Caan Tawite Hnatuan

February 22

Tlawngkai Nikhat

Caan Tawite Hnatuan

Siar:

Rom 5:1-5

Cule hih ruahsannak in kan beidong loin in tuah, ziangahtile Thlarau Thianghlim sung ihsin Pathian in a duhdawtnak cu kan thinlung sungah a burh zo. Cuih Thlarau Thianghlim cu Pathian ih in pekmi laksawng a si.     -Rom 5:5

Kumkhat Sung Baibal:

–   Mipumsiarnak 4-6

–   Marka 4:1-20

Kan dung kum reipilai ah lei raalkap ka rak ttuan dah ih ka ttuan sung ram hrangah ka tikcu caan ka pek thei ruangah ka lung a awi. Ka ttuan sungih ka hngilh thei lomi caan cu short timer timi hnattuan ka suah hlan caan tawite ka neih sung khi a si.

Short timers’ timi cu raalkap pawl hnattuan an suah zik caan tawite sung a si. Cuih caan tawite cu mi tonnak, thuneitu raalbawi tonnak, thilri kaitu raalbawi hnenih cazin zoh le thilri pek saalnak tivek in caan an hmang ttheu. Ka hngilh thei lomi cuih caan ah lungkim le lungawi aipuangzet in ka feh ih ka ttuanvo ka tuah suakmi a si. Ttuanvo cu a um ko nain thinphannak zianghman um lo te’n ka ttuan, ziangahtile inn ka tlung thlang ding ti ka thei.

Patar ka si thlang ih caan tawite lawng a neimi short timer ka si lala. Hitawk ih ka hnattuannak ihsin ka suah ding caan a rei nawn lo ding. Lungkimzet in ka ke ka kar ih ka thinlung cu a zaangkhai. Ziangahtile a rei hlanah inn ka tlung thlang ding, ti ka thei. Jesuh le a dungthluntu pawl in ruahsannak an timi cu cuvek khi a si (Tirh. 24:15; Rm. 5:2,5).

Baibal in ruahsannak a timi cu: kan hmu tengteng ding ti le a um rori a si ti zum a si. Thihnak ihsin kan tho saal dingih kumkhua nunnak inn ah kan um ding ti fekzet ih kan zummi in tuih sun ah kan thinlung a nuamter ih lungawi aipuang tein kan ke in karter.

Pathian in tlamtling nunnak in pek,

Leitlun ah Amah rian dingah;

Leitlun kan nunnak liam zamrang hmanseh,

Van ruahsannak in ka ziin a tleuter.

Vancung in a tho saalmi Khrih a ra ding,

Amai’ minung pawl hruai dingah.

(Visited 23 times, 1 visits today)

Comments

comments

Comments

%d bloggers like this: