C2M2 In Christmas Hla Live Show Tuah Suak

Bur Hlasak Lai

Chinland Today
Muana | 5 Oct, 2012

Aizawl : Pathian le Lai mipi hrang ih Zaihla thawn hma la rero tu Chin Christian Music Ministry (C2M2) cun, Pathian lamhruainak in Album 4 a tuahsuak zo ih, a vol.5-nak ah Christmas Hla tuah dingin hma a la sal. Hi Album Vol.5 tuahsuak dingin, September 2012 ihsin Kan Laimi Gospel Singer (Nunau) mi pasarih (7) sawm mi pawl, Aizawl ah hlazirnak an rak nei thok zo.

Zarh thum sunglai bangzet ih hlazirnak an neih hnu ah October 4, 2012 zanah, Mizoram ih Hotel Regency- (Mizoram ih 3 star) Conference Hall ah sak suaknak an nei. A zotu pawl cun an khawp lo zet. Tlailam sml 7 ihsin neihthok a siih zan  ṭim 11:20 tiang hlasaknak an nei. Chin mi hlasak hlabuk tuah lakah cun tuiṭum ih hlasak pawl cun thin di an riam zet. Ngai kan khawp lo rori a si tiin a zohtu pakhat a ti hngehnge.

Awnmawi aw, meivang pawl hi Delta sound, International tluk ih thiam pawl ta hlan a si ih thu thu khal a sam zet. An awnmawi thunmi Zuknung Hlabuk hi November thlacem hrawngah suah thei dingin tawlrel rero a siih leitlun ramtin Chinmi  umnak hmunah kuat thluh tum a si.

Christmas hla fing 14 a um ih Chinmi hlasakthiam mi 7 pawl in kan Chin hlaphua thiam mi 5 pawl ih hlaphuah mi an sak.

C2M2 hi 2006 ah Pu Tha Nei Khar ih hohanak in dinmi a siih; Lai ir-awm suak Pathian thangṭhatnak hlapawl phawrhsuah ih fingkhawi,  Zaithiam aw ṭhapawl hmangih CD/VCD/DVD/Tape pawl hmangih Laimi umnak hmunkipih thehdarh,  Laimi zaithiam sersuah vivo pawl hi an tumtah mi a si.

Zuk Famkim Hinah Zoh : Christmas Album

Hlasaktu pawl:

Hla phuahtu pawl:

Mai Janet Sente (Sente)
Mai Par Cin Mawi (Parcin) Tha Nei Khar
Mai Sen Hlei Cuai (Cuaite) S. Hu Lian
Mai Siang Nei Sung (Siangte) S. Hrin Dai Lo
Mai Tha Nei Awi (Awite) Lal Ruat Cawk
Mai Lal Biak Mawi (Mawimawi) Lal Siam Thang (Hmuntha)
Mai Thian Rin Sung (Masung)

 

Pu Tha Nei Khar Interview Hinah Siar aw : Awnmawi – Pu Tha Nei Khar

 

(Visited 342 times, 1 visits today)

Comments

comments

2 Comments

  1. A lungawi um tuk aw! Pathian in malsawm in kan ram hrangah innsang tin thleng lungawinak le hnem tu tha bik, lei tlun mi pek mi vek si lo Van lam lungawinak thlentu ah cang hram seh law! C2M2 kan ram le mi phun thuthang tha ih mawi tertu ah Pathian in hmang vivo hram seh.

  2. a cang thei a si len a music tum tu pawl tlain rak sim theiuh la duh thu a sam zet ding tin ka hmu.

Comments

%d bloggers like this: