Cangvai Thok

March 28
Tlawngkai Nithum

Cangvai Thok

A hnattuan a zahpi lotu le Pathian Thutak thuthangttha cu dikzet ih a simfiangtu si dingah Pathian lungkimnak ngah dingin zuam aw.
– 2 Timote 2:15

Bible Siar Ding: 2 Tim. 2:1-15; 20-21

Pathian in A sunlawinak cu mipi in hmu thei dingin langter a duh. Zumtu in cangvaih kan thok lo asile cuih thil maksak cu kan tthelh pang ding. Pathian ih duhnak vekin cangvai dingah veikhat kan thok phot a si ahcun Pathian in kan zumnak a cakter dingih cumi ni ihsin a thukamnak cu kan nun ah atak in a langter vingvo ding.

Ka simmi hi Rinnak (Faith) thu a si ih Pathian kan zum asile ziang a cang ding timi a si. Veikhat cu lungto meihol khur (coal mine) ih hnattuantu pa pakhat in ka thu a rak thei. Amah cu khuknaa tuartu a si. A nupi hnenah, “Zianghman ka bawm thei lo, asinan nitin te’n ka ruat ringirng, Wigglesworth ih thusimmi hin kan nun ah pakhatkhat tuah dingin in fial vekin ka thei. Cumi hmun ihsin ka tlansuak thei lo. Cuih hmun ih umtu hmuahhmuah in ttha te’n ka feh thei lo thu in thei thluh. Nangmah in flannel thawn ziangti’n in tuamsak ti na thei. A ttha, ka cangvai thlang ding. Mipi hmai ah na um ve ding,” a ti. A nupi cu a hmai ah a umter. “Ka cangvai thok ding, Wigglesworth ih tuah vek cekci in ka tuah ding” a ti. A ke cu dimdirh lotak in a kai ih, “Suak aw Satan; Jesuh hmin in suak uh!” Atu rori ah Jesuh, in bawm aw. Suak uh, Satan suak aw,” ti’n a au. Cun a nupi hnanah, “Nupi, an tlan thluh zo, an tlan zo!” a ti. Cule hnattuannak hmun ah a va feh, ih khur ih hnattuantu pawl an rak um thluh. Hih thuanthu a sim hngai tikah an lungawizet. “Jack, ra awla in bawm aw,” an ti. Jack cu a va feh. Inn pakhat ih a va thlen ve te’n midang in an rak sawm cih lala, an dam lonak pawl cu a damter vingvo.

Rinnak in cangvaih kan thok asile Pathian in kan hrangah ziang a tuah ding timi idea zianghman kan nei lo. Sikhalsehla ka ttulmi cu A zaangfahnak a si. Amah tel loin le kanmai’ hlawknak hrangih hna kan ttuan asile sunralnak kan tong ding. Jesuh hmin in ziangkim kan tuah lawngah hlawhtlinnak kan ngah ding. Tangdornak thinlung kan nei ih, ka ttawnttai, bawmtu nei lo ka si, Amah tel locun zianghman tuah theimi ka nei lo, timi thinlung kan nei asile Pathian Fapa ih duhdawtnak kan sungah ret sak a si ding.

Thlarau sungah nung in cangvai aw. Pathian thawn biak awknak nei ringring aw. Lei tisa thil pawl hloter thluh awla Pathian hnen ihsin vanlam thil pawl lawng laaklut aw. Na nunnak a cem tiang Bawipa in ttuanvo a lo la ding. Atu rori ah cangvai thok aw.

Pathian in thluasuah pek in duh, asinan a hmaisa in kanmah lam ah thluasuah ngah dingin timlaam cia (ready) dingah A duh.

@ Smith Wigglesworth

(Visited 22 times, 1 visits today)

Comments

comments

Comments

%d bloggers like this: