Breaking News: Hakha Ah Nau Thla (8) Pai Nu, Hreitlung In Cek That

1979767_827519637275960_6199771859932298052_n

Hakha: Hakha khuahlun veng Pu Sui Tling@ Saila cun upa Pu Pa Maung (aka. Pu Aung Myint) ih nupi, a pumsung ih thlariat (8) lai naupai, Pi Biak Zing kum 43 tluk ih upa cu May 12 zing, sml 6:30 hrawng ah a lu ah hreitlung in vei thum lenglo cek in a that. Pi Biak Zing hin a pumsung ih naute lawng silo in fanau pathum a fehsan a si.

Ziang ruangah a that ti cekci cu zohman in an thei ngaingai hrihlo. A mah hi ramlak ah a tlan cihih palik pawl in an hawl rero lai tiah theih a si.

“Zingkhua vang ah Sui Tling cun a duhlo na cingin Pi Biak Zing cu a ko, malte an inn thlang an tlen ah a sit ril. Cutin a vorhlam lu le a dunglam ah hreitlung in veithum a cek. A hmun ah Pi Biak Zing cu a thi cih” tin Pi Mang Tiak, Biak zing ih nu cun a sim. Sui Tling hi Kala asiih a Kala hmin cu Saila a si ti khal in Pi Mang Tiak cun a sim tel. Pi Biak Zing ih fanu kum 12 mi te cun ‘ ka nu hi a duh lo na cingin ka pate nih a dir, cule kan inn  tlang an thlen ah a sit ril ih cutin a cek hnu ah ka nu cu a hmun ah a thi cih tiin Chinland Post pawl hnenah a sim ve.

10300156_827519693942621_640451545076141193_n

A thattu Pu Saila hi kum 55 tluk ih upa mi a si. Kum 11 le thla 6 thawngtla in a um hnu ah kan dung nai teih rampi thawngtla pawl suah zalen an si ṭumah a suak ngah vetu a si. A suak theinak ding hrangah  Pi Biak Zing nih a suiṭhi tiang a zuar ih hlei ah a suah hnu khalah a uu pa, Pa Maung in Pathian hnen lungawi thusimnak khal a tuah sak.

Saila hi thawng inn ihsin a suah hnu ah a uu pa te inn ah a um cih ve. Hi tiih hmunkhat ih an um hnu ah buainak te neuneuh an neih ruangah Pi Biak Zing le a pasal Pu Maung cu kumkhat leng umtlang lo in an ṭhen aw. Hi tiih an umtlang lo karlak ah Pi Biak Zing le Pu Saila hi an rak duh aw. ‘ Cutiih thuhla kan thei veten Pu Saila kha inn dang ah suak dingin kan kawk, cutin inn dang a suak sal. Cule an nupa cu an umtlangsal’ tiin hmin tarlang duhlo pakhat cun Chinland Post hnenah a sim.

Pu Pa Maung le a nupi hi an ṭhe naw. Cumi sung ah anaupa Pu Saila hin a nufa pawl a rak zoh khen. Pu Saila khual a tlawng sungah Pu Pa Maung hin a nufa pawl cu a rak hruai tlung. Pu Saila khual ihsi a ra tlun ni thumnak ah hivek in thil a ra cang mi a si tiin Hakha Post cun a tarlang.

10368238_827519800609277_7699375798467545215_n

Ref; Hakha Post, The Chinland Post

(Visited 3,919 times, 1 visits today)

Comments

comments

Comments

%d bloggers like this: