Burma Ralkap Cozah In Siang sal Lo

Burma ralkap Cozah in Aung San Suu Kyi ih thubuai rel nak hmun ih UN ai awhtu leh ram dang palai pawl tel ve thei dingih  siannak thu a rak suah zo micu a sian sallo thu a suah salih. Aung San Suu Kyi hi Mizan  sun ih a thu buai an relsak nak  Insein thawngin ah  ram dang ai awhtu minung 3 leh thutangca latu minung 10 hrawng hmaiah thusim nak can an pe ve a si. 

Burma ralkap Cozah cun Aung San Suu Kyi ih thubuai rel nak hmun ih ram dang palai tel thei nak can Cozah in a tuah mi  cu nikhat sung hrang lawng a si ih Cu ruangah tuisun ih a thuhla an rel sak nak ah cun telter a sian nawnlo thu a puangsal,. Mizan sun ih a thuhla an rel sak nak hmun Court ih rak tel vetu Burma ram ih British Ambassador,  Mark Canning cun  Aung San Suu Kyi cu a thuhla an rel lai khalah thin phan nak leh tih nak ziang hman neilo in thla muangzet in a um a si ati.  

Surbung Tlang Thuthang Siarbet 

Asi nan Aung San Suu Kyi ih thubuai hi lungawi nak ding zum tlakih an rel sak ding a zumlo thu a sim. Aung San Suu Kyi thawng an thlak ruangah Ralkap Cozah cu ramdang hmuh nak ah a hmai a bal zetih, tu ah hin Rangoon khawpi ih Insein thawng In khan pakhat sungah ret a si. Relzo vekin Suu Kyi thawng an thlaknak tikcu can cem nak dingcu tuithla ni 27 ih tawp ding a si ih tu ah puhmawh ding dang hawlin an kai salih  hnakum 2010 ih Burma ram  hril awknak dingih tel theilo dingih hrawh hrawl suah ih an kaih sal mi a si zum a si.

(Visited 31 times, 1 visits today)

Comments

comments

Comments

%d bloggers like this: