Kawlram Thliri Kuatmi Khuahkhirhnak Tisau Bet
July 15, 2010 by CT
Filed under Kawlram Thuthang, Thuthar
U.S. House of Representative cun Kawlram ihsin thuamhnaw le bungrua pawl a ramsung ih kuat luh sianlonak- khuahkhirhnak daan cu kumkhat sung ti sau bet dingin an nemhnget bet.
Hi khuahkhirhnak hi minung diknak a pahbal thu ah le mipi zalnennak a ram sungih a pek duh lo hleiah a ramsungih ram thu khel hruaitu pawl thawng inn ih a tanter ruangih khuahkhirnak an tuah bet mi a si.
NDF party hrilawknak ah tel ding an siang
July 10, 2010 by CT
Filed under Kawlram Thuthang, Thuthar
NLD Party sungtel pawl Kha-Mauh lukhum thawn
YANGON, Myanmar (AP) – Kawlram thuthang cun hriawknak ih commission pawl in NLD party ihsin party dang suak National Democratic Front pawl cu tuikum hrilawknak a ni fianghrih lo ih tuahtum miih tel an sian zo thu a phuang.
NDF party hin an hminsinnak symbol ih kham-mauh an hman mi ruangah NLD Party hruaitu pawl in Burma’s Union Election Commission (EC) hnenah elnak ca an kuat. NLD party hruaitu upa Nyan Win in hi an hminsinnak hmanmi cu NLD party pawl ih ta a siih 1990 kumhrilawknak ih nehnak kan ngahnak ihkan hmanmi a si, mipi thinlung a ti vavai, kan party pawl ih siannak um lo in an hmang a si tiin a sim.
Tui kum hrilawknak ah hin Party 37 pawlin hrilawknak ih tel thei dingin siannak an ngahzo ih, party 43 in hmin cazin an pe. Hi Party 37 pawl ah 1990 kum ih hrilawknak ih rak teltu Party 5 pawlkhal an tel cih ve.
Kawlram Hrang Vanzam Lei Bet Tum
June 29, 2010 by CT
Filed under Kawlram Thuthang, Thuthar
Kawlram ih mimal neihmi Vanzuang pawlpi pahnih cun khualtlawng sukso antam lai fang ih hman theih dingin vanzam leithar ding an tum thu an phuang.
Air Bgan hin Bangkok, Phuket, Siem Reap, Kuala Lumpur le Singapore ram pawl zuang dingin Vanzam A-320 a thar pahnih lei a tum ih a ramsung ih zuang dingmi hrang khalah AIR 72-500 pahnih khal lei bet a tum.
Air Bagan hi tufangah vanzuang phunruk neiin a zuang suak. Cui pawl cu ATR -72 pahnih, ATR-42s pahnih, Fokker 100s pahnih, Airbus A-310s pahnih pawl an si.
Air Mandalay khal in ATR-72s pahnih lei thar a tum bet thu a phuang ve.
Tuikum thok ihsin Kawlram ih ramdangmi khualtlawng ra vak hi zatek 39 in a kai sang zo tiin Pacific Asia Travel Association cun a tarlang.
Adanglam zetmi Sai Var Kawlram ah an kai
June 29, 2010 by CT
Filed under Kawlram Thuthang, Thuthar
2001 le 2002 ih an rak hmuh dah mi Saivar
YANGON (AFP
Adanglam zetmi Sai var Kawlram nitlak lam Rakhine pine, Maungtaw ih an kaih ngah thu Kawlram acozah thuthang New Light cun a phuang.
Hi Sai var hi a nuu a siih kum 38 tluk ih upa a si. A sanlam cu meter 2 tluk ih sang a si. Kawlram ralkap a cozah cun khawitawk hmunah a ret ding ti fiangten relnak a nei hrih lo.
Kawlram ih phungki bia pawl ih an zum dan ahcun hivek Sai var a ramsung ih a um tikah ram pi kaihruai awknak a thleng aw theu tiih an ruah thupi zetmi a si.
Aung San Suu Kyi Suah Ter Dil
June 24, 2010 by Khuang Lian Sum
Filed under Kawlram Thuthang, Thuthar
Aung San Suu Kyi Suah Ter Dil
Ram dangdang hruaitu ziangmaw zatin Aung San Suu Kyi cu lengsuak theilo ih an hrennak Inn ihsi suah zalen dingin Burma ralkap Cozah hotu pawl an nawr tharsal. Aung San Suu Kyi suah zalen dingih nawrtu pawl lakah UN Secretary General, Ban Ki-Moon, US President, Obama, leh British Prime Minister, David Cameron pawlkhal an tel.US Vanzam in Tapung Pawl A Kap
Australia Milian To Nak Vanzam A Hlo
Isreal in Thu A Suah
Afghanistan Ih US Ralbawi US Cozah in Ko Tlung
Isreal in UN Hnen Ah Dil Nak A Thlen
Suu Kyi Tei’ Unau Thubuai High Court Ah Rel Ding
June 4, 2010 by youthlife
Filed under Kawlram Thuthang, Lawrkhawm
Suu Kyi tei’ unau thubuai High Court ah rel ding
Kan dung May 23,2010 ah Kawlram thuthennak High Court cun Aung San Suu Kyi le Aung San Oo tei’ unau karih buainak thuhla thawn pehparin an lawyers tuantu pawl cu an thubuai relkhawmnak ih tel dingin theihternak thu a sim sal.
Kan dung April 29, 2010 ah High Court cun Aung San Suu Kyi ih dilnak vekin atui’ a umnak inn cu tuah that sal (renovate) a dilnak cu a pom sak ih, tuah rero a si lai ah Suu Kyi ih u Aung San Oo cun an sungkua ‘Ro’ thuhla thawn pehpar in High Court ih rel sal dingin dilnak a thlen sal.
No. 54-65, University Avenue (Avenue=lamzin) ih um Suu Kyi an hrenbetnak cu atlun khuhnak (roof) le thil dangdang an tuah that rero lai ah Aung San Oo (USA ih um) cun April 06, 2010 ah tawpter dingin High Court a dil zo na’n High Court cun an pom sak lo.
Asinan Aung San Oo cun May 13, 2010 ah dilnak ca a pe sal ti a si. Kawlram High Court cun May 28, 2010 ah hih thubuai hi relkhawmnak tuahpi a tum ih, Suu Kyi ih lawyer Nyan Win cun, “Thubuai relnak ih ka tel ahcun ahlan ih ka sim vek cekci ka rel ding” tiah a ti.
Thuthang siarbet Ding Dang
- Yangon ih bazar himbik Mingala Bazar a kang
- European Union in Kawlram ah milai thlah a duh
- Tuluk Ram Hotu Kawlram Ah Tlawng Ding
Thubuai relnak ding ni cu a fiang hrih lo na’n Kawlram dan ‘no. 39 section (1) vekin inn sang (sungkua ta) tuah tha dingin ‘long awk rero mi thilri’ cu zianghman tham ding a si lo ih, thil dang tuah thatnak cu zohman in an kham thei lo ding” timi cu Nyan Win in High Court ah a rak rel dah.
Aung San Oo hin a neh ahcun tuni tiangih an inn an tuah rero mi cu colhter a si ding tiah Nyan Win cun a sim bet. 2008 May thla ih Cyclone Nagris ruangah Suu Kyi umnak inn cu nikhat hnu nikhat a rop deuhdeuh ih, kan dung thla ihsin atlun (roof) le a kulhnak pawl tuah a si.
London ih thuthangca pakhat ‘The Independent’ timi cun 2000 kum ihsin Aung San Oo (US citizen sinak co zo) cun an innsang thilri ih a covo ding thu thawn pehpar in Kawlram High Court ah dilnak ca a ngan na’n High Court cun ziangtin hman an relsak lo ih, 2001 khalah zianghman an relpi lo’ ti’n kan dung February thla ah a ngan.
Bogyok Aung San le Daw Su (Khin Kyi) tei’ nupa cun fapa pahnih le fanu pakhat an nei: upabik ihsin Aung San Oo, Aung San Lin le Aung San Suu Kyi pawl an si. Aung San Lin cu kum (8) lawng a si lai ah tidai ah a tla.
Yangon ih bazar himbik Mingala Bazar a kang
June 4, 2010 by youthlife
Filed under Kawlram Thuthang
Yangon ih bazar himbik Mingala Bazar a kang
Kan dung May 24, 2010 ah Yangon khawpi sungih bazar himbik an timi Mingala bazar cu ‘gas’ bawm a puak pang ruangah nasazet in a kang. Meisa cu atlunbik (top) ih ‘si’ zuarnak dawr ihsin a ra suak ti a si. Si dawr cu no. 80/81 a si ih, atlunbik ihsin meisa a kang thok na’n ahnuai lam ah a alh vivo ti a si.
Yangon City Developement Committee cun kan dung February thla ah ‘Mingala bazar’ cu Yangon khawpi sungih bazar dang hmuahhmuah hnakin ‘a him sawn’ ih, meisa le fifir lak ahcun ‘a himbik’ tiah an rak sim dah. Asinan ‘Firemen’ pawl cun an zohfiang tikah ‘Mingala bazar ih an retmi, meisa toihnak ding tidai cu ‘a mal tuk’ ti a si.
Hitivek ih tidai samnak ruangah Firemen pawl cun ‘Kan-daw-gyi’ ih tidai an thiar a tul ih, nazi (10) hnakih rei an buaipi hnu ah mi (20) hrawngin hliamhma an tuar ti a si. Zinglam nazi 8:30 ihsin tidai an toih thok nan zanlam nazi 9:30 khalah meisa cu a zate’n an that thei hrih lo. Asinan zan nazi 11 hrawngah ruah a sur ih cucun ‘hnatuantu pawl’ a bawm ngaingai tiah mit ih a hmutu pawl cun an sim.
Firemen pawl cun ‘inn sawng (4) nak tiang kainak ding lilawn an nei lo ruangah meisa cu a tikcu ah an kham thei lo ti a si. Meisa a suah peknak ‘Si dawr’ neitu Aung Khin cun, dawr thilri a neihmi cu US$ 100,000 man a kim ding tiah a ti. Mingala Bazar ahhin hnipuan, ei ding nepnawi tete le inn sungih thilri hman (furniture, cuttlery tivek) tampi an zuar.
European Union in Kawlram ah milai thlah a duh
June 4, 2010 by youthlife
Filed under Kawlram Thuthang
European Union in Kawlram ah milai thlah a duh
Kan dung May 19-20 ih European Union hotu pawl thu relcat vekin June thla sungah European Union (EU) cun Kawlram ih tlawng dingin milai thlah an duh tiah Spain ram Madrid khawpi thuthangca Deutsche Presse Agnetur cun a ngan. EU aiawh ih thuphuangtu Jose Eugenio Salarich cun 2002 ihsin EU cun Kawlram tlawn a tum salnak a si tiah a ti.
Jose Eugenio cun EU aiawhtu cun Kawlram bawi pawl lawng si loin Aung San Suu Kyi le party dangdang hotu pawl khal ton an duh thu a sim ih, kan dungih US aiawhtu Kurt Campbell ih khualtlawnnak khal ‘biak awknak tuah dingih tangdorhnak a si’ tiah a ti.
Kawlram cun EU le USA cu danglamzet in a zoh thei nan, sumpai lam ih hrenbetnak tuah sak ringring cu EU ih ruahnak a si ringring lo ding tiah Jose cun a sim bet. Asinan USA cun (Assistant Secretary of State) Kurt Campbell in Kawlram a tlawnnak ihsin ‘Kawlram dinhmun an hmuhsuahmi cu ‘riahsiatza ngaingai’ ti’n a hmu. Ahleice-in EU cun Kawlram ralkap acozah in ‘hril awknak’ hoha a tum dan cu ‘democracy lamzin’ dikzet a si lo ih, hmailam can ah ‘ram sung mipi hrang tihphan um a si thei ding’ tiah ruahnak a nei.
EU aiawh ih Kawlram tlawng dahtu Piero Fassino cun Kawlram acozah hnenah vei tampi ‘luh (tlawn)’ sal a dil nan Kawlram cun ziang thu hman an theihter lo. EU cun Thailand le Kawlram ramri ih refugee pawl hrang ‘si le vai’ phunkim a pek ruangah ‘Kawlram cun EU parliament cu a dodal khal a si thei ih, hmailam can ah EU cun Kawlram a biak theinak dingah refugee pawl hrang bomnak a tuah rero mi cu ‘a tawpter’ pang ahcun harsatnak kan tong thei tiah Thailand le Kawlram ramri ih UN agency pawl cun an sim. Himi thuhla khal EU cun nasazet in a ruat ih, kan dung May 20, 2010 ah bomnak phunkim thawn refugee pawl zohkil dingin thu a relcat sal.
EU in Spain ram Madrid khawpi ih meeting an neih rero lai ah Czech Republic ram deputy foreign minister Jiri Sitler (Ahlan ih Kawlram ih ambassador) cu Kawlram a tlawng lut thei ih, acozah hotu pawl le NLD hotu pawl a tong na’n Aung San Suu Kyi cu ton an rak siang lo.