Burma Ram Feh Dan Ding Part X

Burma Ram Feh Dan Ding Part X

Dr. Runbik Taithio

Dr. Than Bil Luai ih Hnatuannak

Tedim doctor pawl khalin hnatuan thatha an tuan ding nan an tuandanpawl ka theih lo ruangah ngan ding ka thei lo. Tu cu kan mah Falam Laimi lak ih hnatuan thabik pakhat Dr. Than Bil Luai ih thu malte lai in kan ngan ding. Pu Luai hi Khawrua ih a suah le suah lo ka thei lo nan a pa le cu kan khua Cerhmun khaw kiang ih Khawruasuak an si. Kalay ih Tivar khua ah an vai. An vaih pek hrawng ahcun Tivar cu Mizo khua vek rori a si.

Dr. Than Bil Luai hi Mandalay ih medical college ah a kai.A tlawng kai lai ah sum le pai lam ah a ollem lo ti ka thei. A tlawng kai lai khalah kan thei aw man. A sung khat, a rualpi, kawhhranlam in an bom tlang ih a mah khal ca a zuam in ca a thiam thei zet. Cunah mi tampi ih kan si theilomi sibawi doctor a run si ta a si. Dr. Than Bil Luai ihsin khawte fa khal hi mi thupi zet a si thei ti a lang a si.

A hmasa ahcun acozah sibawi tuan in Tibual tla ah a um. Hitawk ih a um tum ah an inn ah ka thleng dah. Hi tawk lai ihsi khalin silam ih mipi a ngaihtuah men si lovin lo neih naklam khal ah mipi hrangah thansonak tampi a tawlrel. 

Tahan ih a um hnu khalah mi zangfahnak nei in damlopawl rak bomnak thawn, mipi thansonak ding thawn tampi a tuan a si. A mai tanlaknak in a sizung building pawl khal nasazetin inn thatha, hmanrua thatha a neih phah a si. Ramdang khalah zirnak sang vek tla hawl in a feh. Pu Luai hin tu hnu khal ah kan mipi pawl ih damnak ah siseh, taksa lam ih thansonak kan ngahnak ding khalah siseh theihtawk in suahsak ringring hramseh tiin kan ngen a si.

Burma in Gorbachev a nei lo an ti

Aung San Suu Kyi kha November 2010 in an suah hnu zarh 5 sungah leitlun ih News Magazine darh kaubik Time Magazine cun cover story ah vawi 2 rori a telh. Nikum December ah cover story ah an telh leh ih Time hi kum 40 tlun ka siar zo in hivek in thla 13 sung ih cover story ih vawi 3 an telh hi ka thei dah lem lo. American President pawl cu an ti men ding nan.

Kan ngan zo vek in Time khal in Suu Kyi a suah pek ah ziang pi pa a ti thei a zum nawn lovi, welfare (zirnak le harhdam nak lam) ah a tuan a tul men ding a ti. 29-11-10 issue Time cun “With election done, Asian investment flowing in, the military is at it’s strongest in years” a ti. Cui tlun ah there is no sign of latter day Gorbachev in Burma a ti fawn. Ka ngan zo ih Delhi kan meeting nak pakhat ah general pawl i sin Gorbachev tla a suak men ding a si si ka ti tik ah Kawl pa Zin Ngying in kan ralbawi pawl cu eiru tlang le thil tisual tlang an si i,ziang tin an lak in Gorbachev a suak ding i ti.

Cule 10-1-11 i Time coverstory ah cun “General pawl hin Suu Kyi hi hloral vivo seh an ti a si ah cun an thelh riai a si” a ti. General pawl hin a sam i par par a ton mi nu te hi an ral tum bik ah an ruat tho tho a ti fawn. Cui tlun ah “Suu Kyi an suah hnu ah Suu Kyi hi leitlun ih  um lo vek in an cangvai” a ti.

Kan rel zovekin Suu Kyi hi house arrest ihsi an suah hnu  thla 9 sung cu ralbawi pawl in Suu Kyi cu a um  nawn lo, a cem zo, ti tlak a si nawn lo an ti nan Suu Kyi cu a cak sin sin ih August thla kum 2011 ah cun President Thein Sein rori in Suu Kyi cu be aw ding in a sawm ta hial a si.

Note: (Suak leh ah Arab Spring le Burma politic kan ngan hlan ah India PM Man Mohan Singh i Burma tlawn le India le Burma thu si seh la..)

(Visited 107 times, 1 visits today)

Comments

comments

4 Comments

  1. a ttha zet.

    Pu Than ih nunthuanthu (biography) hi nunthuanthu ngan a thiam taktak mipawl in ngan bet vivo hai sehla ………a ttha zet ding tiah ka ruat…..

    lungawi

    Kianghrol Mhingte

  2. Pu Run a ngan thiam lo na ti nak thawn bang aw.

  3. Thuhla nganmi pawl hi a nep tuk deuh. Mizo vek khalin hivek cu kan thei ko ding ka zum. Thuk deuh le tha deuh ngan a tha ding.

    Kau deuh ih ngan ding a si. Laica tla a ngan tha deuh sehla a tha ding.

  4. Piang timi pa asilole nu cu

    aselam ih thlirdan na uar deuh ding a bang.

Comments

%d bloggers like this: