Laica zirnak – Zirnak 3

Zirnak 3

Cafang Hminsin Daan pawl

1. Awtung pawl (Consonants):

B C D F G H J K L M N P Q R S T T. V W X Y Z

b c d f g h j k l m n p q r s t t. v w x y z

2. Awphei (vowel) pakhat pawl (monopthongs):

(a) Awphei aw-tawi pawl (Short vowels)

a e i o u *[aw]

(b) Awphei aw-sau pawl (Long vowels)

aa ee ii *[oo] uu *[awaw]

3. Awphei (vowel) pahnih pawl (dipthongs):

ai au ei eu ia io iu oi ua ui *[awi]

4. Awphei (vowel) pathum pawl (tripthongs):

iai uai

5. Ttongfang thoknak ih hman theimi Awtung pawl:

b c d f h k l m n p r s t t. v z

6. Ttongfang thoknak ih hman theimi Awtung pahnih pawl

hl hm hn hr kh ng ph th t.h tl

7. Ttongfang thoknak ih hman theimi Awtung pathum pawl:

hng thl *[Khr – Khrih]

8. Ttongfang cemnak ih hman theihmi Awtung pawl:

h k l m n p r t

9. Ttongfang cemnak ih hman theimi Awtung pahnih pawl:

ng lh rh [ _nh: in-inh]

10. Ttongfang cemnak ih hman theimi Awtung pathum:

ngh [thlengh]
Hminsin:
#Kan Laica hi ttha teih zirzoi (study) tuah tikah a rak famkim ve ngaingai.
#Kan Laica Cangah daan khal hi IPA thlun thei a si ih a rak famkimzet ve.
#A thupizet tiih ka ruahmi cu bet, remh le tuah tthat ding hi a si.
Kan Laica hi tu hnakin ttha sin ding le famkim sin ding ahcun;
Ttongfang thar (new vocabulary) tampi nei thei dingin zuam ding a ttul.
Mi hrekkhat in “cafang phir (double letter)” hi a ttul mawsi? an ti ttheu.
Kei cun “A ttul rori, a ttultuk lawlaw” tiin ka sim duh.
Ziangahtile Nitin kan hmanmi kan ttong rori ah awtawi le awsau ummi rori cu!
Ziangahso a sullam tiduhsan bang aw lomi  thu pahnih rori cu ttongfang farah bangih
cafangkom bangrep ih kan ngan thiam ding *[Tahtthimna: can – caan; dan – daan,…..]
[*Leitlun ih Calai saangbik Mirang in “book, cook, look,seek…” an hmang ve sisi.]
Cule:
“_nh” le “_ngh” hi thil thar vekah a cangih mi hrekkhat hrangah cohlan a har phah ding.
Phunli Tlawng sayakyi pakhat in, Hivek kan rak hmang dah lo, a um dah lo” i ti dah.
A dik nasa, kei tla Laica Phunli ka ong na’n ka rak zir dah lo ngai.
PAT kum 4 ttuan in Phunli pawl Laica ka rak zirh dah na’n himi ka zirh dah lo.
Asinan, kan Laica hi ka zirzoi tikah a ttul ti’n ka hmuh tharmi an si.
Fiangter tum sehla:
Kan Lai daan ahhin mikhual/mileeng an rat asile;
1. “Rung to uh, tisa/tidai *in* uh ti’n kan tuamhlawm ttheu, a mawizet.
Ei ding do thei pawl in banhla, kawhra, kurtai,..tivek an pek asile
2. “Tisa thawn kawhra hi *inh* aw” kan ti ttheu. [in le inh a bang aw deuh lo]
[*Hakha taa kan cawng si loin kan Falam (Laizo) ttong ah kan neih/hmanmi rori si ko.]
Cun:
thleng” le “thlengh” cungcang ah tla;
1. Kawlram ihsin America a thleng.
A khurkhua ruah daan tla mallai cu a thlengh aw.
2.Unau hnih te tlawng an thleng;
An kedan an thlengh aw.
Kan Calai tthansonak dingbik tumtah le thinlung thianghlim te thawn
Kan thinlung “Ong kau aw in” kan hmuh daan kan hlawm aw cio ding ka lo sawm.
Saya Run
LCF Malaysia

Comments

comments

Comments

%d bloggers like this: