Bill Clinton le Hillary Clinton Ih Fanu In Pasal A Nei

Rinum ten' ka lo ti lai kha...

US President rak tuan dah Bill Clinton ih fanu Chelsia Clinton 30 le Marc Mezvinsky 32, cu 31 July ah Astor Courts ahkhan pumkhat si dingah kutsihnak thianghlimten’ an nei. Rual le pi thupi zetzet 400 pawlin an telpi. Cuipawl lakah leitlun hlasak thiam hminthang le zuknungcangthiam zetzet pawl an tel.

Chelsia Clinton ih pa Bill Clinton le a innsangnu (tui US secretary tuan rero lai) Hillary Clinton cun an makpa thar Marc an innsang ih an hmuah thu mipi pung khawmtupawl hmaiah aipuangzet in an sim lawngsiloin an fanu Chelsea ih ni sunglawibik a si thu khal an sim tel bet.

Ka fanu neihsunte hi duhdawtnak taktak thawn na rak enkawl ding ah ka lo hlan...

An kutsihnak kawtthler Astor Courts kiangkap cu mawtaw feh theilo khawp in mipi an pungaw khawm. Liamcia kum 2005 ih conference an rak kai nakah Clinton le Mezvinsky hi an rak theiaw ih cutin an karlak ah duhdawtnak pathri a rak um.

Conference ih an rak hmuhawk lawngsiloin Stanford University ih phunsang tlawng an rak kai lai ihsi rak theiaw an si. An thuhla zingzawitupawlcun kan dung kum lam ihsin a faalten an rak um tlang zo ti khalin an sim.

An kutsihnak hmun hi New York khawpi tidai mawizet umnak kiang te ah a siih boruak khal duh thusam in a tha tiah an sim. Chelsia Clinton hi Fanu neihsun a si bangin a nu le pa khalin an ui hleice nasa.

Methodist an siih an pa Marc hi Jew mi a si. An neihawk thuanthu ih makzetmi pakhat cu US rak tuandah Bill Clinton le Hillary Clinton in an rualpithabik Barak Obama an sawm duh lo. Sawmnak ca mipi pawl an pek rero lai khalah an pe duhlo, phone khalin an sawm hrimhrimlo. Obama khalin a thinhengnak “President pahnih tel an duhlo ruangah a si ding” ti tiang in a tar ve.

Comments

comments

Comments

%d bloggers like this: