Burma Ralkap Cozah Taza Cuai

3rd September, 2009

Andhra Pradesh Chief Minister, Helicopter In Tla That

India ram Andhra Pradesh State Chief Minister, Y S Rajasekhara Reddy kum 60 micu a khualtlawnih  Helicopter ih a topi mi minung 4 thawn an tla that. Andhra Preadesh, Chief Minister, Y S Rajasekhara Reddy hi an State Khawpi Hyderbad ihsi Km 588 ihhla Chittoor ih Metting pawimawh tel dingin  Mizan zing nazi 8:30 ah a rualpi  mi pawimawh Principal Secretary, S Subra Manyam leh Chief security Officer, ASC Wesley thawn  Hyderbad ih  Oil Begumpet Airport ihsin an zuangsuakih an zuansuakih si nazi 1 hnu ah Hyderbad Airport ih hnatuan tu pawlthawn an be pop aw thei nawnlo ih an hlo a si,

An to nak Helicopter  Bell-430 hi an State sungih Nallamalla bialih  Rudrakonda tlangah a tla ih a topi mi pawimawh pahnih leh  Helicopter mawngtu Pilot Group  Captain S,K Bhatia leh  co- Pilot M S Reddy pawlthawn an thi thluh a si. an zuanlai ah hin nikhua a se zetih an Helicopter hi Kurnool ihsi Vansan boruak Km 40 ih sangih zuang a si.

Union Home MInister, P Chidambaram cun  mithi ruangpawlhi hmuh tlaklo khawpin an kangsiat thluh a si a ti,  Andra Pradesh State Cozah cun an Chief Minister ih ruang hi thaisun ah Cozah in sunlawih nak famkim thawn thlah in a ur kaang ding asi tiah an puangzo.

Hi an  Helicopter hi Airport hnatuan tu pawlthawi an biakawk theinawnlo hnu ah mizansun ihsin mizan zanvar tiang hawl a siih, nazi 24 sung an dinhmun zianghman theihnak a um nawnlo hnu ah Indian Airforce pawlcun  tuizingah tupi rullakah an hmusuak a si. India President, Pratibha Patil, Primie Minister, Manmohan Singh,  Congress President, Sonia Gandhi leh mi pawimawh dangpawlcun  Chief Minister, Reddy  an ui thu an simih,  India ramih US ram aiawhtu Palai Timothy J Roemer khalin  US Cozah aiawh in a ui thu a simve.

An tomi Helicopter hi kum 11 lai reizo a siih, helicopter tthat lo ruangah maw  nikhua a siattuk ruangih tla a si tikhal theih fiangnak a um hrihlo. Asi nan  Aviation Ministry leh Andra Pradesh Cozah cun Helicopter cu a ttha a si tiah an simih a mawngtu Pilot khal Pilot Senior zet veve an siih  Helicopter mawng ringring tu mi thiamzet an si tiah an sim. Union Home Minister, P Chidambaram cu ziangruangah a tla ti fiangtei zinzoi a si ding a ti.An tlaknak hmunhi Naxal Tapung pawlih umnak hmun a siih, a sinan  Naxal tapung pawlin Helicopter kahthlak theinak ralthuam an neilo ih cu ruangah vanduai nak ih tla an sim an zumthu an sim.

Andra Pradesh Chief Minister a thih ruangah Chief Minister ai awh sungtu dingah an State Finance Minister, K, Rosaiah  cu CM ah retsung a si. AICC hruaitu pawlcun  Chief Minister ai awhtu hrildingin  Andra Pradesh  Congress Legistature Party cu tuihnu ni 3 ni 4 sungah an to khawm ding tiah an puang.  CM ai awh sungtu Finance Minister, K, Rosaiah kum 70 micu CM ai awh tu dingah a tlingbik tiah an sim. Himi thu ruangah  Congress thu neitu sangbik Central Congress Working Committee cu tuisun ah New Delhi an an tong khawmaw a si.

South Korea PM Thar

South Korea President, Lee Myung-Bak cun tuisun ah  an ram Prime Minister, thar dingah Chung Un- Chan kum 63 micu a ret tharih, himi rualah Minister dang 5 khal a retbet tel. Prime Minister thar Chung Un -Chan hi Economics Professor  hminthang zet leh Seoul National University ih President hlun a si.

Prime Minister thar Chung Un-Chan hin tui Prime Minister ttuanlai tu Han Seung Soo a thleng dingih, South Korea Cozah in thu a suah nakah  tui Prime Minister tharih  Chung Un -Chan an retnak sancu Economist a si ruangah sumpai dinhmunah an rampi in a tthanso phah dingih zumnak an  neih thu an tarlang.

Indonesia Linghnin In Thi 46 Hmu Zo

Theihzo vekin mizan sunih Indonesia ramih Linghnin rapthlakzet Richter Scale 7 ih nacun an khawpi Jakarta ihsi Km 100 hrawngih hla Cianjur leh Tasikmalaya khua pawlcu a sawi ciamco ih hi linghnin ruangih mithi ruang hmuhsuak zomi cu minung 46 an kimzo ih midang 300 lenglo in hriamhma an tuar.

Hi linghnin ih harsat nak tuartu mipi pawlcu mipi leh Ralkap pawlin theihtawp suah in an buaipi rero laiih, National Disaster Mitigation Agency thupuangtu, Priyadi Kardono cun  mithi ruanghi hmuhbet vivo a zum thu a sim. Inn ciim in a nen mi pawlkhal hawl rero lai an siih, hi linghnin in Inn 18,000 hrawng a tisiat tiah a sim.

BBC in a simnak ah hi linghnin ruangah palkai awknak lamzin leh biakpop awknak pawlkhal a siat thluhih cu ruangah duhvekin  hnattuan cak a theihlo ih minung zianghmuah an thi tikhal fiangten thei a silo tiah a sim. Linghnin nakhmun hi an ram President, Susilo Bambang khalin tuisun ah a hmunah a vazoh ih, linghnin in an siatsuah mi minung 5,000 hrawngcu Cozah in an umnak dingih hmunhim a tuahsak mi ah an um lai a si.

Burma Ralkap Cozah Taza Cuai

https://i0.wp.com/4.bp.blogspot.com/_1J11lnNV_GI/Rw4ihJCLNMI/AAAAAAAAAcA/MiGNUxzKXQ4/s320/Burma+military.jpg?resize=300%2C300Theihcio vekin Aung San Suu Kyi cu Burma ram ralkap Cozah court cun lengsuak theilo dingin thla 18 sung hremnak a pe betsalih, Himi ruangah   Aung San Suu Kyi ih Lowyer Pawlcun Burma ralkap Cozah Court cu taza an cuai ih, Aung San Suu Kyi ih Lowyer Nyan Win cun Burma ralkap Cozah Court in Aung San Suu Kyi parih hremnak an pekmi cu thildiklo tuk a si ruangah taza kancuai nak a si tiah a sim.

Taza an cuainak thuhi Rangoon  Divisional Court in a ngaihtuah dingih  himi court in an thu a pawmlo ih a hnawl a si ah cun High Court ih thlen a tumthu  Nyan Win cun a sim.

Film Star Kap That

France leh Spanish thlah pawlh kahpia Film Star hminthang Christian Poveda cu a film tuahnak hmun El Savador khawpi saklam San Salvador ah khua ah kahthat a si. Hi Film Star hminthang Christian Poveda hi kum 1998 ih a film tuahmi pakhat.

(Visited 49 times, 1 visits today)

Comments

comments

Comments

%d bloggers like this: