Bin Laden Kap That Tu Hmin An Phuang

MI-rob-o'neillKanan Robert Chin

. A1-Qaida vervek pawl hotu, Osama bin Laden kap thitu Navy SEAL hmin cu mizan ah khan Daily Mail wesbite, MailOnline cun a tarlang i, hi Navy SEAL hin bin Laden cu meithal in alu ah vei thum a kap a si tiin a sim.

. Fox News channel cun tun thlacem lamah hin bin Laden kap thi tu hi interview neihpi a tum a si.

. Kum 2001 September 11-ih vervek pawl in America ram ih inn sang bik, World Trade Center an beihnak ih a bultumtu bik ih puh, bin Laden hi US cun canreipi a pel hnu ah, kum 2011,May 2 ah khan Pakistan, Abbotabad ih a umnak inn ah Navy SEAl pawl in hin luhcilh in an kap that a si.

. Canreipi sung bin Laden kap thi tu bik hi thup a si hnuah, a kapthitu bik Rob O’Nell cun a hmin hi phuangzarh a duh thlang a si thu rel a si. Kum 38 mi, O’Nell hi Navy ihsin hin a bang zo i, a bang hnuah healthcare leh retirement an pek dan ah a lungawi lo thu pawl khal relsuah a duh. A sinan bin Laden kapthitu a si thu a relsuak ruangah le interview neih a tum ruangah hin alakah Pentagon le SEAL headquarters khal an lungawi lo nasa a si.

. O’Neill hi Navy ah hin full service, kum 20 um kimlo in kum 16 sung a ţuan hnuah a bang i, ralkap hamţhanak dawng ding mi khal a dawng kimlo i, hi ruangah hin a thuhla hi relsuah a duh thu a si, tiin theih a si. Rob O’Neill hi ralkap huaisen zet a si thu rel a si i, a thuhla khal hi Zero Dark Thirty, Captian Philips ah khal,ah a rak lang zo a si.

(Visited 1,290 times, 1 visits today)

Comments

comments

Comments

%d bloggers like this: