British Foreign Secretary William Hague le Suu Kyi Tawng Aw

BBC, Myanmar News.Net | January 8

Kawlram ah ni-hnih sung cambang ih feh British Foreign Secretary William Hague le Kawlram ih opposition leader ropi Awng San Suu Kyi cu January 6, tlawngkaini nga ah Suu Kyi ih umnak hmun Yangon ah tawngaw in Kawlram thuhla thawn pehparawmi thu reltlannak an nei.

Hague cun Kawlram cozah in langngan ih thansohnak a phunphun a neih mi parah a lungawi thu a rel. Asinan, Kawlram cozah in hivek ih thansohnak le thlakthlengawknak a phunphun a neihmi phen ah hmuh theih lo thil thleng thei a um lai ruangah hnangam zet ih um men theih a si hrih lo thu a rel.

Suu Kyi cun Hague hnenah Kawlram ih thlakthlengawknak le kilkip ih thansohnak a neihmi parah thazang pe in le theitawk ih British ram in bawmnak a pek ding a beisei thu a rel. Hague cun Kawlram cu thlakthlengawknak a neih a cu tuk zo ih ramthukhel ruangih thawngtla pawl hmuahhmuah suah zalen an si lo ah cun democracy hawizang ih thansohnak taktak neih theih a si lo thu a rel bet.

Suu Kyi le Hagur cun tawnawknak an neih hnuah thuthanglatu pawl kawmnak khal an neih cih ih Suu Kyi cun British ram in Kawlram an ngaihhlut ruangah lungawithu a rel ih an tawnawknak caan reilo te khal a hlawppi thu a rel tel bet.

(Visited 48 times, 1 visits today)

Comments

comments

Comments

%d bloggers like this: