi in mina tuamhlawm a si.
• Cu pawl cu: Att (Surgery) in, Eng (radiation) phunkhat hmang in, Chemotherapy, Immunotherapy, hormone therapy ti pawl an si. 

Chemotherapy timi cu Eng phunkhat hmang in Cancer hrik pawl (Tumor Cell) thah dan a si. Kan cell tha pawl khal Cancer cell pawl thawn an thi ve nan Cancer cell vek silo in an nung sal thei. 

Immunotherapy timi cu Cancer hrik pawl do let thei ding in kan taksa sung ih um mi natnak do lettu hrik pawl thazaang cahter a si.

Theihkauhnak le ruah ding tam

Theihkauhnak le ruah ding tam

- Compiled by Salai Biak Chawn

1. King Tut: Egypt siangparhang Tutankhamun (King Tut) cu Malaria natnak in a thi tiah ‘Journal of American Medical Association’ cun a ngan. Tutankhamun hi kum 19 tiang a dam ih, kum (10) sung Egypt ram a uk. A ruak cu 1977 ah archaeologist Howard Carter in a hmusuak ih, leitlun scientist tampi cun a thihnak thu thawn pehpar in zumhmang tampi an rel. A taksa (ruak) ihsin DNA sample vei (15) an lak suah hnu ah Computerised Axial Tomology (CAT) in scanning an tuah ih, Malaria natnak ruangah a thi tiah an nemhnget.

2. Malaria hrangah si thar: Kumtin milai 3,000,000 in an thihpi ringringmi Malaria cu ‘artemissin’ timi ‘chemical compound’ lawngin a damter thei ih, cucu ‘sweet wormwood’ timi thingkung kawr le a hnah ihsin tuahmi a si. Asinan wormwood thingkung hi a pitling hartuk (slow-growing) ruangah ‘si  thazet le cakzet’ ih tuahnak dingah thilri a daih aw loih, mi tampi nunnak cu runsuah thei loin an um ti a si. University of California ih scientist pakhat Jay Keasling cun bateria pawlih cell (genome) ihsin ‘artemissin’ tuah dan a hmusuak. Scientist dangdang in an zingzawi tikah zumtlakzet a si thu an hmu. Genome ihsin artemissin tuah thei vivo a si ahcun Malaria damternak dingah sumpai liamkuan theu cu 10% ihsin 25% tiang a malter thei ding ti a si.

3. Bomb hawlnak: Leitlun ah ram sung do awknak tampi a thleng ih, do awknak can a liam hnu khlah ‘leihnuai ih an phum theu mi ‘land mines’ pawl cu mit ih hmuh a theih lo ruangah mi tampi in an thihpi rero lai. Cun, landmines pawl cu ‘metal detector’ timi ‘leihnuai ih thir’ a um le um lo theihnak thawn an hawl hmuh thei ruangah tulai san ih ‘landmaines’ tam sawn cu ‘plastic’ ih tuahmi an si lala theu ih, hawl hmuh a harsazet ti a si. Asinan, Denmark ram ih Aresa company cun cuih plastic landmines pawl umnak cu olsamzet ih theihtheinak dingah ‘thingkung phunkhat ‘weed’ timi cu ‘a ci’ (seed) an vawr ih, cucun leihnuai ih bomb phummi ihsin a rak suakmi ‘nitrogen dioxide’ pawl cu hmakhat te’n a thei ti a si. Leihnuai ah bomb a um ahcun ‘weed’ thinghnah cu ‘an sen thluh’ ti a si.

4.Cancer natnak: Cancer natnak cu tulai fiamthiamnak cun ‘chemotheraphy’ (electric power thawn urnak) in damter an tum tlangpi. Cucu boruak ih thothe pakhat ‘meithal’ ih kap ding bangtukih ‘tihnung’ a si. A hnatuan a cakzet na’n vansiat pang a olzet. Asinan Germany ih University of Heidelberg ihsin Roland Elis ih hoha mi scientist pawl cun ‘bateria hrekkhat’ ihsin Cancer natnak tuahtu pawl hawlsuaktu le nat hrik khal that theitu an hmu suak. Cuih thil thar cu, lamzin lawng hmuhsuah a si ih, tangkaizet ih hmannak ding lamzin hawl vivo a si.

5.Nelrawn kharbok: Nelrawn ram ih kharbok pakhat vial in nikhat ah amai’ taksa rih zat (weight) rawl a ei thei. 5 cm (2 inches) lawng a si na’n a rualin 50 million hrawng an um khawm ih, cu pawl cun ni khat ah milai 500 ih kum khat ei khop cu an ei thluh thei.

6.Internet: Sweden ram ih Sigbritt Lothbeerg cun leitlun ih internet connection cakbik a hmang ti a si. Cuih internet cu 40 Gbps (giga-bytes-per-second) a si. Ziangvek zuknung khal second (2) sungah a download thluh thei ti a si. 1982 kum kha, leitlun ah internet hmangtu hmuahhmuah in ‘elk cloner’ timi computer virus an buaipi thok. Hihi computer virus hmaisabik a si.

7.Thlisia: Na ruat dah maw? Leitlun history ah thlipi hrang cakbik cu 1999 kum ih Oklahoma nuaitu tornado kha a si ih, nazi pakhat sungah peng 318 (miles per hour) lai a si. Cun, Oklahoma timi kha ziang so a sullam, Butlak khua tinak sokhaw!

8. iPhone mankhung: Leitlun ih iphone mankhungbik kha Peter Aloisson ih tuahmi a si ih, US$ 176,400 a man.

9.Thlalang sungih thlarau: Mi tampi cun an thei lo men thei. US scientist Thomas Edison cun a thih hlan ih a thaw thawtmi netabik (last breath) cu thlalang (test tube) sungah a ret ti a si. Edison ih rualpi Henry Ford cun Edison ih fapa Charles Edison hnenah a pai’ thaw thawtmi netabik (1931 kum ah) cu test tube sungih ret dingin a forh ih, cucu Henry Ford cun, Thomas ih thlarau tiah a rak zum. Detroit khawpi ah ret a si ih, can reipi a hlo na’n 1978 ah an hmusuak sal ih, Michigan ih museum ah an ret sal.

Na rak thei dah maw?

Na rak thei dah maw?

1950 kum ah FIFA cun World Cup (Brazil) ih lek thei dingin Asia ram ihsin ram (4) hnenah sawmnak a pe ih, Asia ram ihsin hril awknak an tuah lai ah Kawlram, Philippine le Indonesia pawl cu an tel duh lo. Ticun India cun lehpi ding nei loin World Cup lek thei in a um. Asinan India cun FIFA hnenah kedam tel lo (barefoot) ih lek dingin a dil na’n, a dilnak cu FIFA in a pom thei lo ruangah World Cup ah a tel duh sal lo.

Mourinho in Real Madrid a zohkil ding

Mourinho in Real Madrid a zohkil ding

Champion League ih nehnak cotu Inter Milan president Massimo Moratti cun kan dung May 25, 2010 ah manager Jose Mourinho cu ‘Real Madrid’ pawlih sawmnak lam ah feh a tum tiah a sim. Jose Mourinho (kum 47) hi Portugal ram suak a si hi Premier League ih a um lai khalah ‘couch’ nauhakbik a si dah. 2004 ah Porto (Portsmouth) cu a champion pi thei ih, cumi hnu khalah Chelsea hrang champion laksawng a ngah pi vivo.

Inter Milan a zohkil thok ihsin leitlun mi tampi ih thlingthlak ringring a si ih, champion lakawng a ngah sak hnu ah Real Madrid cun hahiauzet in a thlir. Real Madrid cun 2009-2010 season sungah Euro tangka 250 million hmang zo na’n ‘ziang laksawng hman a ngah suak lo ruangah ‘couch’ tha a tulzet ti a thei aw thlang.

Asinan Jose Mourinho cun ‘Real Madrid ih feh dingin zianghman timtuahnak felfaizet ka nei thei hrih lo, ka feh ding a si ahcun, club sung boruak, lektu (star) pawlih dinhmun, tuanvo neitu pawl khal ton ka duh dingih, ziangmibik ha in hainak san?’ timi khal theih ka duh ding” tiah a ti. Jose Mourinho in a sim betmi cu, “Tu ahcun Football stars pawl cu Inter Milan ah an um, Real Madrid hnenah ka sim duh cu, nan hnenah ka ra a si ahcun, Stars nan um maw? Nan um a si khalah ‘Star’ cu lektu men nan si, team nan si dingih, hotu le zirhtu (couch) nan si lo ding; cucu nan pom thei a si ahcun nan hrangah nehnak ka ra phur mai ding” tiah a ti.

