Cangvaih theinak ding Caan ttha

January 4
Tlawngkai Nithum

Cangvaih theinak ding Caan ttha

Curuangah nan ei ah siseh, nan in ah siseh, ziangthil nan tuahmi kip ah Pathian sunlawinak hrangah tuah uh.
– (1 Korin 10:31)

Bible Siar Ding: Thufim 15:28-16:9

Nikhat ni tinbaw thawn khual ka tlawnlai ah mi hrekkhat an ra ih, “Program pakhat kan nei ding. Cuih nunnom tuahnak ah in telpi thei ve pei maw?” ti’n in ra sawm. Cutikah kei in, “Minit hleinga sung ra taa uhla, thu ka lo sim ding,” ka ti. Ka kimvel ah in ra kulh miarmiar saal ih, “Na man zo maw?” in ti. “Aw, nunnomnak tuah phah in ka nunnak ih ka hmuhtonmi tettikhannak ka nei ding” ka ti hngai. Curuangah annih in, “Ziangsi na tuah thei dingmi um?” ti’n in sut ih, “Hla ka sak thei ding” ka ti. Annih in, “Nunnomnak tuahnak dingah khui tawk hmun ah na duh? Kannih cu kan laam duh” in ti. “Asile nan laam hlante ah keimah caan tawite in petaa uh” ka ti.

Nunnom an tuah tumnak ahcun ka vung tel ve, ih Pathian hnattuantu pakhat pa cu mipi pawl nuam aw thei dingin tuah a zuam reromi ka hmu. Keimah kha thlacam dingin i fial. Cuti’n keimai’ caan cu a rung kim thlang. Piano an retnak lam ah ka feh ih, “Tlennak Hla” ka tumter. Nunau nu in himi hla cu ka tum thei lo,” in ti. Kei in hnangam te’n um aw fala nu, ka thinlung sungah thangthat hla ka nei ka ti ih, Hla ka sak:

Amah ka theih vekin Amai’ thu lawng ka sim ding.
In tlentu Bawi in ka lamzin tluan hmuah a tleuter;
Amai’ umpinak cu ziangtluk ih sunglawi so a si,
Tuni rori ah Amah cu na taa na siter ding ti ka zum ngam.
Ka lo sim thei pei maw, ka lo sim thei pei maw?
Amai’ umpinak nitleu ih ka lamtluan a tleuter zia hi.
Ka lo sim thei ding, ka lo sim thei ding,
Tuni rori ah Amah cu na taa na siter ding.

Hla ka sak thluh tikah mipi in kan laam nuam awk ding na siatsuah thluh zo in ti. A ttha, cumi cu ka tumtahmi a si, ka ti. A tebik in a tumbik tiang an ttap thluh. An laam thei nawn lo, thla an cam. Tlangval mi paruk cu Khrih cosaang in rundamnak an co tariai.

An drama tuahnak hmun ah Jesuh hmin in ka tel ve ti cu na hmu thei si lo maw? Cuticun ka hrangah saangka cu on sak a si ih thuthangtha simnak caan ttha le hmun remcaang cu pek ka si. Hmuntin le lamzin kip ah Pathian thuthangtha sim theinak saangka cu on sak a si ringring. Pathian hmin cu sunglawi sin ko seh!

Nunnak thar ih sunlawinak sungah cangvai thei dingin na nun na ukter tikah um hmun dik ah na um. Tirhthlah pawl vekin cangvai awla nitin a nungmi Pathian in na nunnak hmangin mangbangza a tuah ding.

@ Smith Wigglesworth

(Visited 18 times, 1 visits today)

Comments

comments

Comments

%d bloggers like this: