British Foreign Minister William Hague Le Kawlram Thuneitu Pawl Tawng Aw

abc News| January 5

British Foreign Minister William Hague cu January 5, tlawngkinili ah Kawlram khawpi Naypyidaw ih Kawlram hruaitu pawl thawn democracy lam hawizawng ih Kawlram in kekarnak a neih thei vivo nak ding thu pawl relkhawm ding in le thazang pe ding ah Kawlram a thlen zo thu Kawlram thuthangca pawl cun an tarlang.

Thuthangca in a tarlandaan vek a si ah cun William Hague cu January 5, tawngkainili zinglam ah Kawlram a thleng ih Kawlram president U Thei Sein le acozah minister pawl thawn Kawlram khawpi Naypyidaw ah thurelkhawmnak an nei ding ih Kawlram opposition leader ropi Awng San Suu Kyi thawn khal Yangon ah January 6, tlawngkaininga ni ah tawngaw ding in Yangon ah a feh leh ding a si.

William Hague cun Kawlram a feh hlan ah U.K thuthanglatu pawl kawmnak a nei mi ah William Hague cun Kawlram ah democracy diktak thawn rorel a si theinak ding ah Kawlram thuneitu pawl a nawr ding thu a sim. Hague cun, “Kawlram cozah in ramthukhel ruangih thawng a thlakmi pawl an zate’n a suah ding le ram sung ih buainak um pawl a remthat hi kan hmu cak tuk zo. Cuhleiah ram sung doawknak ruangih harsatnak tawng pawl bawmnak petu, humanitarian khal zalen zet ih bawmnak pektul pawl bawmnak pek an sian ding le lailak hrilawknak dik le felfai neih a si ding pawl hi kan saduhthami a si “ tiah  a rel bet.

Kawlram ah ni-hnih sung cambang ding ih William Hague a feh hi kum 1962 ih Kawlram ralkap in thuneihnak an lak ihsin tutiangah Britist foreign minister a veikhat hrangih Kawlram  a fehnak a si.

Comments

comments

Comments

%d bloggers like this: