Kawlram : Mipi Ruahdan Tarlannak Website Thar Tuah

Myanmarnewshub | Febuary 4

Kawlram mipi (ramsung um siseh ramleng um siseh) in Kawlram acozah ih lai-lakhrilawknak a tawlrel mi ah zalenzet in an ruandan an tarlan theinak dingah Myanmar Affair hoahatu Oo Win Myo Tu in website thar www. myanmaraffairs.com cu January 18 ah an tuah thu thutahnglatu pawl hnenah a sim.

Oo Win Myo Tu cun hi an website thar an tuahmi ih mipi ruahdan an tarlanmi cu Kawlram party dangdang pawl hnenah siseh parliament thuneitu pawl hnenah khal a pesawng leh asi ding thu khal a rel bet.

Hi website thar ah parliament thusuak, Kawlram president thu relmi pawl le minung zuarnak( Human Trafficking) thu pawl kimcang zet in an tar lang ding thu khal a rel tel bet. Website cu a din vivo theinak dingah sungtel pawl hnenah member fee khawn a si ding thu, hi website ih thuthar an tarlammi pawl cu kimcang zet ih Kawlram party dangdang pawl in an thei duh a si ah cun an hneih zuar a si ding thu, website cawngianak ding ah sumpai khal bawmnak sungtel pawl hnenah khawn asi ding thu le website hrangih sumpai an hawl rero lai thu pawl khal a rel bet.

CDMA 800 Internet Dil(Sioh) Siangsal

Myanmarnewshub, Popular Myanmar News Journal | Febuary 4

CDMA 800 MHZ Phawn pawl Internet dil(Sioh) sal a theih thu kawlram Pehtlaihnak (Set-Tuai-Zi) lam ttuanvo neitu pakhat in a sim.

January ni 3 ni ihsin an siang thawkmi a si. Yangon, Mandalay, Naypitaw khawpi pathum ah dil(sioh) theih a si. Ziangzat ti cu bikhiah a um hrih lo, pektheih dinhmun tiang cu pek ding a si ti’n a sim bet. Hivekih Internet dil(sioh) a theih salnak cu a vawithumnak a si ih pek dingzat reet khal danglamnak um lo a hlan vekin 30000 Kyat a si ding ti’n Pehtlaihnak (Set-Tuai-Zi) lamih sin theih a si.

Famkim Siarbet

Tawng-gi Ih Lohmun Acre 700 Lenglo Kawlram Ralkap In Hminsinnak Lungphun

Myanmarnewshub | Febuary 4

Shan State, Tawng-gitowship ihum Pin-ngui khua le Hu-pung khua ih kuthnatuan pawl ih lo an neihmi ihsin acre 700 lenglo cu Kawlram acozah ralkap pawl in cozah tasinak(hminsinak) lungphun, thantar le ralkap himsinnak lungphun pawl an phun thu thuthangca In a tarlang.

Kawlram acozah ralkap thuneitu pawl cun Shan State, Tawng-gi township ihum Pin-ngu le Hu-pu khua kiangkap ih lo hmun pawl ah acozah hminsinnak thantar siseh lung phun siseh phun in hminsinnak cu January 6 ah an tuah ciamco ih loneitu pawl cun acozah in an lo hmun pawl cu a lawnsak an phang thu khal a tarlang.

Famkim Siarbet

Kawlram :Dip Thawn Hnawmhlawn Daan April Ni 1 In Hmanthawk Ding

Myanmarnewshub, Popular News | Febuary 3

Venghnen Ram pawlih an hmanmi hnawmpawl a ciar le a ro pawl thliar dang thei hnawmhlawn daan cu April ni 1 ihsin hman thawk ding a si thu (Si-Pin) lam le Thianfainak lamih Bawi Upa pakhat in a sim.

Hnawnhlawnnak dingih an tuahmi hnawnbawm dip si lo a dang hnawmbawmih hnawm hlawn a si le Darkhing(Khawng-lawng) tum hnawmhlawntu pawlin an laksak lo ding ti a si. Cuvekih an tuahnak cu thliardang cia ih hnawmhlawn ding a si hleiah awlai tei Palastic pawl hmansal a si theinak dingih tuahmi a si. Mipi tampi in hivek daan an hman asile khawpisung tinkimih a suakmi hnawm rimsia pawl a hlo ttheh thei ding a si tin a sim bet.

Famkim Siarbet

Kawlram : Metro Lamzin Tuahnak Ding Hrang Ram Dang In Bawmnak Pe Ding

Myanmarnewshub | Febuary 2

Kawlram sungah tlunlam le hnuailam tlangleng lamzin tuah asi theinak dingin ram dang pawl cun Kawlram acozahin tlangleng lamzin cu B.O.T (Built Own Transfer) an hman asiahcun bawmnak an pek tum thu thuthangca in a tarlang.

Kawlram acozah thuneitu pakhat cun, “ Kawlram ah hivek ih tlangleng lamzin in tuahsak cu ram  dang pawl cun an duh. Kan nih cun tuah an duh asi ahcun a cem tiang in tuahsak thluh kan duh. Cule, kan nih cun sumpai khal kan cem thei zik lo. Kan ram dinhmun in a zir lo tuk.” tiah a rel.

Famkim Siarbet

Kawlram : Online Ihsin Electiric Bill Man Khawn A Si Ding

Myanmarynewshub | Febuary 2

Kawlram sungah electric hmanman(bill) cu kum 2012 ihsin online ih khawn asi thlang ding thu electric department (2) wingi(mangki) Oo Kin Mg So in a rel.

Hivek in online ih electric bill khawmnak cu Yangon, Mandalay le Naypyidaw ah March thla ihsin hman tan a si ding thu a rel bet. “ Kawlram acozah in e-government(email hmangtu cozah) dan a hman asi ngaingai theinak ding in kan tuah tum mi a si. Inntin fehin meter zoh hnu peisa khawn tivek kan ti a tul nawn lo ding. Online ihsin a man kan thei dingih a pek lam khal online ih pek a si theinak dingin kan tawlrel rero zo.” tiah Oo Kun Mg So cun a rel tel bet.

Famkim Siarbet

Suu Kyi : Ma-guai Ah Mipi Vehvainak Nei

VOA, Myanmarnewshub |Febuary 2

NLD hruaitu ropi Awng San Suu Kyu cun Jenuary 31, tlawngkainikhat ah ramdang in Kawlram cu bawmnak  aphunphun an pek tikah mipi thawn tanrualnak tha an neih theinak ding hrang mipi idea an neihmi pawl theih thei nak ding hrangah Ma-guai Division, Myein township ah mipi vehvainak a nei a si.

Suu Kyi cun a umnak hmun Yangon ihsin vanzam thawn Ngiau-Oo Myo ah thlengih cu’i hmun ihsin Myein township ah feh leh in mipi vehvainak a nei. Myein township ihsin Pi-pin-teih khua ah feh leh in British in bawmnak hrangih an rak tuahsakmi dum siseh tipamnak pawl khal zohfelnak a nei cih a si.

Famkim Siarbet

TEFF Ruaipi Hrang Haikhawl Ah Mandat Sak Thok Zo

CT media group | 1 February 2012

Haikhawl : A vei 12 nak, The Truth Evangelical Falam Fellowship (TEFF) Ruaipi cu Haikhawl khua ah, Ni 6-12.Feb’ 2012 sung neih ding a si ih, cuimi hrangih khawmnak ding, Haikhawl bualrawn ah Mandat sak rero lai a si. Hi Mandat hi a dung Feet 200 le a vang 100 ih kau in, a thleng tu ding khawsung um pawl cun 23 Jan 2012 ihsin timamnak an neiih, 3 Feb 2012 ah sak theh an tum tiin thuthang kan dawng.

Himi hrang ahhin khawsung le khawleng ihsin a thei thei hnatlan ih thawh a siih, a tuan suak theilo, peaw thei pawl ruangah, sun tisa/lakphak hmeh khal hlunghlai zet ih neih theu a si. Nitin hi a tlangpi thu in minung 50 hrawng in hi Mandat hrang ah an tuan theu. Khualkhua ih um, sumdawng le khualtlawng hrekkhat pawl khal himi hmang thei dingin, mai khua le ram cio pan in an tlung.

Hi Ruaipi ahhin Pathian sunglawi bik a siih, a ngaitu pawl thlarau lamih hlawknak le thansohnak an hmuh theinak dingah tiin, rawl uul thlacam ih Bethel nak thawn, khawsung um le khualkhua khalah nasa zet in Pathian an dil a si. Hi Ruaipi hrang ahhin Antam hmun tiang tuahin, sumpai hawlnak neih a si. Hi Ruaipi hi ziang pawl, ziang kohhran ta ti a um lo, a duh le zawh theithei hrang a si. Kohhran tin sawm a si ih, hlatlannak khalah kohhran tin ihsin an poksuak.

Hlasak thiam le Pathian thuthang tha simtu ding pawl khalin, Pathian hnenah nasa zet in an aapaw a si. Evan le Singer ziangzat an si ding ti hi theih a thei hrih lo. Hi Ruaipi thangphawknak hrang tiin, NI 30 Jan – 5 Feb 2012 sung, Presbyterian Biak inn, Haikhawlah Crusade Evan. Van Lal Muan le Evan Mang Siah Luai le Singer Martha pawl in an tuah a si.

Hi Ruaipi hrang ahhin Pathian hrangah tiih thilpek tling khawm tlangpi, tuini tiangih kan theih thei mi pawl cu:

1. Fangfai – Dip 80
2. Vok – 35
3. Caw – 3
4. Sia – 1
5. Arti – Pum 500
6. Elan (Satpia) – Dip 1
7. Ci – Dip 1

Cun Ramleng ihsin tuini tiang ngahmi hi Ks. 2031000.00. Ngah lai dingmi pawl le tul dang pawl report kim in, Ruaipi tiak ah theihter ding a si.

KNU In 64th Anniversary Lawmnak Nei

BBC | Febuary 1

KNU cun January 31, tlawngkainihnih ah Kawlram acozah lakih an helnak kum 64^th a kimnak Anniversary an hmang ih Kachin hel KNU (Kachin National Union) pawl cawimawinak parthi thawn mipi in an rak hmuak ih ropi zet in puai an tuah a si.

KNU president, Buhmugi Saw Ta Ma La Baw cun Kawlram acozah thawn remnak an tuahmi thuah cun Kawlram acozah in ram remthatnak hrangih a tul ruangih a tuahmi a si ih a sinan a tak ih remawknak an neih ngaingai thei hrih lo thu a rel.

KNU cun Kawlram acozah thawn January 12 ah kapaw nawn lo ding in remnak an tuah zo nan January 14 ah kahawk-nak tenau an lak ih a suah leh thu khal a rel bet. KNU cun remnak diktak an duh ngaingai ruangah Kawlram acozah ralkap hrangih ei le in peknak dingioh an hman theumi lamzin cu an ramsung a sinan KNU cun zalen zet ih ei le in siseh ralthuam siseh Kawlram acozah in ralkap pawl an pek cu a siansak a si.

Cuhleiah KNU cun Kawlram acozah thawn remnak tuah in ramsung buainak pawl remfel ding in a kut a phar a siah cun an nih cun lungawi tak ih an pawm ding thu khal KNU president cun a rel tel bet.

‘Football Premier League Team’ Langsar Pawl Kawlram Ah Lek Ding

Myanmarynewshub | January 31

‘Football Premier League Team’ pawl lak ih kan theihlar zetmi Manchester United, Liverpool le Chelsea pawl lak ihsin a malbikah pakhat tal cu Kawlram sungah ‘friendship’ hrangih bawhlung sit ding in Kawlram bawhlung thuneitu lam cun an sawm thu thuangca in a tarlang.

Hi team 3 lak ihsin khawimi bik in Kawlram ah ‘friendly match’ nei ding in a feh ding ti cu theih cian a si hrihlo nan 1 tal cu an feh tengteng ding thu thuthangca in a tarlang bet.

“ Hi team ropi le langsar zet lak ihsin Manchester United cu an rat a zumumlo bik nan kan biakawk rero lai. Tu’i kum sungah pakhat tal an rat thei kan beisei. A sawmnak lamah cun sumpai a um ruangah harsatnak cu a um lemlo. Asinan a buaithlak mi sawn cu an leknak ding bualrawn hi a si. Kawlram sung ih kan lekawknak bualrawn pawl cu an nih hrangah cun a milaw lo lawlaw ding. Nan Naypyidaw bualrawn ah cun a cang theimen ding ka zum. Kawlram bawhlungsit ngainatu pawl hrang thin tur dutdo ko in kan tuah ding.” tiah Naypyidaw ih Kawlram bawhlung team pakhat neitu Oo Phu Ko Ko Tin San in a rel.

“ MNL ( Myanmar National League) cun Kawlram ah 1nak ihsin 3 tiang ih langban pawl lawng an lek a sing ding.  Malaysia cun ni kum lamah cun Liverpool le Chelsea team pahnih lawng hi a rak sawm. Kan nih khal hi team pahnih ih pakhat sawnsawn an si ka zum.” tiah a rel bet.

“Bawuhlung lekawknak ah thenhran-awknak aum lo. Kan sawm a si ah cun an ra tuk ko ding. An nihvek ih team langsar pawl khal in an himnak, an umdan ding le an vahsuahnak ding pawl a remcang ding a si ahcun premier league season a cem ve ten an mah sponsor pe theitu ramsung ah an feh ve theu ko. Kan nih Kawlram khal in kan sponsor a si ah cun an ra tuk ding. Hivek ih an rat theinak ding hrangah nikum ihsin kan rak tawlrel in timlamnak kan rak nei rero zo.” tiah a rel tel bet.

Kawlram sung rori ih leitlun langsar team 2 ( Liverpool le Chelsea) an feh ngaingai  asi ah cun Kawlram mipi bawhlungsit ngainatu le ngaisangtu pawl hrangah cun an lungawi in an phur zet dingih history khal ah hivek team ropi in Kawlram an feh veikhatnak a si thu a ngan lang tengteng ding a si.

Mr. Tomas Quintana Kawlram Ah Thleng Leh Zo

Myanmarnewshub, BBC | January 31

Kawlram hrangih a bik in UN palai hna tuan rerotu Tomas Quintana cu tu’ini, January 31, tlawngkainihnih ah Kawlram ah ni 6 sung cambang ding in a thleng leh sal zo a si.

Quintana cun hi a khualtlawnnak ah Kawlram in Human Rights thuhlaah thansohnak le hmasawnnak a neih dan pawl kimcang le fiang sawn ih thei ding in zingzawinak a nei ding ih UN (United Nations) thuneitu pawl hnenah hi a zingzawinak ih a hmuhsuahmi pawl a sim  thei leh ding ruanga a thupi zet a si.

Famkim Siarbet

Kawlram Ralkap In Minu Kaihmi Suah Duh Lo

BBC | January 31

Kawlram le Tuluk ramri, Shan State ih Muh-puan Township nu pakhat cu Kawlram ralkap in kum 2010, October thla ihsin an kaitar zo ih tu’ini tiang an suah hrihlo ruangah sungkhat leicin le cun Myanmar Human Rights Council hnenah thubuai theh lut ding in an timlam rero a si.

Kachin State, Muh-puan Township ihum Kachin insangnu, Daw Suan Hluat Te Jia cu Kawlram ralkap khah-mah-yah(321)in ni reipi sung an kaitar ih ralkap pawl cun an hnipuan sawptu ahsiseh  eirawngbawlsaktu le hlawhlang vek ih an um ter thu thuthangca in atarlang.

Thutheitu cun Daw Suan Hlut Te Jia lawngsiloin Pa-awk(ong) minu 3 khal a rual in an kaih thule amah vek ih hnatuanter a si thu arel. Kawlram cozah cun hi thubuai an thehlut dingmi cu ziangtivek in a rak ngahven ding ti cu theih theih a si lo nan, ralkap thuneihnak hi a cem ngaingai hrihlo ruangah diknak ih rorel a si a zumum lo thu khal a rel bet.

Next Page »