Canada ah Chin National Day Hmang Ding

By-Pu Khuang Lian Sum

03-02-09: A Vawi 61, nak Chin National Day, cu Pu Tha Zul, ih hoha nakin Canada ram Ottawa khawpi ah  Feb, 20 ah ropi zetih hmantum asi. Pu Hram Nei Luai hnenih si thu kandawn nakah  Chin National Day thuhla ah Canada ramsungih kan Chin mipawl’n harsatnak kanrak tawng theuih.

Cui kan tawnmi harsatnak cu Chin National Day a ni diktak Feb, 20 ih tuahduhlo ih nidang leh thla dangih  tuahduh kan Unau hrekkhat pawl anrak um theiih cu micu kanbuainak bik asi ati, Asinan tuikum 2009 cu a Ni diktak Feb, 20 ih tuahding in himi thurel nakih a rasuakmi pengtinkim palai in lungrual nak kan neitlang ih a lungawi umzet tiah asimbet. Dr, Tam Awng Ling cun  Chin National Day cu Ni leh thla neimi asi ih mai mancan leh maiduhcan, mai phurcan ih tthawn dualdo theimi asilo ih. Chin National Day Ni kan tthawn asilen a thuanthu  khal kan tidanglam a ttul ding tiah a sim. 

Canada ramih Chin National Day Ni danglam ih tthawn duhtu pawlhi CNF mi le sa pawl ansiih. CNF party dinsuah nikha March 20 asiih tulai khalah kumtin March 20 khi CNF day tiah an run hmang ringring ih Cu raungah Chin National Day hi CNF Day ih hnuh lut an tum asi ke maw? tihi mitampi thin lungsungah thusuh nak tumzet asi. 

Tui kum Chin National day Ottawa ih tuahding mi ah hin Peng tinkim in lammawi phunphun suahpi an tumih. Hnipuan khal mahle pengthuam cio suahpi tum asiih, Hla salthiam hmuntin ihsin an ratel dingthu khal dawn asi, tiah Pu Hram Nei Luai cun asimbet. 

Comments

comments

Comments

%d bloggers like this: