Biazai 3 Pawl

Lungawinak Mitthli

Tuarnak ruangah mitthli a luang
Thinlung sung in hliamhma thihnai suak lo hmanseh
A tuarnatnak cu celhrual ci khal si hlah ee
Dawtnak rimhmui ka lo pek kha
Tur rimsia bang na can ter men hi !
Lungawinak ding hrang ka lo sim mi cu
Riahsiatnak menah na can men maw?
Tiamthu in rak hlan mi parah
Ka ruahsannak ka rak ret nan
Rinumnak thu in hlan mi parah
Ka beiseinak ka rak din nan
Duhdawtnak in rak pek mi parah
Ka nunnak hmuah in ka rak pek nan
Thlibang in maw na zamhlo ter theh
Kan thlir mi cung Ninu hman a liam hrih lo
Kan cuan lai ding mi cung Thlapa khal
A suak hrih lo kha!
Keimah te cun ka ngam thei hrim lo ee
I tlansan hlah aw ka nun in a lo tul
Ruahsannak cu nangthawn lawngah
A famkim thei ding ka lo ti kha
Ka lo tul duhmi ka nunnak sungah
Siam mi phunkim in thlir pi tu ding leh
Hi khawvel thil phunkim i hmanpi tu dingah
Na letsal ding caan rak hngak hrih in
Luang hrih ko seh tahnak mitthli
Rak kir hram law
Lungawinak mitthli luangsuak thlang seh!!
By: Hausum Fanu
+++++++++++++++++++++++++++++++++

“Ka Lung Kim”

A tongaw theilo mi riinding pahnih bang,
Ding zetih a fehmi kan pahnih duhdawt nak.
Zattial kutnem kai aw in, tthenlo dingin thu kan tiam.
Ka sansung na hrang siding ka lung kim.

Kiangkap aankaa simrel zum hlaang ee,
Thang sinsin ee ka hna tlemlo tiang in maw.
Ka sungmuril suntlang theitu a cuih aankaa,
Parhzaam ngah ee, ka lungthin hmuah nang vaangah.

Tthianrual lenpi le tla’n in ti maw,
Lungduh colo vanduainu ti in,
Ka hrangah nang silo hman ning la,
Na hrang nungtu siding ka lung kim.

Ma’i khengsung sa lo ei tum hlaang ee,
A siambawl tu talah tthahnem ve ing maw,
Lungsiat ninghan beidon na ton caan ah,
Na thin hnemtu si theilo hmanseh.

Na tuar harnak na ir-awm sung thu,
Irh suak theinak ka liang lo san ding in,
Na hrangah nungtu siding ka lung kim.

By-  Mai Dai Dim

++++++++++++++++++++++++

Kei Leh Ka Dinhmun

Dinhmun sang nei lo ka nunnakah

Sumleh pai khal ka nei tam ve lo
Zirsang ve lo ka nunnakah
Fimthiamnal khal ka nei tawk lo
Duhdawt mi rak nei tam lo ka nunnakah
Duhdawt daan khal ka thiam tawk lo
Ngaihsak tu tawng ve lo ka nunnak ah
Ngaisak daan khal ka lo pe thiam tawk lo ding
Tuan rero lao ka nunnakah
Ka caan hmuan khal ka lo pe thei lo
Zuam rero lai ka nunnakah
Duhthusam bang a kim hrih lo ding
Duhdawtnak lawng ka lo pe thei hrih lai
A thianghlim mi na hrang duhdawtnak cu
Ka neihsun um mi a si
Ka lo pek thei mi hi Parmawi hi
Phunciar siang lawn i rak cohlang sak
A nuam a har khalah
Na kaihhnget mi parmawi si ding hi
Cungkhua nu’i lairel si hram seh law

Hausum Fanu

(Visited 51 times, 1 visits today)

Comments

comments

5 Comments

  1. Nau na ca mi te cu aw……
    Siar nuam nasa….

  2. Mai Hausum Fanu le Mai Dai Dim nan ngan thiam tuk. Ka lo uar zet hai. A dang tla run ngan hrih uh.

  3. Nan pa 2 in nan va thiam ve.
    ka lung thin in ti buai zik thei nan..
    ka mitthli ka sup ta ruangah si..
    nan thiam tuk law law..
    zuam sin uh maw.

  4. HAHAHAH……..
    hahaaaaaaaaaaaaaaaaaaaaaaaaaaaaa

    Thiamtuk aw…………..e

  5. hdawhthang says:

    na letsal ding caan hngak hrih in luang hrih ko seh ttah nak mit thli
    ra kir hram ko law
    lungawi nak mit thli luang thlang seh ka duh tuk
    in rawn ngan sak hrih hngak aw na thiam tuk

Comments

%d bloggers like this: