Buddhist Betu Inntek(Boss) Sungkua Biakinn Ah Hruaitu Chin Nunau

Cung Nei Par
Mai Cung Nei Par, Angțeng khuami cun Singapore a hnațuannak inntek tei sungkua cu FCFS Biakinn ah October 12, 2014 ni colhni sun khawmah a rak hruai thu Chinland Today cun thu kan thei.

Mai Cung Nei Par cun Singapore ah mi inn hnațuan pitar kum 86 mi kilin kumli sung rori a um zo nan Chinmi pawlkom a um ti a rak theih dah lo thu, a nau thawn an pehtlaihawk thei hnu ih a nau in FCFS thuhla a sim ihsi ra khawm a si thu pawl Chinland Today hnenah a sim.

September 28, 2014 colhni kha FCFS ah a hmaisabik a ra khawmih cumi ni ah a pitar kilmi a rak hruai. Mithar hmuakih hmeltheihnak tuah khalah hitivek ih Chinmi pawlkom hnenih Pathian a thangțhat thei a lungawi tuk thu a sim. Cutin a pitar lawng tawk loin kum 50 vuakvel a simi a pi(Lady Boss) Mdm. Serene Goh khalin October 12 ni ahcun Biakinn ah a rak thlun. Mdm. Serene Goh cun,”Kei cu Singaporean ka si. Atu hitawk ka tghlen hmaisabik a si. Nan zaten ka lo tong ka lungawi” tiin mithar hmuah hmeltheihnak tuah ah hni siamsiam phahin a sim. Khawm thok hlan Nazi hrek ah Biakinn an thleng zo ih mipi tam thlen hlanah Biakinn sungah an to țhepțhep zo.

“Tuini cu minung pathum kan ra. Ka pitar lawng si loin ka pi khal in rak thlun ve. Kan dung ka rak khawm ruangah ka pi cun ka lo thlun ve ding in tiih in thlun. Ka pu khal ka ra ve ding a ti nan khawm feh cu hlan deuh ah thupoi a nei sal ruangah a,ra thei lo” tiin Mai Cung Nei Par cun Chinland Today hnenah a sim.

Pastor ih Pathian thuthangțha simmi hmuahhmuah FCFS ih rinsan zetmi Mai Helen Mawi in Mai Cung Nei Par ih pi Mdm. Serene Goh cu Mirang țong in a rak letsak thluh. Khawm ban hnu ah FCFS hotu pawl le Pastor in pawlkomnak khal an neih thu le Khawm ban zawngah a pu  Biakinn a ra thlen thu theih a si.

(Visited 2,510 times, 1 visits today)

Comments

comments

2 Comments

  1. A va thupi lo ee, Christian ah a hruai lut hai ti le si lo. Chin website hman larmi ih ngan dingah cun quality nei deuh thuthang si thei sehla.

  2. Lian za a Thupi lo na ti cu mangbang za c.hi naki quality nei Thu thang dang um ding sawm.missionary pawl hman thla khat ah mipa khat hman an lak thei lo pi.a boss tei sung kha biakin ah a hruai thei c.nang teh biak nak dang pa khat tal biakin ah na hruai thei zo mw?

Comments

%d bloggers like this: