Capoh Lawrkhawm

Capoh lawrkhawm

By Hniangsinpa

Theih lo a suallo.

 Laipa pakhat khal hi American ah meting a va kai ve ih, sun caw ei cu ah an cawl. Ram dangdang ihsin fehkhawm an si ruangah, sabuathu (waiter) cun, zah thiam zet in Laipa cu a eiin ding vun suh phah in, “Sir, are you vegetarian or non-vegetarian?”, a vun tiih, Laiap cun, ziangkim ei theh thei a si thu hun sim a duh ih, cunah “Anytarian a ti”.

 Fatu hlothlau

 Pa pakhat ruai fatu khapanawl.jpgl khan sa mallai a rak thup ih, hmun dangih a feh sungah miin an rak thup sak bet. A ra kir cun, a hmu nawn si lo ih, “Hi tawk ih ka sa zianglo kha, zo ha maw rak ziang lo tu? Duh ahcun mah ten zianglo mai ding si. Mi zianglo cia rak zianglo fekfek a tul sawm? A rak thuh saktu lawngin a theithiam.

 

Pathian thu thei lo 

An rualza in Pathian thu an rel khawm ih, anih rel ding ziang rak thei lo ta fam cun, “Kei cu, Pathian thu ka theilo tuk lawmmam ih, kan Pitar (Peter)  ih thingpar kai lawng ka thei” tiin a rak ti. 

Pa raltha

 Pa pakhat khal hi a ral a tha tuk ih, ziang tik lai khalah a thi ngam ringring. Thuphan a per khallen, thih a ngam, mi a bum khallen thih a ngam, fala a len khallen thih a ngam.

 Ruk ding thei lo

 Tlangval pakhat rukru khal kha, pitar pakhat in ah rukruk a tum ih, ruk ding a thei lo tuk kha, Pitar itthat lai kha thang ta hrat in, a banih a rubber khih cu a laksak ih, in a thlen hnu ah, ziinan ah a ciah puam men.

 On mi neih lo ruangah

 Tlangval pakhat phun  5 hman ong khal kha fala lennak ah rel ca thiamawk a duh fawn ih, cunah, “M.A ka rak phi lo kha cu a pawi si a” a vun tiih, fala cun, “Ziangtik ah ha maw phunhra (Matric) na rak on?” a rak tiih, sawn har a ti fualfo deuh a si ding, “a ..a… cumi cu ka rak on lo ruangah fam teh ka peh thei lo” a tiih, fala nu cun biak peh vivo a tum nawn lo nasa.

 Fala nei thei lo

Tlangval pakhat fala nei thei lo zet khal kha, a rualpi pawl in, “Ziangah ha maw fala hi na neih thei lo aw?” tiah an sut ih, cupa cun hni phah zuakzo khin, “A… ziang dang si hlah khaw, fala ka hmuh len, an ek thawh lai awm ding khi ka mitthlam ih, ka hnih a suak ciamco thei si lawm” tiin a rak sawn.

 Ka lo hring ding 

Tlangval pakhat tongkam thiam lo zet khal kha, fala a leng ih, fala hnen ahcun, “Ka lo duh i ti lo pang ahcun, ka thataw dingih, zan ah ka thla thawn ka lo hring ding” a ti. Inn ih a tlun hnu ah, cui fala cu cakuat tha in a thei aw ih, “Ih …uh…cuti vek lam si lo in” tiin a thu a thawk.

 Sim hlah maw 

Tlangval: Ka lo duh, I duh maw?

Fala: Um hrih aw, a rem hrih lo si hrih she.

Tlangval: Asile, zo hman sim citcet hlah maw.

 Kan lawm lo 

Tlangval pakhat zuu cing le bawkvak phah ih tlung kha, a pa in a kawk ih, “Na rung suak ih, kan lo lawm zet, na vun vak thei kan lo lawm sinsin, hmansehla na hung tlangval tahrat ih, na zuu ri na hun vak tlung hi cu, kan lawm lo sokhaw” a ti.

 Zahpi ruangah 

Tlangval pakhat hmelse zet khal kha, mileng room ah a rak it ih, in leng pakhat rung cun, cui tlangval tohkham sau ih rak it cu zoh phah in, “Kha a ziang na so?” a run tiih, a U nu cun a nau hmelsia cu zahpi phah in, “Zo dang sihlah, khualkhua ih kan sungkhat a si kha” tiah a rak sawn.

 Tong thei Thangte

 Saya: 1969 hi ziangha a pawimawh nak?

Thangte: Mahtama Gandhi a suak.

Saya: A lungawi um e, asile 1972 hi?

Thangte: Gandhi kha kum thum a kim.

 Tangka pek ding nei lo

 Tio feh ding mawtaw ahkhan a rak to ve ih, tangka pek ding a nei fawn si lo ih, tangka diltu a rat tinten, tonak a rak kian bum theu.

(Visited 35 times, 1 visits today)

Comments

comments

2 Comments

  1. Ha…ha…..

    A tam tuk nan a zaten siar nuam tuk.

    Pakhat hman kan lo in k siar ve…..a nuam tuk.
    Keimah te ka hni si ko…

    Hniangsinpa na thiam tuk maw.

    Pakhat pa a voih suak tukih napin thawh a tumih a vun sang cu sungdawk ek a thawhsuak pang timi tla na ngan tel lo ve…Hi…

  2. hniangsinpa cing cing na ti tha thei na sa.
    hniangsinpa cing cing na ti tha thei na sa.

Comments

%d bloggers like this: