Casiar Zuamawknak Tuah Ding

10686666_787049704685649_7959572250682938892_nHmingte Kianghrol

Chin calai thansoh vivo theinak ding hmuitin in casiar lam ih Chin mipi kan pitlin vivo theinak ding ah, USA ih Chin calai seherhtu unauza le Klirlungz tangkhawm in 2014 December 12-13 ah IPCM General Assembly meeting room, Tahan, ah “Casiar Zuamawknak” (Reading Competition) tuah tum a si thu theih a si.

Zohfeltu cu Klirlungz an si ding ih, zuamawtu ding pawl ih siar ding mi khal anmah in an timtuah ding. Himi zuamawknak ahhin kum le thiamtlinnak then hran lo in a tel duhtu hmuahhmuah tel theih a si. 2014 December 12 ah thletfimnak neih ding a si ih, himi ni ahcun Bible sungih ta impromtu (mai dirh ngah mi bungcang) siar ding a si. Cumi ni ih a thiambik panga (top 5) cu 2014 December 13 ah mipi hmai ah zuamawk ding a si.

Final kaitu top 5 cun biazai (poetry), thutluang (prose), thuanthucawn (drama), le pipu tongfim ti’n calai phunhran pali an siar ding. Thletfimnak cu December 12, 11:00 a.m. ah tuah a si ding ih, final cu December 13, 11:00 a.m. ah tuah a si ding.

Laksawng cu pakhatnak – trophy le 100,000 kyats, pahnihnak – trophy le 70,000 kyats, pathumnak – trophy le 50,000 kyats an si ding ih, palinak le panganak ngahtu cu kyats 10,000 veve pek an si ding. Hmin peknak ding cu Klirlungz sungtelpawl hnenah a si ding ih, November thla cem tiang hmin pek theih a si.

Zohfel dan ding ahcun awphawi, aw felfainak, punctuation mark tivek le ram dangdang ih casiar zuamawknak an zohfel dan in zohfel a si ding. Final ahhin calai ngainatu hmuahhmuah ra suakkhawm ding in sawm an si thu Klirlungz hnen ihsin theih a si.

Hmin peknak theinak:

Siang Lian Uk Kianghrol (Tel: 0931379479), Papu Luai (Tel: 09256126419), Jesse (Tel: 09254023558), S. Kei Uk (Tel: 09250380536), Lawm Sang (SalaiMai, Tel: 0933205846), Biak Cin (Tel: 0947088253), Pek Tluang (Tel: 0933236903), Kim Khai (Tel: 09400457744), B. Ngur (Tel: 09256618104), Joete (0973230044), Mang No Zik (Tel: 09400457715), Peter (Tel: 09400541925), Biak Luai (Tel: 09402708572), H. Thang Thang (Tel: 0933384114).

Comments

comments

One Comment

  1. A ttha tuk, mipi casiar thei hmuahhmuah in suah tum uh si, mi an thiam tuk ding tin to men hlah.
    Kumtin zuamawknak tuah vivo tlak a si. Ca siartu
    ropi kan suah phah ding ih, cumi in ca ngantu
    ropi, ttongtu ropi le miphun pitling a hring ding.

Comments

%d bloggers like this: