Brazil Ram Thawnginn Ih Zawhte Fim

060113-catBRASILIA, BRAZIL: Brazil ramsung ih thawnginn pakhat, Alagoas thawnginn ah, thawngtla mi pakhat cun zawhte pakhat hi fim a zirh ih, a suah theinak ding ah bomtu ah a hmang asi.

Hi zawhte hi thawngtla pa cun thil dangdang a zirh ciamco ih, cumi lak ah, thawnginn sung ih ken theilo mi thilri dangdang, thawnginn bauhnak ding hrang ih hriamhrei tulmi le thil dangdang pawl cu a leng ihsin la ding in a zirh thei asi.

Hiti ih a zirh hnu, thuamhnaw a lak termi a kim zik thlang ti ah, cui zawhte umdan cu thawnginn kiltu pa cun zohfiahnak a nei.

Cuti ih zohfiahnak a neih hnu lawnglawng ah zawhte ih cangvaih dan le thawngtla pa ih tumtahmi cu an theisuak thei. Concrete inn siatbalnak ding ih a tulmi thuamhnaw pawl cu thawngtla pa hrang ah a kim reto thlang nan, a fim zirhmi zawhte an kaihsak hnu cun a hrang khal ah suahnak ding lamzin a pit sal.

Thawnginn kiltu pa cun, “ Hi zawhte hi thawngtla pa hnen ah a um ringring ih, a sungkua pawl an tlun le an tlungter ih, cutin thilri hi an rak kengter theu. Hivek ih rannung a tuahthiamnak cu mak ve tak cu asi” ti in G 1 News ah asim.

Comments

comments

Comments

%d bloggers like this: