Burma Ram President, Thein Sein in Ram Danpi Thleng Dang Lam A Tum Lo

Burma ram  Opposition Party National League for Democracy (NLD) ticket ih  Parliament Member hriltlin thar mi pawlcun an mah lakluh nakdingih an thutiam dingmi ih an lungawilo ruangah Parliament tokhawm nakih an tel theilo dingthu an sim.  Theihcia zo vekin  MP hrilthar mi pawlin an thutiamkam lakding lakih an duhlo micu Ram daanpi kilhim  ding timi a siih, hihi NLD pawlcun Ram daanpi zathiam ding tiih thleng an duh.

Himi daanpi thleng danglam dingcun Parliament ih pawmpi hmaisat a ttul ruangah leh thutiam kamnak an lakhlan ah cun Parliament tokhawm nakih an telthei fawnsilo ruangah Parliament tokhawm nak neihleh tikah NLD, MP pawlhi an teltheilo ding ti a fiangih, Parliament ah hin ralkap hotu pawlih thlawpmi Union Solidarity and Devolopment Party in seat 80% lai an luahfawnsi ruangah  NLD pawlih duhdan hi Parliament in a pawmpi zum a um tuklo ih ruah a si.

President, Thein Sein cun mizan sunah khan tui a tlawn laiank Japan ram khawpi Tokyo ih thuthangca latu pawlin an suh nakah MP pawlih thutiam kamnak an lakmi Ram daanpi kilhim ding timi hi thlengdanglam tumnak a umlo tiah a letih, Aung San Suu Kyi cu hriltlin mi a si ruangah MP si tengteng sehla a duhthu a simih, Asinan thutiam kamnak a lak duh dingleh duhlo dingcu a maithu a si a ti.

(Visited 50 times, 1 visits today)

Comments

comments

2 Comments

  1. A tlun ih kan hmuh zo vek in kei cun 2015 ih hril awk nak hi a thih nung ding ka zum.
    tu ah bei sei ding a um vek cu si nan a tu uk tu pawl in neh nak an co lo ah cun leh, mi pi in le Aung San Suu kyi an thlan a zum um fawn. Kei cu ka hmu dan in sesam an fial tla hi nek rawk nak leh kut hnuai ih ret duh nak pal beh duh nak sawn si tin ka ruat. Ka bei sei nak leh ka zum lo nak khai khin in ka zum lo nak 65% a tam sawn. Kan khritian mi pawl Thla cam nak kan thu pi si.

  2. Van Nei Zing says:

    A rel dan ding a har nasa….tui dinhmun zoh cun a deu (alem) te ding lawng a bang.

Comments

%d bloggers like this: