Burma Ram HrilawkNak ah Ralkap An Cak

Theihcio vekin Burma rampi hrilawk nak November ni 7, 2010 ih an neih mi ah Ralkap lamttang Union Solidarity and Devolopment Party (USDP) in Vote za ih 80% ngah in caknak an cothu an puang. kum 1990 hnulam ih Burma rampi hrilawk salnak hmaisa bik hi ralkap Cozah nak tawpterih mipi rorelnak din dingih tumtah mi a sinan rampi hrilawknak ah mipi rorelnak din tumih hna ttuantu National League for Democracy (NLD) Party hrauitu Aung San Suu Kyi leh Party Member Politician minung 1,200 lenglo pawlcu himi hrilawknak ih tel theilo dingih hrentar an si ruangah Burma rampi hrilawknak hin a tir ihsin sawisel a hlawhzet.

Burma ram hrilawk nakah hin zohfiang tu ram dang mi thuthangca latu pawl luhsian an silo ih, curuangah ram dangdang pawlcun Burma ram hrilawk nak hi zumtlak leh pawmtlak ih an ruahlo thu an sim.tui Burma ram hrilawk nakah Vote siar dan ah thil,diklo a tamtuk tiah theihsuak a siih, curuangah Opposition Party 6 cun Election Commission hnenah an lungawilo thu an thlenzo.

Himi sungih Opposition Party tumbik National Democratic Force hruaitu Khin Maung Swe in a sim nakah Vote siat tirlam ah cun an Party in hmai a hruai vivo ih cumi hnuin Vote siarcia mipawl an siarsal ih resulf danglam zetin an suaksal tiah a sim.

Tui Burma ram hrilawk nakah hin Parliament leh State Assembly Member an hrilih, himi sungah Cabinet cu mipi in hrillo in President, in a duhduh a ruat sal leh haidingih, Ralkap lamah Parliament Committee pathum din a si dingih, cumi Committee sungih sin Candidate tuah a si dingih, hi Commitee pawlin an sung ihsin President, leh Vice President, minung pahnih an hrilsuak ding a si.

Ralkap Lalbikin General sinak kailaitu pawlih lak ihsin Defence Minister, Interior Minister, leh Border Affairs Minister pawl a duhduh a pe ding. Burma ram hrilawk nakih tlingthar pawlhi ni 90 cemhlanah Parliament Session hmaisa bik to khawm ding an si. Himi hrilawknak thuthawi pehparaw in Democratic Karen Buddhist Army (DKBA) pawlin kawl ralkap pawl an kapih, himi ruangah mipi 15.000 lenglo pawlcu Thailand ram sungah an tlanlutih tu ah Mae Sot khua an aum khawmlai tu ah cun DKBA pawlhi kawl ralkap pawlin an nehzo nan buainak dangdang a suaksal pangding ti phangin minung tampi in Thailand ram pan tumin lamzin an hawl rero lai.

Comments

comments

Comments

%d bloggers like this: