BJ & Ngun HLei Tial Kan Ra Thleng

Ram khat le ramkhat remawklonak siloin Chinmi baroh zatlote sungih ‘nan ni kan ni’ ti’h hmuh thiamawklonak le thupisawn ih ruahawknakpawl cu Chin hlasakthiam hminthang BJ le Mai Ngun Hlei Tial in “ZAI HLA MAWI” Album thawn tawpter an tum.

Kan CT Palai le BJ biakawknak ahcun “Chinmi sung ih Falam le Hakha remawklonak a um pang asihman ah hi kan zaihla thawn daih ter ding tumtahnak kan nei” a ti. Lungawi umzetmi thil pakhat leh cu BJ le Ngun Hlei Tial cun kum reipi hnu ih Chinmi hmuhawksualnak a um lo nak ding ah zaihla thawn hmai in hruai cia a si.

ZAI HLA MAWI Album hla phuahtu BJ, Zunphir, Ngun Hlei Tial, S. Hu Lian le Herh Lian pawl cun an thinlung kuai zet le feeling zetih ram le miphun remawknak dingih an phuahmi an diriam zet thu le a phuatu khalih telve thotho BJ le Ngun Hlei Tial ih an sak ding an lungkimziathu pawl kan CT palai hnen ah an sim.

Album tawlreltupawl cun hmai thla ihsin ram sung ram leng ah leih theih in kan tlangzarh thlang ding ti khalin an sim telbet. Tawlreltupawl cun mipi tamsawn ih ngaihlak ding an duh ruangah Tape, CD, VCD pawlih an tuah thu khal in sim thei.

Kawlram ih kan CT palai ih thu in thannak ahcun BJ in ‘Sam tawnnak’ timi a sak ruangah kan uarmi a si lo, cun Ngun HLei Tial khal, a aw that tuk ruangah kan uarmi a si cuanglo BJ cu BJ a si ruangah kan uar ih Mai Ngun Hlei Tial khal kan Chinmi hrang ah zaihla thawn Mai Ngun Hlei Tial a si ringring ding ruangah kan uar sawn a si ti khalin an sim.

(Visited 107 times, 1 visits today)

Comments

comments

Comments

%d bloggers like this: