Cakter saal ih Cakter rero

November 22

Tlawngkai Nili

 

Cakter saal ih Cakter rero

                                                           

Bible Siar Ding: Galati 6:1-5

 

Ka u le ka nau tla nanmah lakah pakhatkhat in sualnak a tuah pang nan hmuh tikah nanmah sungih a thlaraumi deuh pawl in lamzin dikah hruai kir uh.  –  Galati 6:1

 

Mi pakhat sualnak sungah a tla ti na hmuh tikah, a hmaisabik na tuahmi hi, “kawk le mawhthluk maw?” asilole “thlacam saknak thawn thapek?”

Christian midang pawl sualnak thang sungih an tlak tikah kan thinlung sungah a neemmi ruahnak pakhatkhat cu ka nei ding ti’n na ruat men thei. Sihmansehla phundang in ka tuah cingcingmi cu an tlaksamnak zawn ah kan mawhthluk (condemned) ttheu khi a si. Cumi cu zumlotu pawl in Christian pawl in, “An hriamhma parah sawh aw bettu mibur pawl” tiih in kawhnak a si. Curuangah si Pathian in nan unau pakhatkhat sualnak sungih a tlak asile mawhphurh loin tungding saal uh tiih thu in peknak san cu!

Raalrin peknak cu thupeknak thawn a thlun aw cih: midang pawl tungding le thazaang cakter saal ding lawng si loin thinneemnak thawn tuah ding in fial. Kanmah tla anmah vekin tlu thei vemi kan si ti theih ding a ttha. Thinneemnak thawih tuah cu kan bommi midang pawl hrangah le kanmai’ hrangah hlawknak a si veve. Kanmah le kanmah cu a tlu thei lo ding vekih kan ruat aw pang asile sualnak ah a humhim lobik mi kan si ding.

Kan zate in Pathian le midang ih thapeknak kan ttul cio. Midang thazaang cakter saal dingah kan el asile ka hmuh fiang saal dingmi cu kanmah le kanmah kan kap aw, kan tuahmawh aw rero a si timi hi a si ding.

Vancung um ka Pa, keimah i tundin bangin midang cakter saaltu in siter aw. Cuti’n ka tuah tikah mah le mah theih awknak i neihter aw.

Tuni ah kei hi Pathian in sualnak sungih a tla mi pawl thazaang cakter saaltu dingah ziangti’n in hmang thei pei?

 

@Pennington

Comments

comments

Comments

%d bloggers like this: