CaPoH

#Thikthu se pa

Pa pakhat thikthu se tuk khal kha an nu in nau pawhte a fawh lai kha, ‘ khatlam tham ter a tul sawm, na awl lo dg a rak ti vel.

#My name is also Khan

Shah Rukh Khan-ih film cannak- My Name is Khan tih film kha a hit nasa ih, Amir Khan khalin My Name is Also Khan tih film a can ve tum thu C.T. palai hnenah a sim.

#Doctor le Zu tama

Zu tama: “Doctor, ka kut hi a khur nasa tuk o, ziang ti tih dg ha si ke?

Doctor: ” Na zu in nasa tuk ruangah a lo tibuai si lo ke maw?

Zu tama :si lo, ka ti bung nasa thei tuk hin in tibuai sawn”

#Nupi upa

“Mai fapa nupi vun ru ve cu tiin a fapa room cu a vun awng cuh, ” Ai!! U Lian nang mah lam lam maw si.

#Mi farah tuk

Fifir -1 hin Inn-1ah thil fir dingin a lutih, Inn sung le Khan sung pawl cu tangka ruk ding a um le um lo hawlin thil cu a hai ciam co, cabu kar lak vek khal a kau thluh. Cu mi laifangah cun inn tekpa cun ihkhun parih it phahin, “Pate, hawl rero duh hlah, mitu ah kei tla ka hawl rero zovih ka hmu lovih curuangah si hi ka zau huah hi men , hmu sehla cun zu in dingin ka feh hlo zo ding” a rak ti. Fifir pa cun “Nan farah tuk aw” tiin an inn suah phahin a phun suat so.

#Dingih it that

Tleirawl-1 tla hi khual a tlawng ih, a thlennak tei nupa um tlang cu zanah phar awngin a bih, cu laifangah an pa cu zun thawh dingin a ra suak dukdi ih, a rak ralring man fawn si lovih, an phar hngoh san phahin a hngok aw ter ciam co.

#Tlangval tlawmngai

Tlangval pakhat khal hi a tlawmngai tukih,a fala len miin “mangtha aw” an tih khal le , “E! si lo e, kei chu a tul lo pi,a poi lo” a ti theu.

#Nauhak pakhat tla hi a rinum tukih:-

Tlawng saya, “Homework ti lo pawl ding auh,” a tiih an ding hai. Nauhak pakhat cu kawi nawnin a rak ding

Tlawngsaya:- “Kha nang kha, ziangna cang, na va ding kawi ve?”

Nauhak:- “Sayapa, a hrek lawng ka tiih, cunah,” tiin a rak sang.

#Mr. Polite

A ti polite aw tukih, sacramrent an run zem khallen a hmai leh a dungih to pawl a lak cem ringring.

#Nauhak Bal

Nauhak pakhat khal hi a nuin a bual khat tukih, a bal tuk lawmam ih, a taksa fai nak tham dingin cu a mit mu purh a tul!

#Tlangval Hmelsia

Tlangval pakhat khal kha a hmelse tukih, vawikhat cu Market-ah a feh, mi pawl cun cu pa cu “Tur Zuar” (Poison Seller) a si ke a, an rak ti hluah hlo.

#Pitar Huatsuak

Pitar pakhat tla kha Sande Sikul-ah a huat suak thei tukih, Beginner-ah an thrawn thla deih.

#Sacek

Sacek ii a cak tuk lawm mamih Caw dinglai taw a va fawp.

#Caw Hnawi

Zuri pakhat tla kha an hmuansak te’i caw hnawi a thuptei hung sawr a tumih, a pa kha a nu hmang tiin a zahmawh a hung pawk ngah, caw cun a rak khit ciam co.

#Bawkvak

Pa pakhat hin a fapa zuri ringring cu hitin a rak kawk ciamco” Na rung piangih kan lungawi zet.Na bawkvak theiih kan lungawi sin sin. Asinan na rung tlangvalih bawkvak-ih Inn na rung tlung hi cu kan lungawi lo khawp mai” tiin.

#Translator

Zu tama pakhat khal kha “Dont drink and drive’ tih mi kha Motor mawn laiah Zu in hlah, a bung pang ding, a uih um tiin a rak let deih.

- James Biakte

Capoh

By- James Biakte

# Fala pakhat thau zet hi pasal a nei zik i, a mo kawr hruh ding pho mi cu an inhnen te in “thosilen cu na sawm tel ding mi maw si an ti!

# Doctor pakhat hin damlo  pakhat a check up i, “Thei rah tampi ei aw. Theirah khalah a hawng lam ei hi a hrisel, tampi pin ei theu aw a tih laiah cun dam lo cu arak mangbang tuk. “Ka pu, ka theirah duh bik mi cu coconut(Ungti) a si ih a hawng cu ei a va har awm ve a ti!

# Nuthlawi leh pathlawi, fa tampi nei zo veve an nei aw ih, fa an nei bet sal.

An Nu:  “Pasal, na fa le ka fa an kawm aw ih, kan fate an kawm ve duh lo tiin a phun theu!

# Tlangval pakhat tla hi Churachanpur khaw kiangih  khua pakhat- ‘Lamka’ hi a rak thei sual ve i, “Churachanpur kiangih khaw pakhat kha Sri Lamka maw si kha ? a ti vel.

# Pa pakhat tla hi a fimkhur tukih a, ca pawimawh a xerox tla hin a xerox copy cu spelling mistake a um leh um loh a check ring ring.

# ‘Nam hnakin Ball pen in thil a ti thei sawn tih thufim hi a dik le dik loh cu ka thei lo a sinan Nam sau hnakin Ball pen-ih ca ngan mi cu a fiang in siar a nuam sawn ka zum

Maths Thiam lo

A: Ka rual 4+5= hi ziang zat ha??

B: Tlawng ka kai sang lovih Maths lam ka thiam lo, in sut tam lo men aw.

A: Asile Zu lang -4 leh lang -5 kawm ziangzat?

B: (Rang zetin) lang-9 mawle.

A lang zawng cun thei tak a si.

Tlangval pakhat khal hi a ti thiangfai aw tuk ih, a vawih khal le a kut a khawlh theu.

Nauhak pakhat tla kha an exam ah a thiam lo tukih a kiangih to pa a kheuh nakah a kawr hmuah a tlek thluh.

Capoh

Caan na neih lai ah a tlun ih ca khi thaten siar awla, na tawn ve lo nak dingah ralring aw. Na hnihsuak tuk hman ah dimten hni aw…

——————————————————————————————————

Khawte pakhat ah biakinn khat rorin an khaw maw. An tet aw ngaingai; an thlan hri for rero. Culailakah voih thu tuk an thawh ngah pang. An zoh aw celcel. Zo sipei tiah an sut aw celcel. A thupten chairman hnenah an va sim. Charman pa a dingih “Zangfahnak ten mitu ih voih thawhtu kha laksawng kan pek duh ruangah laksawng ra la dingah kan sawm” tiah a ko.

Ruahlopin, laksawng ngah ding tete tiah pitar pakhat a ding vukvi mai. Cui pitar cun laksawng ngah ding tiah a lungawi zet si pei cu “Kei pitar voih, artidah nam vek men te hman in sunlawihsak ih ka lungawi tuk aw….hmailam can ahcun hihnak ih thuu deuh le ring deuh ih voih ka rak zuam ding ho khaw” a ti.

———————————————————————————–

An bawhlungsit caan a cem zikte. Fulltime an sit zo ih minit pakhat lawng a tang thlang. An manhlap tuk, an ttang tuk ruangah bawhlung khal hnaihnok an tiih a lengah suah ding in referee an sim thei.

 

 

 

Capoh

• Pitar pakhat tla hi a theihnak a tha vak nawn lo vih, a kiangih arpa  khuang kha ‘ A!!, cuih arpa cu a haham vuangvo si maw a ti.

Tlawng saya: Banhla hi mirang tongin ziang saw?
Tlawng ta: Banana
Tlawng saya: A sihle tumbu?
Tlawng ta: Banabu.

• Mawia khal kha Circus show a ti thiam aw ter tuk ih, “Tu ah kut tellovin Cycle ka run mawng ding ,” ” Tu ah ke pahnih tellovin”, a tlu ih , a ha pahnih a bal, ” tu ah ha pahnih tellovin ka run mawng leh ding..”

• Sunday Sikul Zirhtu: ” Jesuh kaitute kha zote ha?”
Nauhak: ( A U zoh phahin, ” Ka U theih loh hnakin cu (Assam Rifle)  ti men ke.

• Liante tla kha ni khat cu a kut pahnih in a el dawm phahin zun a rak thawh, a inhnenpa cun” U Lian, ziangah saw kha ti vekih zun na thawh a hei ti ih, Liante cun,” Doctor in rit chawi aw hlah” in ti i a ti.

• Tlawngta nauhak pawl hnenah minung chi (race) hi ziang a si tiah an sayamah nu in a sut. Leitlun minung chi dang dang pawl cu : “Mi ngo, Mi dum, mirang, Mizo, Burma, Phung, Ramhuai, Cartoon, Lasi, Batman, Spiderman, Misual, Rukru, Setan leh a dang tla” tiin a sang

• Mautam ruangih ttam tuar pawl hrangah  kan Chief Minister in  foreign fangfai tha pawl  CONDOLEEZA RICE(U.S. Secretary of State, 2005-09) cun a pe suak ding !!! Cun, Coffe tha chi KOFI ANNAN (Secretary-General U.N 1997 – 2006) khal.. a pe tel ding.

• Patum pi Davida in a sai  thluk mi kha zo ha kha? A hmin cu ……..Go………… a si ih, Nauhak : Govinda !!!

Tlawng saya: Liana Arpi hi mirang tawngin ziangha? ‘

Liana: Hen

Tlawngsaya : A sih le Arte?

Liana: Chicken’,

Tlawngsaya: a sih le Caw pi

Liana: ‘Cow’..,

Tlawng saya: a sih le caw fate

Liana: ‘Cowken’ !

• Leitlun a ning tukih , ihkhun hnuaiah a relh mai.
• Nauhak: Ka Pa mipa hnakin nunau ziangah ah ha an zun thawh awn a rin sawn?
  Pa: Mipa hnakin  an  Silencer an neih tawi sawn ruangah fam teh.

Fala Bible tlawngkai ra tlung khal kha mirang tong a thiam aw ter tukih..
Fala: Nu… a fanghum pawl hi ka delete thluh kem?
Nu: Ok. A  Zaten delete thluh aw..

By – James Biakte

Pu Zawn Luai A tap NGAINGAI

Falam khuasung um dah pawl cun Dawrhlun vengih Pu Zawn Luai cu kan thei thluh ko ding ka zum. Veikhat lai ah..Pu Zawn Luai cu mithi hmun, khuahar inn ah a feh ve. Mithi ih taantakmi pawl canghnap thawn an trap rero.

Culaklai ah Pu Zawn khal a tap ve. Mi in ziangah na trap ve tiah an sut ih, ” Ka ke zung ih hma mi nih in pal ih, a na tuk ruangah pan teh” tin a sawn hngai.

Ramsung Falam khua ih mail chatting awknak ih thuhla kan dawn daan ah; Pu Zawn Luai cu Cinmual tlanglam ah lamleng ih a feh hnu ah, Vankau tlang ah a so ih Aw na pi suah in a tap ciamco”, ziangah na trap tin an sut tikah… thangthar nonawn, mifim milian zate zikzik in Falam khua cu ek taan ih in taan ruangah ka lungleng le tuar a har ka ti ruangah, tutum cu thungai… KA TAP NGAINGAI’ asi tiah a sawn hngai tiah thuthang kan dawng.

Capoh

Capoh

James Biakte
New Delhi

• Tlangval pakhat cu zuri tukin a ra tin ih a pa in “ziangah zu na in ringring” a ti. A fapa cun “It’s my life” ati. A pa thinheng sosang cun “It’s my house” a tiih a hnawh suak.

• Airhostess pawl khi ngaisan tuk ding an si lo, tehkhinnak ah tui inn lak Bus pawl tla khi zam thei bangsehla conducter pawl khi Airhosetress vek an si mai ding.

• Pa pakhat cu a mit kaai tuk ih a ID mark-ahcun ” Left eye on the right eye” tin a ngan ih bet ah a ID dangah “Mole on the whole body” tin a ngan aw bet.

• Fala pakhat cu chane (caan remcang) a neih lai ah a vawih; a ningzak tukih a tlangvalpa in a dawi ciamco. A tlangvalpa cun “Hey Tharte rak ding aw, nang le kei hi puut tiin in then hlahseh” a ti.

• Pakhat pa hramlakah sa a bawh ve ih ziangsa khal an ra suak lo, a thinheng tuk “hmmmm nan punctual lo e mai” a tiih a tlun san.

• A pa hnenah an fapa nau tabik cun thu a sim. “Ka pa kan sayamah cu maw, Pathian mizet a si, i thusuhmi ka sim piang in ‘My God!’ ati ringring a ti.

• Rawlhmeh an neilo lawlaw, curuangah hmaisabikah rawl tum pipi in an barih cule neita ah te tak tete in an bar sal.

• Pa pakhat cu thilring/ (music) ring a ngai duhlo tukih a fapa in zingkhat cu tape ring tukin a rak phawn ih a thinheng tuk cun “Hey! Vibrate in ngai aw a ti.

• Sumpai a ren theituk, phone card hrimhrim a ren tuk, veikhat cu ruahlopin an inn a kang ih inn lengah a suak lohli ih fire department office a hei miscall.

• Pa pakhat thikthusia nei tuk cun an fapa pawhte hremmi cun a nu ih pawhte kehlam a tham sak ih athik.

• Fala le tlangval pakhat cu thlanmuan ah an khimi aw theu ih an khimi aw na deuh a si ding an theh ah falanu taw ah “Kan duhdawt zetmi kan pa kum 70” ti thlam a um.

Capoh!

Sui Khaini

Thuthangtha simtu pakhatin thu a zir. Vanram nuamah cun rilrawn tihal khal a um nawn lo ding, rawl-ei khal a tul nawn lo a ti. Fala nute pakhatcun kei ih hrangah cun vanram cu a nuam zik lo, kei cu rawl-ei khawh vete ih khaini hmawm si nuam ka ti bik a ti, Syapa in a theithiam ih vanram nuam ahcun suikhai ni vancungmipawl in  an zem ding a ti.

Ngate Kaih Tum Ding

Rualvah hnihte duhdawtaw zet an um. Zu an in tlang ringring a rual pakhat cu ziangtik lai khalah tangka a nei thei lo a rualpa beidawng cun ka rual nang hi ziangtik hmanah tangka neih ti na nei dahlo nazan mangah tal ngate kaih tum ve aw zanmangih ngate kaih hi tangka ngah nak ho khaw a ti. A rual pa cun tuizan cu ka rak tum ve si kei cu a ti.

Thangte le Thluaite

Thangte            : Ka lo ngai, thihnak lo cun in then hlahseh!

Thluaite            : Thihnak khal cun in then hlahseh.

Ka Celh Nawn Lo

Khua pakhat ah daanthianghlim in an nei aw. Kum 2 an neihawk hnuah an nu cu, a pai lei hnenah a tlung. Ziangah na tlung an ti ih ka celh nawn lo a ti. An pa in a ra hruai sal nan a hruai thei nawn lo ruangah lal inn ah an thu a thlen. Lalpa in ziangruangah na tlung tiin nunau nu cu a sut. Nunau nu cun ka celh bak lo a ti.

Lalpa cun mipa pa cu a hei sut leh. Ziangtinsaw nan nu cu na ti ih a ti. Ziangti hman in ti hlah a ti.Ka celh nawn lo a ti si a ti. Nunau nui hnen ah nanpa in ziang ti hman in ka ti lo, a lo ti si an ti, nunau nu in si ee tu kum 2 sunga ah zan khat te hman in pawm lo cu ruangah a celh in ka celh bak lo a ti.

Kum 15 Sung thawngtla ding

Thawngtlapawl             : Kumziat sung thawng inn ah na um ding?

Thawngtlapa                  : Kum (15) sung pan teh.

Thawngtlapawl             : Eih! Ziangah cu lawmmam, Ziangsualnak na tuah?

Thawngtlapa                  : Ngate ka kai ih male.

Thawngtlapawl             : Ngate kaih ruang ih cuzat sung thawng tlak cu?

Thawngtlapa                  : Silo, Bomb thawn nga ka hawl ih cunah male.

Thawngtlapawl             : Bomb thawn nga hawl ruangah a pawi tuk sawm?

Thawngtlapa                   : Zianglo male, ti sung ah bomb ka puah ih ka rualpa tisung ihsin a hung phuan luanglo ih cunah si, thawng ah in thlak.

Capoh!

Thlarau Nun Cau

pakhat pa a thlarau nun a cau thei tuk ih thlarau cahnak dingah rawlulin thla a cam, a ril a rawngtuk ih a nupi in lakphakti te ka lo tuah kei na in thei kei maw? Ziangah cuvek in sut hnuaihni zamrang in tuah lohli aw la, ka in kei cu kathlarau nun hmuah na ti cau thluh a ti.

Hitin Tuar Hrih Ko Seh

Evan pakhat Pathian ih mi hman deuh mai cu nupi hmeltha deuh mai a nei, a nu pi lam cu an lian deuh ih an tul nak ziantgkimah an sawmdawl thei. A nu le an hnenah a um ve an nu in a nu a hmu thei lo rawl ei pi ding hman a duh lo a nu cu harsatnak phunkim thawn a khat a fapa in le a run ngam lo, a tawpah Even pa cu thla a cam. Bawipa na sunlawinak ding a si ah cun ka nu cu hi ti in tuar hrih ko seh a ti.

Tetti Kan Tul Lo Pawl

Pakhat pa a piang tharih tetti a khan a sualnak hmuah a phuang, kei cu ka sual tuk kan zawhte tibur fah tu khal kei mah, ka nu le pai ti hangih uite busul ( uite me) rak thlaktu khal kei mah a ti . Karkhat hnu ah a tlu se leh sal, a thla leh ah Evan dang an khuaah an ra sal ih a piang thar sal la la, a rualpi pawl in teti khan leh aw an ti cupa cun Tuitumih ka pianthar cu tetti khan tul lo pawlin si ka pianthar a ti.

Mirang Vate Si Duh

Lairawn khua pakhatah tlangval pa thingai cawleng thawn a phurih in a thlen vete a rilrawnag lu tuk ih an coka ah alut hngal thilbel a ongih zianghman a um lo a thinheng lu tuk cun mirang fate si ka caktuk aw a ti , a pa ih a rak theih ih na ning a zak lo maw? Nang mah lawng maw mirang fate si duh na nu le kei khal mirang fate si kan cak tuk ve ho khaw a ti.

An Va Aa Ve

Lai mi pakhat Delhi ah UN dilin a um vaipawl hi an va aa lawmam ve aw an ram rori ih UN dilnak um ih a dilnak cang khal an thiam lo laimi in ramdang kan feh khelh thluh ding a si hi a ti.

Tuu le Beram

Tahan kiang te laikhua pakhatah Evan pa in thu a sim putar pakhat in a rak ngai ve. Putar  pa cun saya pa thu ka lo suh thei kei maw? A ti sut thei ee ziang thu maw? Mi tui na sim mi Tuu na ti mi le beram kha an bangaw maw a ti ka pu an bangaw ho khaw a ti, putar pa in cu ti a si ah cun ka fiangfai ngah a ti.

Thawngtlak Tlai Deuh

Pakhat pa a sualnak ruangah thawng kum 6 an thlak, thu a ruat rero ih Aw!! Tui hlan kumruk 6 ah thawng rak tla zo sehla cu tu ah cun ka suak zo ding nan si khaw aw a ti.

Fapa tlanhlo thu (Capoh)

Fapa tlanhlo thu (Capoh)

By: Hniangsinpa

Fapa cun a pai’ hnenah, “Ka pa ka ro covo I pe aw” tiah a ti. A pa cun, “Na ninghman zak lo, keimah hman ka ro duhzat ka khawl hrih lo. Cu hleiah, nangmah tiang hman hi ka ro na si hi” a rak ti. Cuticun, fapa tlan hlo cu ram hla pi ah a tlan hlo ih, cui a umnak ram ahcun tram (famine) nasa zet in a tlak, pa pakhat le phei cun, paikawng phur li (4) lai a rak sar man.

Famkim Siarbet

Capoh!

Thukam 10

Pa Lawm          : Thu ka lo sut ding, thukam (10) ah thukam paziat a um?

Pa Lian              : Ai ai ai, zumtu na si lo maw? Thukam (10) ahcun thukam (12) a um.

Pa Lawm          : Aw! Ka ruah aicun a mal lam si maw. 

Rawlhmeh Nei lo

Nauhak pawlin “ka pa ka pa, rawlhmeh zianghman kan nei dah lo” an ti rero. A pa thinheng cun “ei men uh rawl ei sung caan a rei cuang lo pam”, a ti.

Kha thuu

Pakhatpa a kaa thu tuk, tisawp a sem ih ra-thur ah a cang rori thei. 

Thlemnak

“Bawipai tuizan ih ka tawnmi thlemnak na thei, zangfahten ka ihkhunih fala hi rawn la kiang aw, na lak kianglo a si le…..huiha 

UN Dil

Nu Muan          : Ziangtikah UN na rak ngah?

Nu Kai             : A rei zo sisi ee.

Nu Muan          : Ai! tulai minopawl ih an sim mi na thei lo maw?

Nu Kai             : Ziang an ti saw?

Nu Muan          : UN dil cu fala try vek rori try nawn rero a tul an ti. 

Nupi nei le si ei

“Ka rual, ruat hlah aw, ei aw, ruat hlah aw, nei aw.

Na thei lo maw?

Sii ei zikih na ruahawk le na ei sal lo ding. Cuvekin nupi neih ding khalah ruat hlah.

Ruat hlah aw, nei aw… na nei laklak ding so khaw! 

Mawtaw kiang ah

Aiha, kei rori, ka mang cu asi lo maw. A va mak ve aw!

Kei rori mawtaw kiang ih ding thei tete.

Khawpi fa rori ka si thlang ual. 

Yes Boss?

Boss zangfahten, thaisun appointment ka nei ruangah hnatuan ka ra thei lo ding. In rak theithiam aw maw. Thaisun vial maw. In sianglo asile, hnatuantu hmuahhmuah hnenah “kan boss in keimah vial ka hlawh in pun” ka ti ding. 

Fill up in capital

India pa pakhat cu an khua ih Bank pakhat ihsin Delhi ah zamrangten a feh.

Ziang ah?

Form a zoh tikah “fill up in capital” tin a um.

=======Haa….haaaa…….haaa=================

Capoh!

 Khah Ready!

Khawte pakhat ah camera-man pakhat a um. A duhaw tak bet lai. Ni khat cu mithi hmun ah an ko. Mi thi zuk dingah an fial. Mi thi zianghman caang theilo cu “Kha Ready” a ti hnu ah a zuk pan lo maw ee!

Birth Day Siloin Operation Day

“Mirang pawl cun suahni campha cu Birth Day an ti. Asinan Mawite nang cu na suak lo ka lo hringlo. Operation in ka lo nei. Cunah suahni lawm ding na nei ve lo. Operation ih lo neih na si ruangah Birth Day siloin Operation Day kan ti ding maw…

February Thla A Tha

Pastor pakhat cun Febuary thla a tha tuk…nupinu rual um khawm pawl ih an mi rel theih ka ning tuk asinan February thla cu ni (3) in a mal ruangah mi relcaan an nei mal ih February thla a tha a si a ti.

Tibur A Tha

Pitar ha-beuh cun tibur a thattuk thu a sim rero. A kiang ih nupinu pakhat in ziang lawmman ah ha a that a ti…aw! Ha hrang a tha hlei ce a ti…nangmah le na ha beuh/bal ih a that thu na rel fawn si aw!?

Mikeu fate

Mikeu fate a zam thei hmaisabik nak a si. Inn a ra tin. A pa in na zam thiam hmaisabik a si ih nuam na ti maw a rak ti? Aw nuam tuk minung pawl in za in rak beng sak rero a ti.

Lover Nei Ding

Ni khat nini ahcun nunau pakhat khatin a lo hnam ding ih a lo pawm rero ding. A lo duhtuk ding…zo a si ding na zum…na fa nu te ding pan teh ee.

Ka Sit Pet Pang Ding

Fala thenkhat pawl cun bawipa ka tlangvalpai thinlung ka theihthiamthei nak dingah fimnak le thiamnak in pe aw cule, tuartheinak duhdawtnak a phunphun in pe aw asinan cahnak thazang cu in pe aw hlah, ka sit pet pang ding an ti…

Cukcu Ruangah Lian

Mi harsa tak pitar pakhat cu a sungkhat Denmark ih um pawl hnen ah kuber kan timi kha (Hmawmte kha “Khaini” vek fun telti te) a hei kuat pan lo maw…vansiat le vanthat ah cukcu a fun tel ngah pang. An rak phorh ih Denmark palik pawlin cukcu mak an ti tuk ih paisa tampin an lei ih a lian phah rori.

Sorry

Veikhat cu… rualvah pahnih Pa Fik le Van Sum ram an tawi… suncaw an ei laiah… Pa Fik in Van Sum ih suncaw fun a pal sak ngah pang ih..Van Sum in  “Pa Fik, Ziangah ka suncaw fun in pal sak?” ti’n thinheng phah in a hro. Cutik ah Pa Fik in “Aw… sorry, Ek ah ka neih ih…” ti’n a let. Cun Van Sum  in…“Um men aw… Ek a si khal le ziangah na pal?” ti’n a kawk. Pa Fik cun daiziar te’n… “Aw! a si lo ah ka neih ih…” cu hmuah. by… Angelay

Thlacam

Baibal tlawngta pakhat cu Mirang tong in a Principal in ahlu hrang thla cam a fial… a thiamsun mi cu Khawmthoknak lawng a si ruangah ahlu hrangah khawmthoknak thla a cam… J.Joker

Ha Ha

Mikhual neih na duh lo le zingtin nazi 4:00 ah thlacam pi ringring aw, Mulukolh thufim

Capoh

Nikhua Zoh Hmen

An pa tuar har tuk! Hnatuan paih lemloin innlak a lennak in a rat tlung. An nu cun upat le ttih takin Innsangpa lakphak maw ka lo tuahsak ding maw, tidai tin a duhmi tuah ngahlo phan ah a sut. An pa cun “nikhua zohhmen” a ti. An nu cu innleng ah a va suak ih nikhua a zoh.

Ruahsur tum vek, ni sa tum vek pi khin a um. Kan pa ziangmibik tuahsak ding timi a khawruah har tuk lawmlam. A duhmi a tuah ngahlo pang le sam tuai lo le nikhat sung phunnawi ding a si mai. Huiha! Ziantin a um thlang ding an nu cu eh? Ni a sat deuh ruangah a tihal dingih cunah tidai ka pe hmai ding a ti.

Tidai a pe, “tuvek khawdur caan ih tidai mi in ter tum cu” a rak ti. Lakphak thaw tak a tuahsak sal, a va pe ih “tuvek nisa ih lakphak mi in ter tum teh” a rak ti lala. Huiha, a va harve. Um daan ding a thiam nawnlo. Tidai le lakphak a va pek lawlaw. Milian bang ih ziangah laphak le tidai in rak pek lala a ti. Uico pa a ti ding ka zum.

Vanram Ah Mi Ka Kuat

Ruahlopin Evengilist thlarau hlo kai theutupa le vanzam/vanzuang mawngtupa lakphak dawr ah an tawng aw. Hmu aw dahlo ti cu thu an sup aw.

Evan                       : Ziangtin ka lo ko ding?

Vanzam-mawngtu          : Kham Kham  tin in ko tlangpi, cutin I ko ve aw.

Evan                             : Ok, Kham Kham…mawi tak ual na hmin cu!

Evan                       : Ziangmi na tuan?

Vanzam-mawngtu           : Neh! In zoh aw in theithiam lo maw, ka thuamhnaw hrukmi hi, vanzam mawngtu pan teh. Vanzam/vanzuang teh na thei maw? Vanzuang/vanzam mawngtu ka si ih mi thawngtel ram pakhat in ram pakhat ah ka kuat rero si ko a ti. Ngaisan duhtak in a mit a sin bet.

Evan                        : Aw si ngai. Ka rak thei ve ko.

Vanzam-mawngtu            : Nangteh ziang na tuan?

Evan                        : Kei cu Vanram ah mi ka kuat a ti.

Line Cut…

A nu thawn webcamp in an zoh aw. A nu in a fanu hnen ah “Mawite, ka hmelvek” rorin in hmu thei maw a ti? “Hmu e hmu e” A nu in “Mawite ziangah phone in biak dahlo?” a ti. “Ai, ka lo biak theu ko si, a caan le line cut theu ih cunah ka lo biak theilo so khaw”.

“Line cut ti cu cut lo ding in paisa tampi khawlcia awla”. Aiha! Ka nu line cut ti cu phone a tlak theu tinak sokhaw. Paisa ih lei theih si hlah khaw, an simfiang aw nasa. “Ai Mawite, na nu ka aa tuk ka lo ti theu kha maw.

Cuvek ka thei lo ho khaw” a ti. Cuvek line cut tivek cu a va makve! Tu cu inbiak le na umnak le kan umnak a hla aw tuk fawn napin au aw a ti ih hlei ah Evi le Adam san lai ahcun an mah pahnih lawng siih line cut timi le line busy tivek a um lo tuk ding tin a phun phah bet ta.

« Previous Page — Next Page »