Inter Milan president Massimo Moratti cun ‘Jose Mourinho’ thuhla ah zianghman relcahmi a um hrih lo ih, can malte sungah kan tawlrel ding’ tiah a ti. Moratti cun Mourinho le Inter Milan karah ziangvek thubuai hman a um lo tiah a sim bet ih, rel tul dang pawl cu ‘contract tuahnak sumpai thuhla sawn a si’ tiah a ti. – The Independent

Monroe ih hnipuan dang zuar sal ding

Monroe ih hnipuan dang zuar sal ding

US history ih hlasak thiam le zuknung lam company tiangih hmingthangzet Marilyn Monroe (1926-1962) ih hnipuan cu hmai June thla sungah lilam ih zuar thei dingin tawlrel a si.

Ahlan ih a rak hruk dahmi John F.Kennedy ih birth day lomnak (May 19, 1962) ih hla a sak laiah a hrukmi hnipuan cu 1999 kum ah US$ 1.26 million in zuar a si zo ih, tui’ tum ih zuar dingmi hi 1953 ih ‘Gentlemen Prefer Blondes’ timi film ih ‘Diamond are Girl’s best friend’ timi hla a sak lai ih a hrukmi a si. Thuneitu pawl cun ‘a hnipuan pakhat cu US$ 250,000 in lilam thok a si ding tiah an ti. -dpa

(Monroe ih thuanthu malte…)

Monroe hi June 01, 1926 ah Los Angeles khawpi sizung ah a suak ih, a suah pek ‘birth certificate’ ih a pai’ hmin ‘Martin Edward Mortensen’ timi cu a thih tiangin ‘ka pa a si lo’ ti’n a el. A nu le pai’ thuhla hi mi tampi cun an zingzawi na’n fiangfaizet ih hmuhsuah hnakin zumhmang a tam sawn.

Martin Edward Mortensen cu Norway thlah a si ih, US khalah umnak address felfaizet nei lo ti a si. 1948 ah Monroe cun ‘Columbia pictures’ timi zuknung company thawn pehtlaihnak a tuah na’n film ngaingai a tuah suak lo. Cumi hnu ah 1952 ihsin film dangdang tuahnak ah a tel thok ih, nikhat hnu nikhat a lar.

Monroe hin a san sungah pasal pathum a nei man. 1942 ah James Dougherty thawn an nei aw. James cun neta ah ‘Monroe cu zuk ka zuk duh ruangih nei men ka si tiah a ti. Monroe cun, ‘damsung ih ka rualpi tha ding le ka duhdawtzet mi’ tiah a ti ve.

Asinan James cun ‘then aw dingin in forhfial hrim’ tiah a puhmawh ta. 1954 ah Joe Dimaggio thawn an nei aw sal. Asinan kum khat khal an um tlang man lo, ni 274 lawng nupa san an hmang. 1956 ah Arthur Miller thawn an nei aw sal na’n 1961 ah an then aw lala. (ahnuaibik zuk: president J.F Kennedy ih birthday ah hla a sak lai)

Monroe cu president John F. Kennedy le a unaupa Robert F.Kennedy thawn an uar aw tiah mi tampi cun an rel. Amai’ umnak inn sung rori ah August 05, 1962 ah a thi ih, a taksa an zohfel tikah ‘Chloral Hydrate le Nembutal’ timi pawl cu ‘Over Dose’ in a rak ei ti an hmusuak. Sibawi pawl cun amah le amah a that aw ti’n an pom na’n thuthang hrekkhat cun ‘Kennedy ih sungkhat pawl asilole Russia misuak (maffia) pawlin an that a si ding tiah an zum.

Dudus hawlnak ah mi (60) an thi zo

Khahmul nei pawl an van a tha

Himi thuhla thawn pehpar in Los Angeles in palik bawi rak tuan dahtu Lionel Grandison cun, “Monroe cu amah le amah a that aw (suicide) ti dingin forhfial hrim ka si” tiah a rak ti ih, tui’ hnulam khalah Film Engines company pakhat cun Monroe ih thih dan, midangin an thahmi (murdered) a si dan pawl cu zuknung in suah an tum thu May 26, 2010 ah a sim bet.

Lionel Grandison cun ‘Monroe ih dairy pawl zoh tikah kum tampi cu mi tampi in an tibuai ringring” tiah a ti. Film hmin ah ‘Marilyn’ ti  a si ding. -dpa (asir zuk: A pasal pahnihnak Joe Maggino thawn, South Korea le North Korea an do awk lai ah South Korea ih US ralkap pawl an tlawn lai.1954 ah)

Next Page »