Bualpi Thu Ruangih Thawngtla Pawl Luat Thluh Zo

Bualpi Thu ih thawngtla pawl/ Kabia Saya

Bualpi khaw thar dinnak thubuai ruangih thawngtla mi paruk pawl cu Falam thawnginn ih kumkhat le ni 57 thawng an tlak hnu ah September 22, 2017 ni ah an zaten an zalen thluh zo tiin thu kan dong.

Thubuai ruangih thawngtlatu pawl cu Pu Hau Za Nang, Pu Lal Bia, Pu Dar Luai, Pu Lian Cung le ṭeng mawngtu Samuel le Van Bawi Ceu pawl an si.

Hi tiih an suahnak khal Falam thuṭhennak zung in an thuhla relsaknak le dan ih hrempeknak an thuahnak ihsin a si. Falam thawng inn ih an um mi thawn siarsak cihin kumkhat thawngtla dingin dan an tat ih cutin Falam thawnginn ah kumkhat luan an rak um zo ruangah September 22, 2017 niih an suahnak cu a si tiin Falam nitin suak thuthang Chinland Herald cun a tarlang.

An thuhla hi August 24, 2017 ni lawngah ahmaisabiknak hrang thuṭhennak zungah an thlengih an thuhla paw relsak an si.

An mah an kaihnak le an heeknak hi Thingram zuung le Home Affair Minister paw in puhmah 6(1) thawn an heek mi a si. Thawng an tlak thok cu July 27, 2016 ah a si.#

(Visited 585 times, 1 visits today)

Comments

comments

Comments

%d bloggers like this: