Capoh…Hnihsuak!

Negro pawlin Korean film an cang tum ih Ai Ai Ai, an dum tukih an cang khawsuak thei lo.

Potifar ih nupi khan “Joseph in ihpi aw” a tiih Joshep cun “Ka ihhmu lo”a rak ti.

Ngamhuai aw tir tuk. Thlanmual ah zan lai patum ah a feh. Laptop a kengih muthla film a va zoh hrim ciamco. Mitkharh dum tak a bun bet.

Thangte le Mawite an uarawk daan tla a over tuk deuh. “Thangte le Mawite kan duhdawtaw” tiin thantar an tuah ih an kawtka ah an tar nasa male.

Nupinu pakhat a pasal thlaan silo sawn ah a rak tap ciamco. A fapa in “Ka nu khakha cu midang ih thlaan a si kha” a ti. A nu tingaihnak theilo a tah thaw tuk zo fawn. “A pawi hrimhrim lo” a ti.

Nauhak pakhat in a pi ih to sual kha a hmu. “Ka pi na to lang” a ti. Cui pitarnu cun “A pawi lo, hivek ih ka to hin thli a ngah ve ih a nuam vervo si maw” a ti.

Nauhak pakhat in a rualpa hnen ah hitin a sim, “Kei ka nu ih I hmuh dan a dang thei tuk. A can le uico vekin a caan a caan le leitlun miaabik vekin” a ti.

An sang a naih tuk. A fa a paw. Pakhat a liangpasumsuan. Pakhat hnawi a fawh. Pakhat a pom bet. Culawngtawk loin pakhat a hnuh in a hnuk bet.

Zuri pakhat mithi inn ah a feh ve. A lawm tukih khuangpu hnenah kan rap thleng pei maw? a ti. Tawk tiloin kan rock sawn pei maw? a ti.

An khua ih misual tak a thi. An pastorpa khalin a ui lo nasa. “Sual cia in a nui pumsung ihsin a suak ih sual cia in leivut ah a cang lala ding a ti.

Nu Thluai: Nan fapate hmin kha zo si ta?
Nu Mawi: Haleluia.
Nu Thluai: Amen.

Thupi Bet: Nupi thu awih hi innsang hlimnakbik a rak si. – By, Nupi ttih innsangpa.

(Visited 391 times, 1 visits today)

Comments

comments

6 Comments

  1. A tha ko, capo ca, ih ngan mi hnihsuak takih siar thiam a har ka ti, a poi na ka ti nasa.

  2. Siar a nuam nasa, pakhat te rem ka ti lo mi cu Negro ti hi tulai san ah an ko nawn lo. Black people (mi dum) ti’h kawh an si ih neta cu mi dum pawl ti sawn sehla a ?ha ding tiah ka ruat.

  3. A tha zet, a ngantu hnen ah lungawinak tam zet ka nei.

  4. May Myo Moon says:

    Thiam lawlaw si, pol thiam nasa, ka von siar ih mi bang lo mawsi ti ding tiang in ka siar lai ah ka hni hruthri, a dang khal in ron sim leh aw maw.

  5. Ka hni ciamco, siar a nuam nasa. Thusut duh malte ka nei. Himi website hi kan nauhak pawl siar ve dingah kan timtuah maw aw?’ tiah ka lo sut hai duh. Kan nauhak pawlin laicaa siarthiam hai seh, ti kan duh cun capoh hnih suak hrawng i kan thu ngan mi hi malte ralrin awk deuh a tha pei maw? tiah ka lo sut bet vivo:)

  6. Thiam na sa zuam vivo dingin ka lo duhsak jet kei mah khal hnihsuak lam hi ka paih zet,,kan lai mi hi ka duh ai in hnihsuak ca poh hi kan paih lo tuk a san cu mi huat thu rel ding lawng2 ah kan ruat aw, thil sual ah kan neih,cu ti ding khal a si cuang lo a sia lam zawng hlir ih kan ngeih tuah ah cun zianghman hi thil tha a um jik lo,hnih hi damnak an ti theu hi a dik a si,zuam vivo aw ngan rero aw,hnihnak ruang ah hlimnak a suak ti hi thei hngilh hlah,ka lung a awi zet(from pune sciper memorial collage india)

Comments

%d bloggers like this: