Cancer natnak a tihnungbik

American Cancer Society cun leitlun natnak hmuahhmuah lakah cancer natnak cu ‘sumpai heunakbik, thih tamnakbik le tihnungbik’ tiah a phuang. An hotubik Dr. Otis Browley cun kum 2008 sungah Cancer natnak zohkhennak ruangih sumpai hman zat cu US$ 895 billion a si ih, cucu leitlun ram hmuahhmuah in an ram sungih an tuahmi thilri man komkhawm ih 1.5% hrawng a si tiah a ti.

World Health Organization cun kum 2010 ihsin ‘lung natnak (heart disease) hnakin Cancer natnak cu ‘thihnak thlentu sawn a si ding’ tiah a nemhnget. Kum 2008 ah mi 7,600,000 hrawng cu Cancer natnak in an thi ih, kumtin mi 12,400,000 cun hih natnak hi an nei thar ringring ti a si.

Washington ih ‘Global Development Centre’ thuphhuangtu Rachel Nugent cun ‘Natnak ruangih thihnak hmuahhmuah 60% cu cancer, lung natnak le thisen thlum (zun thlum: diabetes) ruangah a si ih, cucun natnak dang hmuahhmuah hnakin amalbik 3% in zohkhen awknak a khung tiah a ti. Rachel Nugent cun ‘AIDS, Malaria, Flu le a dangdang hnakin Cancer cun sumpai le can a duh tambik’ a ti.

(Visited 142 times, 1 visits today)

Comments

comments

Comments

%d bloggers like this: