Lairawn Tahan ih Kuva Dawr Pawl Kum 19 Lenglo Kim Thlang
December 18, 2011 by youthlife
Filed under Kalaymyo Thuthang, Thuthar Dang
The Chin Times USA ih suahmi Zarhtin thuthang Cover zuk hi Mai Puipui a si. US ah fimthiamnak zirih um rero lai a si. The Chin Times hi hmun dangdang US sungah thehdar vivo lai a si. Ramsung le ramleng thuthang kimzetin a fun tel ringring fawn a si. Tui issue hi December thla hrang a si.
Tahan Kuhva Dawr Pawl Kum 19 Kim Zo
Tahan ah kuhva zuarih dawr ong an tamzet. Bazar kiangkap hrawng le veng tinah kuhva dawr hmuh ding nasa ih kuhva dawr ongtu pawl hi a tlangpi thu in nunau an si. Khawng thei deuh dawr pawl cun innsang nasazetin an cawm thei phah. Tahan Bazar sak ih um Darlimya kuhva dawr hi Tahan kuhva dawr lakah cun rel hlawhbik pawl a si ding.
A neitu hi Pu Engmawia leh Pi Lallianmawii te an si. Hi kuhva dawr hi kum 19 sung zuar a si zo ih harsatnak dangdang khal an tong ve theu.
Cuvek har satnak lak ahcun hna dangih cer san mai lo in an ong vivo ih ni khatah kuhva cuai 2 leh hrek-cuai 3 hrawng an khawng thei thu an sim. Christmas boruak ahcun ni khatah ks.40,000-50,000 lai tla an hmu theu ti a si. Kuhva pa 4 ah Ks.100/ ih zuar a si tlang pi thlang tiah tualsung um pawlin an sim.
The Chin Times
Lairawn Ihsi A Suak Mi Bawkbawn Mawi Danglam Pahnih
December 14, 2011 by youthlife
Filed under Kalaymyo Thuthang, Lawrkhawm
Haikhawl ih Bawkbawn- Photo: Salai Nightman
Tahan Lairawn ih kan CT palai cu Haikhawl ah feh in bawkbawn inches 2 tlukih sau danglamzet a hmu ih hivekih bawkbawn sau le danglam hi Lairawn ah kan hmu khat nasa ih ramsung ramleng ih um pawl hrangah pholang ve hrimhrim sehla ka duh a ti ih mikip ih hmuh theih dingah kan run tarlang.
Culawng siloin Tauphila ih Rev. Dr. CJ Hrang Hmung tei khalin bawkbawn danglam le duhnungzet pakhat an nei thotho. Lairawn ih a suak mi thlaihnah thlairah pawl hin danglamnak an nei ve ih hivek hin Lairawn loram le hmun thatzia an lang ter.
Tauphila | Rev. Dr. CJ Hrang Hmung tei bawkbawn : Photo: Nightman