Bible Thufim

1. Na tuah mi hmuah hmuah cu BawiPa hnen ah hlan aw, Na khua khan nak cu na hlawh tling ding.

2 .Na tong ih a suahter mi rah vek in na nun nak cu asi ding.

3. Na uar awk rero asi ah cun harsat nak na sawm thawn a bang aw.

4. Mi zo khal in tawhawk nak cu a suah ter thei,Tawhawk nak hrial thei cu Upat tlak asi.

5. Ding nak le thudik tuah cu raithawi nak hnak in BawiPa in a duh sawn.

6. Nom nak a duh mi cu a farah ding,Zu le sa a duh mi cu alian dan lo ding.

7. Tar pawl ih bawi lukhum cu an tu le fa pawl an si, nauhak pawl ih sun lawi nak cu an nu  le pa pawl an si.

8. Mi dang ih an lo ruah daan poisa tuk ih um khi tihnung za asi,Asinan Pathian na rinsan ah cunphan ding aum lo.

9. Mi tha lo cu zo hman ih dawi loin an mah ten an tlan, Sikhalsehla midik mifel cu Kiosa vek in an ral a tha.

 

        By-Van Lal Muan

Comments

comments

Comments

%d bloggers like this: