Kirsaal thlang ko aw maw Duhmi

Kirsaal thlang ko aw maw Duhmi

Nang ngai in t’ah
Hnemtu nei lo
Ar bang ka vai
Lungleeng zuuntuar
A har ka ti, a naa ka ti
Maw Duhmi………

Lengdang na caai
ti thawng ka thei
ka zum thei lo
a si ngai maw ti ruat in
ni le thla  in liam pi rero…

Na hngilh zo maw
Ka tiam t’hu pawl
Na rinum nak teh
Khoi so na hloh ter
Na duhdawtnak teh
Na laak kirsal men ding maw?

In hngilh men ding ti cu
Ka zum thei lo….
In bummi asi ding ti khal
Ka pom thei lo…..
I tansan ngaingai ding tla
Ka ruat thei lo….

Ra kirsal aw maw duhmi
Ngaithiam dingin timcia in ka um ko
Kirsal thlang ko aw
maw Duhmi
Rin um te in ka lo hngak lai ko.

Faizawngpar(Bk)

I Hngak Hrih Aw

“I Hngak Hrih Aw”

Fapa tlanhlo ansim bang len,
Suahsan takin kekal hram ka thawk.
Zohkir nawnlawn, Cinmual liamhnu,
Thlengve ta maw, katum ramnuam.

Hnamdang lakih tlanlen nakah,
Kawhnak ka dawng, “Falam nu” ti’n,
Khawcuan tum in, sangkaa ka ong,
Ka hmuh ban tawk, ka hmai ih inn.

Thinpit cingten, thutin ka ruat,
Kangai ruahro, Falam zilthli thiang.
Mikip sim mi, ka hnathlaam ah,
Falam a rop, an ti len maw.

Sumding ziangdang neilo hman ning,
I pom ko ding, ruahsannak thawn,
Kirsal ko ning, na thlakung ah.
“I hngak hrih aw”, ka nu “Falam”.

By- Mai Dai Dim

“I Sut Awla, Kalo Let Ding”

“I Sut awla……Ka Lo Let Ding”

Na hrangah thupit nak ka nei maw?
ti in i sut  awla,

Kumkhua ka hrangih thupi bik ah ka ruah mi cu
“Nang hi nasi”
Ka hrang na thupi tuk
ti in ka lo let ding…

Ni nikhat ah teh in tansan sal peimaw?
ti in i sut  awla cu,

Ziangtik hman ah lo tansan thei ding ka silo ti hi “keimah le keimah
ka thei aw” ti’n ka lo let ding….

Sile Zianghmuah in na man?
Ziang tin ka lo lei thei ding?
Ti’n i sut  bang awla

Ziangdang hmanin lei ka theih lo.
“Na duhdawt nak,Rinumnak le
Nangmah lawng in i lei thei ding” ti’n ka lo let ding…

Cuti si le In Duh ngaingai ti nak si maw?
Ti in i sut awla cu,

“Aw! Asi
Ka lo Duh ngaingai.
ka duhbik mi cu nangmah hi na si ” tiin ka lo let ding.

:By- Faizawngpar(Bk)

Ka Lo Ngai Tuk

Ka lo ngai tuk

In ngai ve maw?…In thei lai maw?
Veikhat lai ih na kiang nai ih umtu
Salai kei cun…na anka thlum le
Kan lennak mualrawn khal
Ka ngai duahdo…ka hlam ruangmang

Zan ka it tik caan ka zanmang ah
A caam ringring na hnih awn pawl
A thlum zet mi na anka le
Duhnung zet mi na mithmai thawn
Pan siamsi ten in zoh leh aw
Duhdawt zet mi (…) ka lo ngai tuk.

Ruah a rung sur

Ruahpi a sur tu sun caan ah
Tak zet in a sur ka thinlung sungah
Ka ruahsannak leilung hmuah a khuhbal thluh
Mal te te in a tla mi vur pawl ka cuan

February 20 ni ah ka mit hmuh in
A sur ciamco cui van rial ruah
Ruahsan zet in ka hngakhlap mi ka duhmi te
A thleng ko nan I run thei lo cui tik cu ah

I phatsan maw ziang ti awk ?ha hi ni caan ah
Ka ruahsannak sung a thleng lo ding ti thei cing in
Ka rak duh tuk hi ni tiang in
Duh taktak lo in lenglam anka men in maw
Duhthu in sim a va poi tak ve

Ka ko rero ziang in siar lo
Ruah cu a sur a tak deuhdeuh
Ka ruahsannak hmuah a fen hlo thluh hi ni ah cun
A si nan a ra lai ding ni thar cuan in
Ka hngak ringring.

Salai Luaite.

 

Biazai 3 Pawl

Lungawinak Mitthli

I Sim Ko Aw I Hmaisong Duh Hlah

“I sim ko aw I hmaisong duh aw hlah”

Zo na si ih zo ka si
A thupi bikah na ret pang maw?
Kan sinak dinhmuh teh
A dangaw tuk na ti pang maw?

Ka nauhak tuk ti maw?
Ka Upa tuk ti hi teh
Thupi bik ah ret in,ka bei a dong
Ka thu ruat ahar na ti maw?

Ka ning a zak,ka sim ngam lo
Ka lo hmaisong,ka phuang ngam lo
Ka tha atthia,ka suupaw hrih ko ding tiin maw
Kum na liampi rero hrih ding?

Kei nang duhtu le uartu
Kei nang ngai tu le.ruat ringring tu
Kei nang ruah nak thei duh tu
Kei na duhnak lungkimpi tu ding ka si ko..

I sim ko aw na lungthin ummi
I simfiang ko aw na lungsung ih ruah nak
I sim ding ni hngakhlap zettu kei
Suupaw ttentti ringring tu nang..

I sim ko aw I duhdawt maw?
Rak phuang ko aw na thinlung ummi
Hngakhlap zettu le thei duh zettu kei
I sim ko aw…maw duhmi
I hmaisong duh awhlah..

By:  Sungsung(masung)

Ttih a nung Online Ankaa

Ka sunloih zetmi duhdawtnak
Nang cun…a hleifuan ih na retmi
Na kedam tluk hman ah na zoh lo

In duh lo a va si hman ah
Ziang ruangah ruahsannak in rak pek
A hmun lo mi sunmang pawl
Ziang ruangah I rak man ter

Ziang ruangah dan men in
Duhnak thu I rak sim
Tu caan ah zoh hnik aw
Ka thinlung sungih ka ret mi
Hrihrual ttha zet khal a rop thluh zo

Hey!…
Na sual tuk…na depde ti mi ttongkam
Tu caan ah khuinah na ret
Ziang ruangah…ziangbik ha ka sualnak cuang..

 

Salai Frankly Luai.

 

Ka Lo Duh

Ka Lo Duh

Ka thaw a sa, ka hmai a sen

Ka thlanhri an put
Umdan thiam ding a har
Ka thawthawt na ranter sun kha!

Muvanlai bang thla nei in ka zuang, ka zam
Mero tlunah
Ka tlang, ka leng Vanih Thlapa le Si-ar rual lakah
Ka thintur na ranter sun kha!

Sersiammi phunkim an mawi hleice
Danglamnak zianghman an nei cuanglo na’n
Mithmai pan sersi te’n le awka nem te thawn
“Ka neihmi duhdawtnak le rinumnak hmuah na ta” in ti sun kha

Ka hna a ngam, ka thin a nuam
Thawthawt man nei ko i tuahtu Nang
Ka thitha, ka ruh, ka thlik in tlin tawk te’n le
Ka hmailam lo hlan phah thawn
Kei KA Lo DUH ve chin huval Salai.

Mai Zilthli Lal Nei Thluai

Biazai: Ka Lo Hngilh Zo

Bye…..Bye

Biazai: Na Feh Ni Ah

“Na Feh Ni Ah”

Biangcung luaithli lungthin kekkuai,
Lungsung a khawk na aw thlamte,
Dimten i simdahmi na aanka neem,
Ka hruum ka ai, hnemtu nei lawn!
Tuarthiam ahar, na feh ni ah.

Ka zum theilo velhleithiampa na si ding cu!
Ka ruhthlik tiang i ciah nehtu na aan kaa,
Tthenlo dingih i hlan mi tiamthu,
Ka ruat kirsal na feh ni ah!

“Khuaitizuu a kha a can tik le,
Meihol rong a raang cang in,
Tidai sauluan ih a luan caan cu,
Na valpa kei ih ka lo hngilh ni”
Na ti mi aanbia,
Ka ngai ngamlo, na feh ni ah.

A thlum kelten a thlum, midang hrangah,
Ka hrang dolh theihlo mi khuaitizuu!
Mawhthluk ngam hlah ing ee, a cui khuaitizuu cu!
Ka kaa sawn ah “Tursia” a rak manaw.

Mitmu lang theiloin mitthli a khat ka mit ah,
Hmu thiam nawn hlang meihol rong dum.
Rau duadi’n ka hmuh ngah mi thilte,
Meihol rong a raang ee, na feh ni ah!

Kan len ttheunak kan tualrawn in,
Thlir in ka cuan, hmuhmi neilo.
Thinlung molhmaang pi’n ka zoh ngahmi,
Kan titleer in tidai a liam,
Ka din nak in zohhliah ing khaw,
Sauluan in maw a liam kan tidai cu!

Velhleithiampa na silo ee,
A zoh daan sawn ka rak thiamlo maw ti’n…..
Ka theifiang ngah, Na Feh Ni Ah!!

By-  Dai Dim

Chin Miphun In Pathian Nung Kan Nei

By: Levi Sap Nei Thang

Chin Miphun an hmuhsuam khal len,
Chin Miphun cun rinsan umzet kan si.
Chin Miphun in nautat khal len,
Chin Miphun cun a ngaithiam.
Chin State athangso lo a ro caar khal len,
Chin Miphung kan thinglung a thangso .
Chin ram ah kat-ta-ya lamzin um lo khal len,
Chin Miphun pawl leitlun ram tinkim ah kan thleng.
Chin ram sungah phunsang tlawng (University & College) a um lo khal len,
Chin Miphun pawl caa kan thiam thotho, mifim, mithiam asuak sinsin.
Chin ram sungah zianghman a suak lo khal len,
Chin Miphun pawl rampi huap le mi bawmtu kan si.
Chin Miphun le Chin ram mi kip in an taanta khal len,
Chin Miphun le Chin ram taanta dahlotu Pathian Kan nei.

Biazai Unau : J.Ting Hlei Thang

Runinn Hlumtu

J.Ting Hlei Thang

Mawinak par an tlan, thansohnak par an hawl
Lennak rah an ei, zalennakpar an fem,
Runinn a tthing, thinghnah an ttil, thlithiang a reh,
Cirhti a kang, hramhring an ro, leilung an khing
Ka Nui Runinn hlum hrih ko ning…

Leitlun ramnuam, hmunnuam kipah, tipi kan in IT sungah
Tlangleng ve in Santhar kutkaih kai cio hai e…
Mangman lo le ruahban lo in thansohnak le zalen nak sung
Tthanglian ve hai e…
Hmanseh kei cu thansohnak le zalennak ih tlansanmi bang
Ka Nui Runinn hlum hrih ko ning…

Tthansoh theih lo, bengvar theih lo Runin um ti’n
Irhsik ttawng le ngainepnak awkam pawl tawng ttheu in,
Runinn um ruang, ngaihsaktu le tlawntu tthitha nei lo hmang ning,
Rinumnak par, mikip hmuhih a parsuak hlan,
Ka nui Runinn hlum hrih ko ning…

Aw! Chin land

J.Ting Hlei Thang

Farah retheih, zawnzaih ruangah Phatsantu,
hnawngtu nei hmanla, Kei cu na fa Chinmi ka si
Ka lo zahpi lo “Aw!…Chin land”

Na duhdawtnak hnawiti hngilhin ,Chinmi ka si lo titu le
Chin tawng khal thiam nawn lo tu pawl hi
Run ngaithiam hramaw “Aw!…Chin land”

An tthansoh theinak ding hrangih
Na thlanhri le na hnawiti pawl, an theihthiam thei nak ding
Lungfimnak thlithiang
Runsuah law “Aw!…Chin land”

Facebook sungta lakmi a si.

« Previous Page — Next Page »