Bill Gates Kawlram Ah Feh Ve Ding

AFP | January 13

Microsoft Corp. chairman Bill Gates cu Kawlram ah Febuary thla sung ih feh tum thu Kawlram thuneitu pawl cun thuthanglatu pawl hnenah January 11, tlawngkaini thum ah an sim.

Kawlram thuneitu pawl cun Asia khawmual le nitlaknak lam ram pawl cun Kawlram ih thansohnak le remthatawknak a neihmi parah an lunglut zet ih Kawlram cu a rem tha aw vivo a si ah cun pursumleilawnnak lam ah khal thansohnak a nei ding ti an theih ruangah ram dang dang ih sin pursumleilawnnak tuah ding in Kawlram cu an hliakhlai rero tan thu khal an rel bet. Cu vek ih ram dangdang ih milian le pursumleilawnnak lam ih milangsar pawl lak ih langsar zet pakhat a simi Microsoft Corp. chairman Bill Gates khal in Kawlram a feh tum ve a si.

Bill Gates cun Kawlram ah Microsoft company in branch a pharhawk theinak dingah lamzin a sial ding a si. Kawlram thuneitu pawl in Bill Gates ih a tumtahmi pawl an ti hlawhtlinnak asi a cun Kawlram mipi hrangah lawknak tamzet an tel thei ding ih pursumleilawnnak lam khal ah tampi hmasawnnak a nei ding ih zum a si.

(Visited 79 times, 1 visits today)

Comments

comments

One Comment

  1. umm… infastructure tha nei thei dingin in bawm hai khal seh la a hlawknak ding Lai mi in kan co sal lo ding ti ka phang.

    Midang pol in kan hamthatnak an lak theh sal lonak dingah Computer IT lamih sawr tlak hi lai mi ziangzat kan nei zo, Industrial/Factory hnatuan thiam le phunsang graduate hnatuan thei kan nei mo? Asilo le hnamdang pawl kan Boss ah an tuan theh sal dingih kan uar em em kan LAI TAWNG te thawn mi hnuaiah kan tuan rero leh ding.

    Tu in ruat uh si. Tangkailo thu elawk ban san seh la, vun ti zik seh la ka thei ve ngai ngai lo ih tawk mai seh

Comments

%d bloggers like this: