Burma Ram Rakhine State Buai Nak Reh Thei Lo

Theihcia zo vekin kan dungnaite ihsi Burma ram  Rakhine State ih Buddhist leh Rohingya Muslim pawl karlakih buainak suakcu tutiang a reh ngaingai thei hrihlo ih, himi buainak ruangih mithi cu theihfiangzo miah minung 28 an kimzo ih midang tamzetih hriamhma an tuarih minung umnak In 1.600 meisa in urkaang a si.

Hi In kang palwlhi ruahpi takzet a sur ruangah an phal mit theizo. Hi mithi tarlang mipawl lakah tuithla ni 3 ih Buddhist mipi pungkhawm pawlin an cill thatmi Mulsim minung 10 pawlhi siartel an silo ih tui an buainak ruangih mithi lawng siar an si. himi buainak ruangah Rakhine State ah Emergence puan a siih Curfew pahbal ruangah minung 30 lenglo kaih an sizo.

Rahingya Muslim pawlhi Burma ramsung hmun dangdang hlapipi ih um an siih, Burma ram sungah Rahingya Muslim pawlhi minung 8.00.000 tingriat hrawng an um tiah UN cun an tarlang. himi an buainak ruangah  mi tampi cu mai umnak In ih um ngamlo an tamzet laiih ei leh inding tirawl khal a harsa zeih  an khawpi Sittwe ah Rangoon ihsin motor leh lawng hmangin tirawl leh thilri tulmi dangdang phurhlut rero lai a siih, Burma ramih UN  Special Adviser, Vijav Nambiar tihni sunah khan  Sittwe khawpi ah a fehcih ih an buainak ih thil umdan leh mipi harsat nak tuartu pawlih dinhmun a zohfiangih Cozah mi pawimawh ziangmaw zatih an thlun.

Tui dinhmunah an buainak hi  boruak thalo zet dinhmun ah an ding laiih buainak dang a suak sosang pangding tiphan a umzetih  hi an buainak ruangah Burma ram mipi rorel nak lamzin zawh tumih a feh tum rero laimi khal a harsat phah pangding ti phangtu khal an tamzet.hi an buainak suahdan hi famkim ten zo an mawhsawn timi tarlang nak a umlo ih Rohingya Muslim  pawlin Buddhist nunau pakhat an  sualpi hnuah an thah ih a taksa an caansawm ruangah tiah  an sim.

(Visited 38 times, 1 visits today)

Comments

comments

Comments

%d bloggers like this: