Bumnak Thawn Sum khongtu NLD Party Sungtel Pakhat A Thu Relsak Ding

ASSK
Pi Suu Kyi khualtlawnnak hrangah tiin NLD sungtel pakhat ih bumnak thawnih paisa a khonmi thuthawn pehparin NLD pyan-kyia-ye( ျပန္ၾကားေရး) hotu U Kyi Ttoe cun a facebook ihsin bum tuartu pawl hnenih thinlung takthawih ngaihdam a dilnak thu le cupa cu anmah NLD party daan le duun vekih thurelsak a si ding thu a tarlang.

Thilumdan cu: Shan ramkulh Taungkyi Myo ih NLD party sungtel Ko Tun Tun Oo timi pa cun Daw Aung San Suu Kyi ih Nansan a fehnak ding hrangah tiin Sumtuah milian pawl hnenah paisa a rak khong/dil thu Taungkyi thuthang in a sim.

NLD dinhmun in Daw Aung San Suu Kyi ih khualtlawnnak thawn pehparin ziangti hman in sumkhonnak a um lo lawlaw tiin theih a si.

Atu vekin Party sungtel pakhat in awm-ang lo takih a tuahmi thawn pehparin a tuahtu pa cu NLD party ih daan le duun vekin zingzoi ih a thuhla relrak a si ding tiin an sim.

“Atuih thil a cangtertu cu Ko Tun Tun Oo, Taungkyi Myone committee sungtel pakhat a si ih pian-kyia-ye sungtel a si lo hlei ah himi hrangih hnattuan ding pawl lak khalah a tel lo. Hih thilcang thawn pehparin Ko Tun Tun Oo hi Taungkyi aphuaih chuk ihsin pehtlaih tahratin thilumdan zaten sutfiangin party daan le duun thawih milin a thuhla relsak a si ding. A ttul ahcun Daan( ဥပေဒ) thawih mil khalin a thu relsak a si ding thu Shan ramkulh Hotu Daw Khin Moe Moe cun a sim”

“Atu vekin party sungtel pakhatin awm-ang lo takih thil a tuahnak ruangih a rak tuartu zate hnenah thinlung takten ngaidam kan lo dil” tiin NLD bahu pian-kyia-ye(ဗဟုိ ျပန္ၾကားေရး) committee sungtel U Kyi Ttoe cun a facebook page ah a sim.

Irrawaddy

Comments

comments

Comments

%d bloggers like this: