Campbell in Suu Kyi Hmu Sal Ding

United States Assistant Secretary of State Kurt Campbell cun Kawl ralkap acozah ih Suu Kyi ton an sian lo dingah cun Kawlram ka tlawng lo ding tiih a ti mi parah Kawl ralkap cun Suu Kyi ton ding an sian ruangah Zarhpi ni ah Kawlram khawpi thar Naypyidaw ah feh in Suu Kyi le hruaitu midang pawl a ton ding thu a sim sal.

Suu Kyi a ton ruangah le Kawlram a ra tlawn ruangah NLD party, Suu Kyi le Ralkap miuk hnenah thleng danglamnak a um ding cu zum a um cuanglo nan Kawlram an hrilawk nak thianghlim le zalen ih an tuah nak ding hrangah cun nawrnak a tuah thei ko ding ti khal cun hminlangter duh lo Kawlram thuhla zingzoi tu le palai pakhat cun a sim.

Reuters

UK Ram Hril Awk Nak

UK rampi cun an ram Parliament seat 650 umnak hrilin tihni sunah Vote an thla ih, hi an ram hrilawk nakih Vote an thlak mi Result siar zomi ah  UK Parliament ah Party pakhat lawngih Cozah tuah theitu an umlo ticu a langfiangzo. hiti vekhi UK ramin kum 1974 hnulam ih an ton lehsal voi khat nak a si.
UK ram hrilawk nakih  Vote siar zomi ah Opposition Party tumbik Conservative Party cun Seat 291 an lazo ih, tui dinhmun ah Seat latam bik an si. Tui Cozah kailai tu Labour Party cun Seat 248 an laban ih a pahnih nakah an dingih,  LIberal Democrats Party in  Seat 41 hmu in a pathum nak an si. Curuangah Cozah pakhat lawngih Cozah nak tuahban an umlo ticu a langfiangzo.
Conservative Party hruaitu, David Cameron cun  an hrilawk nak Vote tla zoh ihsin UK ram mipi in Gordon Brown ih kaihhruai mi Labour Party cu  an ning tukzo ti a langfiang tiah a sim.
Himi laiah  UK ram danpi vekin  Party pakhat ih Cozah nak tuahthei ding khawpih cak an umlo a sile  Cozah kailai tu Party in  Cozah nak tuah dingin Party dang a sawm hmaisa ta dingih, Cu ruangah Conservative Party ih tui dinhmun ah Seat latam bik khal hai sehla Prime Minister, ttuanlai tu Gordon Brown ih dinhmun hi a ttha biklai ih ruah a si.
Gordon Brown hin Cozah tuahpi dingih  a reihlan ah  Liberal Democrats Party hruaitu pawl  a sawm zum a si.
– Surbungtlang Thuthang
(Visited 41 times, 1 visits today)

Comments

comments

Comments

%d bloggers like this: