Bo Xilai Damsung Thawngthlak

VD-Bo-XilaiTuluk ramih ramthuhla mithiamsang Bo Xilai cu thuneihnak a si lo zawngih hmannak thu, sumpai a si lo zawngih hmannak thu le depdetnak thu pawl thawn mawh a nei ti a fiang ruangah Tuluk ram mipi thutrhennak hmunpi pakhat ihsin amah cu damsung thawngtla dingin an relcat.

Jinan mipi thutrhennak hmunpi ihsin Zarhpi ni ahkhan atu vekin thu an trhencat sak ih hih thubuaihnok hi tuih kum hra sungih Tuluk ramih a zohthup bikmi ramthuhla thuhnokhnai pawl lakih pakhat a si. Tuluk ram daan ah tuih hlan kum hra sung an rak hman keelmi ngaidam dilnak ca a thunlut thei timi vekin Bo Xilai in hih thutrhencatnak parah ngaidamdilnak ca a thunlut thei ding.

Asinain thutrhennak hmunpi ih relcatmi vek asile Bo Xilai ih damsung ramthuhla tel theinak kham a si ih hi hin veikhat lai ih a rak langsar zetmi Bo Xilai ih ramthuhla mithiam sinak cu fekzet in a tawpter a si. Asinain American dollar million 3 man Bo Xilai ih neihnak thilri pawl cu laaksak dingin thutrhennak hmunpi cun a relcat.

Kum 64 ruun politburo sungtel hlun Bo Xilai cu kan dung thla ahkhan thu an suhnak hmun an napi in a el ve. Palhnak a tuah mi cu a el lo nain thutrhennak hmunpi ih an puhmawh mi thuhla tam nawn cu a el ve.

Comments

comments

Comments

%d bloggers like this: