Burma Ralkap Cozah in Dawi Suak

Burma ram khawpi Rangoon khaw hnarih Aids natnak tuartu pawl retkhawm nak hmunih um minung 80 pawlcu tuihnu zarhkhat hlanah an umnak hmun suahsan thluh dingin  Ralkap Cozah in thu a suah.

Hiti vekih Ralkap Cozah in dawisuak nak thusuah a tuahnak sanhi Aung San Suu Kyi in himi pawlih umnak hmun a feh ruangah a si ding tiah ruah a si. Ralkap Cozah cun an nitiam sungih himi hmun suahsan lotu cu danvekin  nazet ih hremnak pek an si ding tiah thu an suh. Aung San Suu Kyi in himi hmun a feh ni ah dawisuak nak thu an suahcih mi a si.

UK Ram Mipi in Camilla Sawi sel

England ram Siangpahrang lalnu ih fapa Prince Charles in Siangpahrang tohkham a luah tikah a nupi Camilla cu Lalnu timi hmin put ter a si menthei tiah Prince Charles cun  NBC a simih, Prince Charles in himi thu a sim veten England ram mipi tamzet cun nasa zetin an sawisel.

Prince Charles hin  a nui ai a awhih Siangpahrang tohkham a luah tikah dan diktak cun a nupi Camilla hi  Queen Consort tiih ret theih a siih, Asinan Prince Consort tiih an ret zumtu an tamsawn.

Prince Charles ih thusim mihi  a nupi hmaisa Diana ih sungkhat naivai leh  Diana lainat tu mipi tamzet cun an sawisel nasa zualih, Prince Charles hi Prince of Wates timi si hman sehla a nupi hmaisa Diana kha  Prince of Wates rak timi a sizo lo ruangah  tui a nupi Camilla hi Duchess of Cornwall ti a siih, Lal sungkua sinak hmincu pek a sinan  Prince Charles leh a nupi hlun Diana ih karlak siatsuah tumih rak phiarthup tu tlukih mipi ih ruahmi a si ruangah lal sungkua ti borhhlawhtu ih ruatin mi hrekkhat tlacun a hminlem tiang rakphuah saktu khal an um.

Tui naite ih Prince Charles ih fapa Prince William leh a nupi dingih a hammi Kate tei neihawk ding thu an puan laikhalah  Camilla hin tongkam mawi tuk lemlo hmangih lungawipi thu a sim ruangkhalah Camilla hi lalnu timi hmin putlak a silo tiih ruattu mi tampi an um.

(Visited 42 times, 1 visits today)

Comments

comments

Comments

%d bloggers like this: