Bruce Lee Ih Thuanthu Tawi

bruce lee
Leitlun ih Martial arts le film lam ih a hmin dai dah lo Bruce Lee hi November 27, 1940 kum ah Chinatown, San Francisco, California, U.S ah a suak, A mirang hmin Bruce hi siizung hnatuan Dr. Mary Glover ih pek mi a si. A Chinese hmin cu Lee Jun-fan a si, thlathum a tiah Hong Kong ah an kirsal.

China hi British kuthnuai ih an um lai caan a si ih an harsa in refugee an tam ruangah misual le suamhman khal an rak tam ngaingai lai. Lee khal hi sualawknak ah arak tel phahphah ruangah a nu le pa in martial arts an zirter ve lawlaw. 1957 kum ah Wing Chun saya Yip Man hnenah a zir ih a hnen ihsin thansonak tampi a ngah. A sayapa Yip Man (Ip man) ih thuanthu hi film tampi in an rawn cangsal rero zo.

Bruce Lee, kum 18 a kim ah U.S a kirsal ih paisa 100 lawng nei in dinhmun a tan so. Seattle ih um a pai mithei Ruby Chow ih rawldawr ah rawlpek hnatuan phah in high school a kai. A zuamnak ruagah U.S ah martial arts tlawng a din ih mi tampi a zirh theu (tlawng hmin; the Lee Jun Fan Gung Fu Institute,). August 1964 kum ah a tlawngkaipi mirang fala Linda Emery thawn an nei aw ih fa pahnin an nei, fapa Brandon Lee le fanu Shannon Lee. 1971 kum ah a film hmaisabik ‘The Big Boss’ cang dingin an ra sawm tikah cun, “ka nun ih ka rak tawng mi vek a si, mi farah, mi hnenih hnatuan rero ih harnak tampi ka rak tawngih ka sualsuak dan vek a si” ti’n arak lungkim.

A zuam zetnak ruangah Leitlun mipi zaten mi thei ah arawn cang tariai!. Kum 32, July 20, 1973 kum ah Leitlun a suak san( a thi) nan tuni tiangin Leitlun film lam ahcun a hmin le a rak zuam dan pawl cu rel ringring a si lai.

(Ref; DBCF Meifar 30, November,2014)

Comments

comments

Comments

%d bloggers like this: