Cangvai Ter Aw

September 15

Tlawngkai Nihnih

 

Cangvai Ter Aw

 

Siar:

Filipi 3:3-11

 

Hibangtuk thil hlawknak ih ka rak ruahmi pawl hi atu ahcun Khrih ruangah a zate in sunnak ah ka ruat ttheh zo. – Filipi 3:7

 

Kumkhat Sung Baibal:

–   Thufim 22-24

–   2Korin 8

 

Mi pakhat hrangih thil ttukttak cu a dang mi pakhat hrangah hlawnthil mankhung a si timi ttong a um. David Dudley in a nu le a pa inn fate deuh ih an tthawn awk hlanah an ttul nawn lomi thil pawl hnong dingin a bawm hngai tikah har a tizet. Kum tampi an hman lomi thil pawl hnon a tum tikah a nu le pa in an el ttheu ih a thin a heng ttheu. Thil hlun le ttet pawl hlon ding hmanah an nunnak hlon vekin an tuar.

 

Thlaraulam thu khal ah cuvek a si. Kan innsung ih thil hnok ruri kan hnong siang lo vekin in ttumsuk tertu kan lungput khal kan hnong thei lo.

 

Tarsus khua mi Paul khal kum reipi sung Pathian ih Daan thlunnak in dingfel a tum. Damascus lamzin ah Jesuh thawn tong aw in a mit a cawt tiang a suahkehnak pupa cazin le a thil tuahmi pawl cu man a neihter zet (Tirh. 9:1-8). Thosaal Runtu thawn hmaiton ih an ton awk tikah amai’ zuamnak ih tuahmi tthatnak pawl cu: “Hibangtuk thil miatnak ih ka rak ruahmi pawl hi atu ahcun Khrih ruangah a zate in sunnak ah ka ruat ttheh zo,” (Filipi 3:7) a ti.

 

Thlarau Thianghlim in Khrih thlun lo dingin in dawnkhamtu kan kaih hngetmi lungput thlah phoih dingin in forh tikah a dikmi zalennak kan ngah.

 

 

In sim aw Bawipa, a maksakmi na peknak in kan ning a zahter tiang

Ka kut in hlawnthil a kaihnget nawn lo;

Kan duhnak, kan duhdawtnak, kan duhdawtmi pawl le neihsiah

A zaten lungawi te’n, zaangfahnak nei Pathian kan lo hlan.

 

Khrih thawngin thil tthalo baansan ding zalennak kan nei.

(Visited 23 times, 1 visits today)

Comments

comments

Comments

%d bloggers like this: