Burma Ramah Nuclear Leh Missile Hmunpi Tuah

Burma Ramah Nuclear Leh Missile Hmunpi Tuah

Mizan sunih The Guardian Thuthangca in a tarlang nakah North Korea ram mithiam pawlih bawmnakin  Burma ram Rangoon  khawpi saklam Km 480 ih hla tlangkawm te sungah Nuclear leh Missile ralthuam tuahnak hmunpi din rero lai a si tiah Wikileaks Website in a tarlang tiah The Guardian thuthangca cun a tarlang. Himi hmun hi tlang lak leilung sungah  Cement Concrete ih sakmi asiih, asinan an tthehzik te hrihlo tiah an sim.

Hiti vek a si ruangah Burma ram hin Pakistan, North Korea leh Iran pawl vekin Nuclear, Missile ralthuam hi a neithei maiding dinhmunah ruah a siih,  Himi Nuclear tuahnak leilung sungah North Korea ram mi hnattuantu minung 300 hrawng an numih, hi pawlhi a lenglamah suahter sian an silo ih, cun himi kiangkap ah lenglam mikhal zohman fehter sian a silo.

Nikum Fubruary thla ah khan  Burma ram Deputy Foreign Minister, Khin  Maung Win cun  Nuclear leh Missile tuah nakding thuhla ah North Korea thawi hnattuan tlang an tumlo thu US ram palai hnenah a raksimzo nan tu ah an runtuah tlang thotho tiah an tarlang.

Obama Kuak Fawh Baang

US President, Barack Obama in a kuakfawh a bansan Press Secretary, Robert Gibbs in a sim nakah Obama cun a kuakfawh a bansan thlangih, a liamcia thla 9 hrawng ihsi a kuakfawhlai a hmuh nawnlo thu leh a rimkhal a theih nawnlo thukhal a sim. Obama hin a liamcia kum 30 hrawng ihsin kuak a fawpih bansan a tum theunan harsa a tizet ruangah a bansan theilo.

President, hrilawk nak dingih Campaign a tuahlai ih  a au hla bikmi America ramcu a ttha zawngin kan thlakthleng thei ko a sisi (Yes,We Can) a timi khalhi  a kuakfawh bansan mikhal hin a ti hlawhtling tiah ruahcih a theih tiah an tarlang. President, Obama hin White House a luahlai khalah kuak a fawp laiih, February thla ah khan a mah bulpak tuamhlawmtu Doctor khalin Obama hin a kuakfawh bansan tumin theihtawp a suah tiah a simih, a mah Obama khalin a kuakfawh thalo a tithu a simih a sinan a pham tuklo thukhal a sim.

(Visited 146 times, 1 visits today)

Comments

comments

Comments

%d bloggers like this: