Bophy Typhoon In Philippine A Nuai

Philippine ram thlanglam ah a nasa zetmi typhoon Bopha thlisia in a hnuai ih mi 40,000 hnakih tam cu thlisia khamnak inn pawlah an ṭhawn. Hi thlisia hi tuzing Tlawngkai Nihnih, 4.12.12, ni zingpit ah nazi pakhat ah km 210 (210 km/h, 130 mph) in a hrang ih ruahpi nasa zetin a sur phah.

Thlipi le ruahpi ruangah electrict pawl a siat ih hmun hrekkhat ah ti a lik.  Hi Bopha Typhoon hi thlanglam Philippine ah Washi Typhoon thlipi a hnuai ih mi 1,500 hnakih tam an thi hnu kumkhat rei ah a hrangsalmi a si.

Mani Tlawngkai Nikhatni ah President Benigno Aquino in mipi hnenah Bopha Typhoon nasa zetin a hnuai ding ruangah ralrinnak a pek zo. President in tuikum thlisia lakih a nasabikmi a si tiin a rel. Asinan kan sunralmi pawl cu a cangthei tawkin kan bawm-awk ding tiin a simbet. Hi Bopha Typhoon ih mit hi km 600 kau a siih thlanglam ihsin nitlaknak lamah a ṭhawn ih Thlanglam Tuluk Tipithuanthum a thleng deuh lo tiin thlisia lampang ṭuanvo neitu pawlin an sim.

Comments

comments

Comments

%d bloggers like this: