Cabuai Hnuaiih Bomb Kammi Tlunah Biakawk Duhlo

February 27,2009.
Cabuai Hnuai Ih Bomb Kammi Tlunah Biak awk Duhlo
 
Pakistan Cozah in India ramthawi ram pahnih be awsal dingih a timi cu India Cozah cun a el. Mumbai buaihnu ih India Cozah leh Pakistan Cozah thu neitu sang an biak awknak hmaisabik Sri Lanka khawpi Colombo ih an neih mi ah India Foreign Secretary  Shivshankar Menon, cun Pakistan Foreign Secretary Salman Bashir, hnenah  Pakistan Cozah in Tapung misual pawlih thilti mi rehter ding leh tawp dingih thiltuah mi zianghman a neihhlan sungah cun  Ram pahnih biakawk nak neih dingcu India cun rem ati lo asi tiah a sim.
 
Pakistan Foreign Secretary leh India Foreign Secretary hi  SAARC Conference neih phahih be aw an siih. Pakistan Foreign Secretary  Salmam Bashir cun biakawknak neih hmaisak a pawimawh tiah a tinan India Foreign Secretary  Shivshankar Menon cun  Tapung misual pawlih thiltuah mi ah Pakistan cozah in zianghman tawpding ih thiltuah tumnak a neih duhcuanglo ah cun Cabuai hnuai ih Bomb kammi tlunih biakawk dingcu India cun thil umzia nei in a hmulo asi ati. Munbai siimtu misual pawlcu hrem an ttulih cumi hlan ah cun ram pahnih karlak thu zianghman  rel tlang theiding a umlo tiah a ti.
 
Himi laiah tuisun ah Pakistan Lawng ralkap hotu  Admiral Norman Bashir, cun  Pakistan Cozah cun nikum Nov, 26 ih Mumbai siimtu pawlin Lawng hmangin Mumbai khawpi an pan asi timi thu fiang theinak zianghman a neilo asi tiah thuthangca latu pawlhnenah a sim.
India in Mumbai siim tu Tapung misual pawlin Pakistan ramih sin Mumbai cu Lawng hmangin  an pan asi tiih thu a suahmicu  thei fiangnak zianghman an neilo tiah a simbetih, Hi thu ah cun India Lawng ralkap pawlcu an mualpho asi a ti. Himi thu ah cun India Cozah thu puandan thawcun a kalhki aw nasa ih India Cozah cun Mumbai simmtu Tapung misual pawlcu Pakistan ramih sin Lawng hmangin Mumbai hi anpanih lawng dangdang an thlengih Lawnghna ttuantu leh a mawngtu pawlkhal an that phah vivo ih an hmanmi Lawng pawlkhal an kaih ngah  thluhzo thu an sim.
 
Singapore Cozah In Kastari Kaih Sal Tum
 
Singapore thawng Inn ihsi tlansuak Islam Tapung hotu Mas Selamat Kastari, cu  kumkhat a reihnu tiang khalih an kaihsal thei hrihlo ruangah Cozah thu neitu pawlcu an buaizetih. Hi Islam tapung hotu Mas Selamat kastari hi leitlun hmun tinkimah an hawl rero lai asi tiah an sim. A mahhi a tlaknak thawng Inn Ek Inn sangkate ihsi dawpsuak mi asiih. Philipines ah maw Indonesia ah si maw a um an zumthu an sim.
 
A mahhi singapore ih Jemaah Islamiah hotupa bik asiih Palik pawlin an simnak ah  Singapore ih US Embassy Bomb puah danding tawlrel tu leh Singapore International Airport ihsi Vanzam hruaihlo ih 9/11 an timi vekih thihcilh tum asi tiah palik pawlcun an sim. Singapore Home Ministry thupuangtu cun Mas Selamat Kastari, hi an kaih ngahlai hlanlo an hawl vivo dingthu a simih  an ramsung maw ramdang ah maw a umkhal asi len an dawi vivo dingthu a sim.
 
 
Bangladesh Ralkap Buainak
 
Bangladesh ramih  Bangladesh Rifle (BDR) ralkap hrekkhat in Nihnih sung buainak nasazet an tuahmi cu Cozah lam ralkap pawlin hibuainak hmun pawlcu an kutsungah an la thluhzo ih.Hi buainak tuahtu (BDR) ralkap 200 hrawng kaih ngahzo an si. Cumi laiah hibuainak tuahtu (BDR) ralkap hrekkhat pawlcu Civil hnipuan hruhin an buainak hmun ihsin an tlansuak thei. Rapid Action Battalion Commander Abul Kalam Azad cun  hi buainak tuahtu (BDR) ralkap pawlcu kaiding in Cozah hnenih sin thupek an dawnthu a sim.
 
Hi (BDR) ralkap pawlin nihnih sung buainak an tuahsungah an hotupa bik Major General Shakil Ahmed tel in ralkap 100 lenglo an thi manih. ralkap Officer 130 pawlcu an umnak leh an dinhmun  an thuhla ziang hman theinak umlo in an hlolai. Hi ralkap officer 130 pawlhi  (BDR) hmunpi sung khal an hawl rero nan an ruakkhal zianghman hmuhnak an nei hrihlo ruangah Cozah lam khal an mang a bangzet.(BDR) hotupa bikin himi buainak a suah veten an umnak hmunpi Dorbar Hall cu a tlan suahsan nan a dunglam ihsin ralkap pali in meithal in an kah ciamco ruangah a umhmun ah a thicih asi tiah  Lieutenant Colonel Syed Quamruzzman, cun a sim. (BDR) pawlhin an ralthuam an rethnu ah  Armed Police Battalion leh Dhaka Metropolitan Police pawlin (BDR) hmunpi Pilkhana hi an kuthnuai ah an retcih.
 
Pathian cu Kancah nak a si,
 

Comments

comments

Comments

%d bloggers like this: