Breaking News: Australia Chin Mi Tlangval Tidai Tla That

Salai Van Nei Luai

Salai Van Nei Luai

Van Bawi Lian & Uk Lian
Chinland Today Media

Melbourne: Australia, Melbourne khua ih um Chin mi Van Nei Luai, 21, Valluai tiih kawh cun Yarra Tiva ih tidai leuh tum ih an fehnakah cangsual in tuisun tlailam 5:30 (Melbourne caan her) hrawng ah in liam san a si.

‘An tileuhnak hmun hi thuk zet cu a silo, a sir lam hi awmcan tluk hrawng asiih a lai hrawng hi minung pil tawkfang tluk a si. A lehlam lak kan zoh tikah khuk can tluk a si.’tiah Van Biak Thang, Chin Community Victoria hotu le a hmun ih tonglet ih umpi tu cun a sim. ‘Meter khat tluk tete in an hawl ih, a tlaknak ding ih an zumnak hmuahhmuah cu an hawl thluh zo. Asinan tutiang cu a ruang an  hmuh hrihlo. Thaizing ah a hawl an peh leh ding’ tiah a hmun ih um le tawlrel pitu Saya David Ceu, Falam Chin Christian Church Melbourne pastor cun a sim ve.

Chin mino 50 lenglo pawl cun a kiang ah hngak khawm in a hawltu Palik pawl le ti leuhtu pawl an rak umpi.

Tlailam ah helicopter hmangin nasaten an hawl zo nan a ruang hi an hmu thei hrihlo, cutin tileuh thiam, mi ruuntu pawl le palik pawl ih kut ah um in a hawl hna hi an thok sal mi a si.

‘Kan theihnak hmuahhmuah hmangin kan hawl dingih thaisun tal ahcun kan hmuh thei ding kan ruahsan zet. A tlak nak san hi a hnuai leilung ruangah a si kan zum ih, thuhla felfai ten kan zingzoi bet rero lai ding’ tiin mi hawltu le palik hotu Sharon Mc Crony cun Chinland Today Media hnen ah a sim.

An tlak dan thu ah a fehpi Sawmte cun, ‘Kan pathum (Valluai, Tete) in ti kan rak leuh,  a nih hi a netabik ah a um, a pil ih Tete in a dir nan a hnuai ah kaitu neivekin a um, a dir theilo. Kan va dir nan kan dir thei lo ih cutin a pil lan’ tiah a sim. “Ka dir nan ka dir theilo ih a mah in ka kut napin I hun kai, ka theitawk ih ka dir nan ka dir theilo. In thlah veten cun a pil” tiah Tete cun a sim ve.

A ruang hawlnak hi camkhat an cawl hrihih, thaizing sml 8:30(Melbourne canher) ah hawl an thok sal ding tiah thu kan dawng.

Salai Valluai hi November 2011, ah Australia a tleng in Mount Cambria ih a pu le hnen ah a um.  Falam Peng, Ngailan khua ih Rev Thang Hlei Thiam le Pi Zai Kip Nawn, tu ih Tahan Revival Baptist Church pastor tuan rero laiih fapa upa bik a si. Uunau 11 lak ihsin a nungdam laimi pakua lakih panganak a si.

Tidai ih an hawlnak

Tidai ih an hawlnak

An tlaknak tili

An tlaknak tili

 

(Visited 2,781 times, 1 visits today)

Comments

comments

One Comment

  1. Salai Van Thawng Thang says:

    A va poi ve!!!
    Vansiat le malmak ah, hi vekih thilcang ngelcel cu aw…

    A ruak tal cu hmu lohli hram hai seh ti-ah saduh ka that…

    Tantami Sungkua pawl hnenah Pathian ih thlangam daihnak thleng hram seh, ti-ah thlaza ka cam sak.

Comments

%d bloggers like this: